Mateo 10:23 - La'qaatqa ñi qota'olec Qota'olec & Qota'olec Novita Na Qomyipi

²³ Ca noma' qarocañiỹac queca na'a', ca' 'iichii, quiipegue' ca liỹa. Ma' ỹaatqajam llic da shinac caqamiri, quiyim najo ỹale llaalec novi' ma'le, ma' saqa' nomachishiguim ná'ogue na na'aateripi quená'maq la'a' so Israel llaalqaipi.

Mateo 10:23 Iomraidhean Croise

Jeremías 26:21

So nashi Joacim chaqai so lotauaripi chaqai so liỹa nashillipi, na' 'xaỹa dá'maq 'naac so Urías, ca' so nashi ỹahotaque quiyim qaỹalauat. Qam na' ỹa'den so'maxare, ca' no'chi, ca' 'eet, taigue da Egipto.

Mateo 16:27

Ma' najo ỹale llaalec ma' novi', ca' naquetaugui da lauaq ñi leta'a chaqai liỹaatac na lelaatqaipi piguim laseripi. Ca' ma'le, ca ishiueten quiñi 'óna quecá'maq lo'ueenatec.

Mateo 16:28

Ỹaatqajam llic da shinac caqamiri, 'vii ma'le caua caqamiri lliguitaho nagui quiyim saqa' ileue', chi ỹovireta'a quiyim iuanta najo ỹale llaalec naquetaugui da lo'ueenataxanaxac quiyim nashi.

Mateo 2:13

Ca co'na' mashic ỹoteguelo saua 'deenaxanqachaqaqa, ca' so 'óna lelaatec ñi qara'gaxala' piguim le'ec nachaxana so José co'na' laqata. Ca 'naapego': —Ne'laxachirishiguim, coñitot na noctoqui' chaqai añi late'e. Ca' 'iichi', 'itegue da Egipto. Ca ñiisa'ño'yi, toco' ma' 'ue ca liỹa shinac. Ma' ñi Herodes idaanaque ma'le ñi noctoqui' quiyim ỹalauat.

Mateo 23:34

Ca' vichiguiño' ñila' ma'le ca itaxaỹaxanqajanqaipi chaqai ca 'deenaxanqachaqaiquipi chaqai ca napaxaguinataxanaripi. Qam qamiri 'ue ca lauachii chaqai pachiñiho ma'le quecaua'maxare, chaqai caua liỹa' ca huaxañita'pe quenaua rapoxoguii, chaqai 'ue na ocañitac quenaua na'aate'.

Mateo 23:36

Ỹaatqajam llic da shinac caqamiri, quiyim ná'ogue na nasauaxaseteripi quená'ogue taalec ma'le najo qomyipi nagui.

Mateo 24:27

Ma' 'ec ma'le ca nqai'legaxa re'qoota queda lqodoigue chaqai queda lauashiguim, ca chaqaida 'neeta ma'le ca loviraxac najo ỹale llaalec.

Mateo 24:30

Ca ma'le, ca' qaiuana quena piguim ca letanec najo ỹale llaalec. Ca ná'ogue na ỹoreta'oguit qomyipi noỹentagui, ma' qaidaana'guit najo ỹale llaalec naquetaugui na naueguelec, ỹaatqajam chalego lquesaxanaxa chaqai na lauaq.

Mateo 24:34

Ỹaatqajam llic da shinac caqamiri, quiyim ná'ogue najo 'au re'oq ma'le, ma' saqa' ileu na qomyipi hueetauguilo nauajo na'xata'.

Mateo 24:48

Qam cajo nelaatec, no'm se nouoogoñi, ca 'neetapigui lauel quiyim qaua' novi' ca na'co'.

Mateo 25:13

Co'na'le, ca' so Jesús 'naapegalo' saua'maxare: —Ỹaatqajam nelohitauec, ma' sqa 'yiiñii ca na'xa'a chaqai ca laloqo' quiyim novi' najo ỹale llaalec.

Mateo 26:64

Ca' so Jesús 'naaco': —Ajá'a, chaqaỹim, chaqaida dá'maq 'ñirac. Chaqai qai'neeta shinac caqamiri huañiỹa ma'le najo ỹale llaalec nqa'xanta'gue da loic ñi qota'olec ñí'maq sqaica qalanac, chaqai naquetaugui ma'le na naueguelec quena piguim.

Mateo 4:12

Co'na' so Jesús 'ue da la'xaỹaxac quiyim so Juan qaiconlec, ca' qoỹanaugui añi ncoñiitaxanaxaqui, ca' so Jesús quepegue' yi 'laua Galilea.

Marcos 13:26

Ca ma'le, ca qaiuañi'chiguit najo ỹale llaalec naquetaugui na naueguelec, qam chalego da lquesaxanaxa chaqai da lauaq.

Lucas 18:8

Ca ỹim shiñiỹapegaxaua' quiyim chaqa'ma' iuejlec. Qam ma' najo ỹale llaalec rapil, ¿peeta'a ñaqa 'uo' ca npi'ỹaxac ma'le quená'maq hueetalec na 'laua?

Lucas 21:27

Ca' qaidaana'guit ma'le najo ỹale llaalec naquetaugui ca naueguelec ỹaatqajam qaica 'nejem ca lquesaxanaxa chaqai ca lauaq.

Juan 7:1

Ca co'na' ime dajo, ca' so Jesús ỹouoxontac yi 'laua Galilea. Sqai quepegue' yi Judea, ma' quiyi'maxare na judioipi ỹahotaque ỹalauat so'maxare.

Hechos 17:10

Ca co'na' mashic pe, so nqaỹaripi nquipitaxandec so Pablo chaqai so Silas quiyim inoxonaxaterec. Ca taategue da Berea. Ca co'na' ỹovite', ca querepegue' añi lapoxoqui na judioipi.

Hechos 17:14

Qam so nqaỹaripi chaqa'ma' ila' so Pablo quiyim quepegue' ca lqodoc aso huaaxai. Qaisauate' saua Silas chaqai so Timoteo no'ueendañi quiyi Berea.

Hechos 20:1

Ca co'na' ime so co'uaxac, ca' so Pablo roỹaxanougui so mashic icoñiguit da na'qaatec, ỹahotaque ỹaanouguilo naua laqataxaco. Ca ỹa'ue la'xaỹaxac quiyim eec, ca' nqa'aalguita, ca' eec, taigue da Macedonia.

Hechos 8:1

Ca' so Saulo ỹa'maxarenta quiyim qaỹalauat so Esteban. Ca nachinchigui so na'xa'a na' qaỹocanac ná'maq mashic ỹacoñiguit da na'qaatec quiyi Jerusalén. Ca ná'ogue neuagaxatac, quepegueto naua 'lauari quiyi Judea chaqai yi Samaria. Nodaaterec saua Jesús lelaatqa no'ueendañi.