Mateo 10:28 - La'qaatqa ñi qota'olec Qota'olec & Qota'olec Novita Na Qomyipi

²⁸ Ca se ro'chiỹa cá'maq ishit ỹalauat na noshicmaxa, qam se ishit ỹalauat yi pa'aauo chaalataxac. Ta'ta'a quiyim ro'chiỹa ñi qota'olec ñí'maq ishit ỹalauat na qaroshicmaxa chaqai so qara'al inaxañigui ca norec navicqatqa' na hualoxonyipi.

Mateo 10:28 Iomraidhean Croise

Mateo 10:26

Ca' vichiguiño' 'neeto' ro'chiitapega ca qom. Ma' sqaica quet cá'maq 'ueenataxac quiyim se qaichoxotec, chaqai qaica quet cá'maq qoỹo'tetegueñi ỹovireta'a quet quiyim se qaỹa'den.

Mateo 25:46

Ime, ca' nauajo querepegue' ca nouaxanaxac sqaica lqodoc, ca ná'maq no'uen da ỹo'ueetetac, ca' quepegue' ca nca'laxa sqaica lqodoc.

Mateo 5:22

Qam ỹim shinac caqamiri, canchaqaica quiyim ro'ỹa ca lqaỹa, ca' ca'maxare qaỹa'ue ca nouaxanaxaset. Chaqai cá'maq ishiuen ca lqaỹa, ca' qaỹauega'a ná'maq nashillipi ỹo'ueetegueñi na leloxoỹaxaquipi, ca' qaimit. Chaqai cá'maq 'naac sqaica ỹa'den ca lqaỹa, ca' ca'maxare hueetalec ca lichic quiyim taañigui nqohin ca norec, cá'maq hua'ñi quiyim ñi qota'a ỹo'uet ca nouaxanaxaset na hualoxonyipi.

Juan 5:29

ca nenoxonshiguim ma'le quena leuaxaic lahiripi. Ca ná'maq ỹa'maqachiguiñi ná'maq ỹo'uet, ca icoñiguit da lca'laxa; qam ná'maq se no'uen dá'maq ỹo'uet, liỹa nenoxonshiguim, qam icoñiguit da nouaxanaxaset.

Hechos 21:13

Qam so Pablo 'naaco': —¿Chi'negue ma' nohiñitac chaqai viitaque na ỹachicoxo? Ma' ỹim mashic ñomatalta' quiyim sqaidaata quiyim qaycoñi', qai'neeta quiyim yileua'ñi yi Jerusalén, sasoualec so qara'gaxala' Jesús.

Hebreos 10:31

¡Chalego lichic quiyim seuqo'oto naua lqai'laqate' ñi qota'a ñí'maq chaqai 'neetari' nca'leetauec quiyim 'ue ca naqajñi!

Hebreos 11:35

'Uo' ana 'aalo liỹa icoñiguit na lasauaxanec liỹa nca'leuec. Chaqai 'uo' na ileu queda ne'guenaxac, qam se ỹa'maxaren quiyim qaỹosouec, ma' ỹahotaque quiyim liỹa qanca'laxatec quecá'maq paguec loyac nca'laxa.

Santiago 4:12

Ma' 'oonoqui' ñí'maq ỹaanec dá'maq naqataxaquipi, ca' chaqaiñi ñí'maq imitac ná'maq nasauaxaset, chaqai chaqaiñi ñí'maq ca'laqataxan chaqai ralauataxan. Qam qami' ¿negue' queto' qami' quiyim michi'sac queca lasauaxaset ca riỹa'e'?

1 Pedro 3:14

Qam 'eno'm 'ue ca re'xoriguii, qam quiyim 'maxachii'tegue da nachaalataxaguii, ca' 'ue ca ra'maxahi. Qaica ca ro'chiỹaque, chaqai sqaica ca rqo'ỹoqochichii.

Apocalipsis 2:10

Qam se ro'chita dá'maq qohine'tegue ma'le caqami'. Ma' so na'ỹaapec 'ue ma'le ca coñi' cañi ncoñiitaxanaxaqui caqamiri, qaiyi qamiá'ogue qari'guiñii ma'le. Chaqai 'ue ca re'xoriguii ma'le quecaua diez na'xata'. Qam ỹaatqajam lo'qo'ichiriñi da rpi'ỹaxaqui', ỹovireta'a quiyim rillivi'. Ca ỹim saanem qami' ma'le da nca'laxa 'ec nishivichi'.