Mateo 10:25 - La'qaatqa ñi qota'olec Qota'olec & Qota'olec Novita Na Qomyipi

²⁵ Vichiguiño' ca napaxaguinatec ỹa'maqachigui quet lauel quiyim ỹovireta'a quiyim 'nejem ca napaxaguinatqo', chaqai ca nelaatec ỹovireta'a quiyim 'nejem ca na'co'. Ca no'm cá'maq nashi queca na'a' qaỹamata'gue lashi na se re'xogui lecmaxaiquipi, ¿mesqai pagueco' la'aaxa cá'maq qaỹamata'gue na llaalqaipi ma'le?

Mateo 10:25 Iomraidhean Croise

2 Reyes 1:2

Ca 'uo' so na'xa'a, ca' so Ocozías najño', chicqoshi'ma añi nqote ñi pa'aashiguim lauo' quiyi la'a' lodegaxat na'ñi yi Samaria, ca' ỹaatqajam coñirqatam. Ca co'na'le, ca ỹa'uo' so lelaatec quiyim renataxana so lashiilec lqolac Baal-zebub, qohinac qota'olec quiyi Ecrón, ma' ỹahotaque ỹa'den quiyim imeuec ma'le.

Mateo 12:24

Qam co'na' 'xaỹa dajo so fariseoipi, ca 'naaco': —Dajo ỹale ỹo'daauec na ne'ec lecmaxaiquipi, qam ỹahote'e da lquesaxanaxa so Beelzebú só'maq chi lashi na'maxare.

Mateo 12:27

Qamiri 'ñiỹac quiyim aỹim so'daauec na ne'ec lecmaxaic, sahote'e da lquesaxanaxa so Beelzebú. Ca no'm chaqaida 'neeta, ca ¿nega'ỹo' cá'maq ỹaanem da lquesaxanaxa ná'maq queeta'pegueto qamiri quiyim ỹo'daauec na'maxare? Ca' vichiguiño' chaqaina ná'maq ichoxote' qamiri quiyim o'miỹac.

Mateo 9:34

Qam so ỹalequetaugui na fariseoipi 'naaco': —Dajo ỹale ỹo'daauec na ne'ec lecmaxaic, ỹahote'e da lquesaxanaxa só'maq chi lashi na'maxare.

Marcos 10:39

Ca saua'maxare 'neraco': —Ajá'a, seshitaq. Ca' so Jesús 'naaco': —'Nesa ma' llic quiyim qamiri quiichiugui ma'le da ñi'guenaxac 'ec qane'taxañigui aỹim chaqai da chilaxac saañigui ma'le.

Marcos 3:22

Chaqai qai'neeta 'uo' na chicqota'gue da Jerusalén quena rapaxaguinataxanta'pegue na naqataxaquipi. Na'maxare 'naaco': —Dajo ỹale hueeto'ot ñi Beelzebú ñí'maq lashi na ne'ec lecmaxaic, ca' quedá'maq lquesaxanaxa ñi Beelzebú ro'ootaxantapega quena ne'ec lecmaxaic.

Lucas 11:15

Qam 'uo' na 'naac queso qomyipi: —Dajo ỹale ỹo'deetapeguec na ne'ec lecmaxaiquipi, da'maxare ro'ootaxantapega da lquesaxanaxa so lashi na ne'ec lecmaxaiquipi, leenaxat Beelzebú.

Lucas 11:18

Ca' da 'neeta qai'neeta so na'ỹaapec, no'm ỹoretecchi na queeta'pegue', ca ¿negue' quet ca 'neeta quiyim queeta ca lquesaxanaxa? Qam dajo shinac, ma' qamiri 'ñiỹac quiyim aỹim so'deetapeguec na ne'ec lecmaxaiquipi quiyim so'ootaxantapega da lquesaxanaxa so Beelzebú.

Lucas 11:19

Qam no'm chaqaida 'neeta, ¿negue' ca ỹaanem ná'maq queeta'pegueto qamiri ca nquesaxanaxa quiyim ỹo'daauec na ne'equipi? Vichiguiño', chaqaina na'maxare quiyim re'oq quiyim qamiri o'miitac.

Juan 10:20

Ca 'xoico' só'maq 'naaco' quen: —¿Chi'negue dá'maq na'xaỹaxañitapega, ma' 'ue ñi neetagui chicqo'ot so na'ỹaapec, chaqai mashic quishiuguet?

Juan 7:20

Ca' so qomyipi 'naaco': —'Ue ñi lelaatec so na'ỹaapec neetagui qami', ma' ¿nega'ỹo' ca ỹahotaque ralauachi'?

Juan 8:48

Co'na'le, ca so judioipi 'naaco' queso'maxare: —Qomi' ỹaatqajam llic da sa'xataq na' shinqac quiyim qami' chaqai Samaria le'ec, chaqai 'ue ñi neetagui qami' chicqo'ot so na'ỹaapec.

Juan 8:52

Ca so judioipi 'naaco' na'le queso'maxare: —Ca' nagui, ca ỹaatqajam sa'deenqata quiyim 'ue ñi neetagui qami' chicqo'ot so na'ỹaapec. Ma' so Abraham chaqai sá'ogue so letaxaỹaxaquiripi ñi qota'olec nilliviñi, qam qami' 'ñirac: “Cá'maq na'xaỹaxane'ta dá'maq sa'xat, ca tot ileu.”