Mateo 10:26 - La'qaatqa ñi qota'olec Qota'olec & Qota'olec Novita Na Qomyipi

²⁶ Ca' vichiguiño' 'neeto' ro'chiitapega ca qom. Ma' sqaica quet cá'maq 'ueenataxac quiyim se qaichoxotec, chaqai qaica quet cá'maq qoỹo'tetegueñi ỹovireta'a quet quiyim se qaỹa'den.

Mateo 10:26 Iomraidhean Croise

Eclesiastés 12:14

Ñi qota'olec qarenat ma'le quená'ogue ná'maq so'ueetqatac lo'yaxanec loqo'm se no'uen, 'eno'm ñañoxotqatañi quiyim so'ueetaq.

Isaías 41:10

Totaxan ro'chi'i', ma' qami' iỹaatac; se ro'chi'i', ma' ỹim qota'olec caqami'. Ỹim sa'ue ca rquesaxanaxa'e', ỹim sotauañi', ỹim ñolliitañi qami' queda iqai'laxat huegaxanaxai.

Jeremías 1:8

Qaica ca ro'chiraque, ma' ỹim seuetau'e ma'le na rahi'i', squepaqataxanteguelec qami'. Ỹim ná'maq ỹim ra'gaxalachi', saanec da ỹa'qaatec.

Ezequiel 2:6

Qami' ỹale, totaxan ro'chita yi'maxare chaqai cá'maq 'naac caqami', 'eno'm 'ec vi'sañigui ca leesat loqo'm 'ec vi'sañigui ca pa'lotoxoiquipi. Totaxan ro'chita cá'maq 'naac yi'maxare caqami' chaqai quiyim na'axachigui na lashic, 'eno'm chalego re'qoota da lauel caqami', qam se ro'daxachirec.

Mateo 10:28

Ca se ro'chiỹa cá'maq ishit ỹalauat na noshicmaxa, qam se ishit ỹalauat yi pa'aauo chaalataxac. Ta'ta'a quiyim ro'chiỹa ñi qota'olec ñí'maq ishit ỹalauat na qaroshicmaxa chaqai so qara'al inaxañigui ca norec navicqatqa' na hualoxonyipi.

Marcos 4:22

Ma' sqaica quet cá'maq qoỹoxotetegueñi quiyim se re'oq nqohin, chaqai qaica ca 'ec se re'xogui se ỹovira'a quiyim qaỹa'den.

Lucas 24:47

Ca' dajo leenaxat qaỹa'xat ma'le, qara'qaataxanougui na ỹoreta'oguit qomyipi, quiyim qohinapega ná'ogue na'maxare quiyim ỹalate' naua no'ueenataxaco, qaiyi naua lasauaxasete' qaỹapalaxate', qaỹachigoxochichi'ñi na Jerusalén.

Lucas 8:17

Ma' sqaica ca qoỹoqtetegueñi quiyim se re'oq quet. Chaqai qaica ca se re'xogui quiyim se qaỹa'den, ca qaỹachaxantec ca re'oq nqohin.

Hechos 1:8

Qam ma' novitalo qamiri ca Espíritu Santo, ca' coñiguit ca nquesaxanaxa. Ca' oquii, 'xachitac aỹim, ca 'qaataxañiỹougui yi Jerusalén, chaqai yá'ogue yi 'laua quiyi Judea, chaqai yi Samaria, chaqai ỹovireta'ogalo naua'que naua lahil na 'laua.

Hechos 4:13

Co'na' so nashillipi ỹa'den quiyim se no'chiiralec da letaxaỹaxague' so Pedro chaqai so Juan, chaqai retane' quiyim saua ỹale' sqai napaxaguinaxaqa chaqai saua'maxare chaqai qomi', ca 'ue da le'laqa'. Ca' qaỹa'deene' quiyim ỹalequesaugui na nauegaxauaripi so Jesús.

Hechos 4:19

Qam so Pedro chaqai so Juan 'neraco': —Ñaqai 'deenataxañiỹac qamiri tegue' chaqai 'maxaraic quiñi qota'olec quiyim ña'xaỹaxanaxalo qamiri, ca' ñi'maxare, ca' se ña'xaỹaxanaxa.

1 Corintios 4:5

Ca vichiguiño' caqamiri mesqai 'aviỹalec quiyim michii ca riỹahi. Nauaañiỹa'piguit só'maq qara'gaxala' ma' novi', ca re'oq nqai'en ca hueetaugui na napalaxa. So'maxare re'oq nqai'en ma'le na 'neetari' na ne'taxanatallipi. Ca ñi qota'a ỹaanem queca 'óna cá'maq 'neeta ca na'maqataxac.

1 Pedro 3:14

Qam 'eno'm 'ue ca re'xoriguii, qam quiyim 'maxachii'tegue da nachaalataxaguii, ca' 'ue ca ra'maxahi. Qaica ca ro'chiỹaque, chaqai sqaica ca rqo'ỹoqochichii.