Mateo 10:32 - La'qaatqa ñi qota'olec Qota'olec & Qota'olec Novita Na Qomyipi

³² Ca ná'ogue ná'maq ra'qaataxanem na qomyipi quiyim queetalec aỹim, ca ỹim qai'neeta sa'xat ma'le quiñi ita'a qota'olec neeta'gue da piguim.

Mateo 10:32 Iomraidhean Croise

Mateo 25:34

Ca' ca nashi 'naac ma'le casó'maq pa'aata'gue da loic: “Qamiri ỹalahi quenajo, qamiri nauá'maq qanqouagueque quiñi ita'a. Coñiguit dá'maq ralamaxarichii no'ueenataxanaxac mashic ỹa'maqatañi nouetaxanatec qaỹaqatqajantari' caqamiri shi'gue na' ñaqai chita'gue qaỹo'uet na 'laua quiñi qota'olec.

Lucas 15:10

Ca' ỹim shinapegalo qamiri ỹaatqajam 'ue qai'neeta da netoonaxac ná'maq qota'a lelaatqaipi piguim laseripi, quena' 'ue ñi netacocha quena sauaqhuaiquipi.

Juan 9:22

Saua leta'al 'neraco' na'le dajo, ma' mashic 'uo' da lqolonqa', ma' so judioipi shi'co' na'deentecta' quiyim ỹo'daauec cañi lo'ueenaxanaxaqui canchaqaica qom quiyim 'naac so Jesús chaqaiso só'maq nashi nca'laxaqui.

2 Timoteo 1:8

Vichiguiño' se rpocoqoirelec quiyim 'xachisac so qara'gaxala' Jesús, chaqai se rpocoqoirelec aỹim quiyim qaycoñiretari', sasoualec so'maxare. Ta'ta'a quiyim lliquirau'a ca ne'xoric quiyim sohiralec da na'qaatec chicqaugui da nca'laxa, quecá'maq taachi'ñi da rquesaxanaxa'e' chicqo'ot ñi qota'a.

1 Juan 4:15

Canchaqaica quiyim ỹaatqajam llic nqai'en quiyim so Jesús chaqaiso so llaalec ñi qota'a, ca' da nachaalataxac hueeto'ot ñi qota'a, chaqai ñi qota'a hueetagui da nachaalataxac ca'maxare.

Apocalipsis 2:13

Ỹim sa'den ná'ogue ná'maq 'viichi'sac, chaqai sa'den quiyim lliquisaugui ná'maq qomyipi qoỹoiquentac queso na'ỹaapec. Qam qaiyiita ỹaatqajam qui'terelec aỹim, sqai 'xañiriñi quiyim vi'relec aỹim, vire'ta quesaua na'xata' na' qaỹachigoxotetouguilo qamiri so qamaxaraic itaxaỹaxanqajnec Antipas quiyim qaỹalauat, quená'maq hueete'e so na'ỹaapec.

Apocalipsis 3:5

Ca cá'maq rauegaxan ma'le, ca' ỹañiñi nqohine' caua noho lalagaxaqa. Chaqai se sapalaxat ca leenaxat quiyim qoỹeretañi cayi lere nca'laxalate, ta'ta'a quiyim sa'xat quiñi ita'a chaqai quena lelaatqaipi piguim laseripi.