Mateo 10:20 - La'qaatqa ñi qota'olec Qota'olec & Qota'olec Novita Na Qomyipi

²⁰ Ma' sqai qamiri nauá'maq taxahi ma'le, ta'ta'a so ne'Espíritu ñi qota'a ñí'maq viilec ñí'maq retaqa ma'le caqamiri.

Mateo 10:20 Iomraidhean Croise

2 Samuel 23:2

So ne'Espíritu ñi qara'gaxala' ya'qaataxanaxan; ca' naua la'qaatqa hueesalec ñi ỹo'legaxanaxat.

Éxodo 4:12

Ca' vichiguiño' nagui qui', ca' qami' iỹaatac ma'le. Ca ma' taxahi', ca sapaxaguiñitegue cá'maq 'ñirac.

Mateo 6:32

Ma' na qomyipi hueetalec ana 'laua ná'ogue ỹa'deentapiguii nauajo. Qam qamiri 'ue ñi qota'a ñí'maq viilec neeta'gue da piguim, ñi'maxare shi'gue ỹa'den quiyim viñitaque ná'ogue najo.

Marcos 12:36

Qam chaqaiso só'maq David co'na' qaretaqaugui queso Espíritu Santo, 'naaco': Ñí'maq qara'gaxala' qota'a 'naaco' quiñi ỹa'gaxala': “Nqa'xañiriñi queda ỹoic, toco' ma' sillo'oto naua qapiaachichi' ná'ogue na npa'guenaxaua'e'ipi.”

Lucas 11:13

No'm qamiri nogoraqa, qam 'yiiñii quiyim 'ỹaañim ca lo'yaxanec ca qachaalaxahipi, ¡huose'quet ñi qata'ahi neeto'ot na piguim ỹaanem ca Espíritu Santo quecá'maq rashiilaxanaque!

Lucas 12:12

Ma' quiyim ỹovita ca laloqo' quiyim taxahi, ca' so Espíritu Santo ỹapaxaguinguelo qamiri cá'maq leloxoỹaxac ca ra'qaachiguii.

Lucas 21:15

ma' ỹim saanema ma'le qamiri caua ra'qaataxahi chaqai ca ra'deenaxanaxahi, qaiyi qaica ca ishit retaxaỹa'guita qamiri.

Hechos 13:9

Ca' so Saulo chaqai qai'neeta leenaxat Pablo, no'qaachigui queso Espíritu Santo, ca ỹaatqajam ra'i'tot.

Hechos 2:4

Ca sá'ogue qano'xataxachichigui queso Espíritu Santo. Ca' quiyi, ca retaqa, ỹa'xate' naua ỹoqa'alo na'qaatqa, quecá'maq qoỹaanem ỹa'xat queso Espíritu.

Hechos 28:25

Qam quiyim mesqai sá'ogue natene'ejta' ỹa'maxarenta, ca 'uo' na eec. Ca' so Pablo 'naaco' queso qomyipi: —Ỹaatqajam taachiguio' dá'maq ỹa'xato' so Espíritu Santo queso 'auaxaic qareta'allipi, na' retaqaugui so qota'a letaxaỹaxaqui leenaxat Isaías. Co'na' 'naac:

Hechos 4:8

Ca' so Pedro no'qaachigui queso Espíritu Santo, ca 'naapegalo': —Qamiri nashil quena judioipi chaqai na qo'xoiquipi quena Israel laseripi,

Hechos 6:10

Qam qaica ca lligo, ma' so'maxare quena' retaqa, da la'deenaxanaxa ỹachigoqto'ot so Espíritu Santo.

2 Corintios 13:3

Ca' yi hua'ñi ma'le, ca' 'yiiñii cá'maq michitaque ma' re'oq quiyim retaqaugui aỹim so Cristo. Qam so Cristo mesqaida quet quiyim qaica quet ca lquesaxanaxa quiyim 'ue ca 'ne'teguelo qamiri. Ta'ta'a quiyim ichoxot da lquesaxanaxa ma' hueetanguilo qamiri.

1 Tesalonicenses 2:13

Ca' chaqaida dá'maq 'em quiyim saanqatacot da qana'aachic ñi qota'a, ma' na' na'xaỹaxañiỹa da sa'xatqatac la'qaatec ñi qota'a, ca' coñiguit, qam mesqai 'ñiita'gue ca chi la'qaatec ca qom, 'ñiita'gue quiyim qota'a la'qaatec. Qam lliqueta quiyim ỹaatqajam qota'a la'qaatec da'maxare, ma' re'oq da lo'ueenataxanaxac caqamiri na' viilec.

1 Pedro 1:12

Qam ñi qota'a ỹa'deenaxanaxanque quiyim dá'maq ỹo'ueetesac saua'maxare se lalamaxarete', ta'ta'a quiyim taỹauguilo qomi'. Ma' dajo dá'maq qaỹa'xatema nagui qamiri quesauá'maq ỹa'xate' da na'qaatec chicqaugui da nca'laxa, chicqochigui da lquesaxanaxa so Espíritu Santo só'maq qanela' queda piguim. Ca' nauajo nauá'maq só'maq nelaatqaipi piguim laseripi qai'neeta ỹahotaque iuanchigui.

2 Pedro 1:21

Ma' ná'maq letaxaỹaxanqajanqaipi ñi qota'a se ỹauana quiyim nodajlec quet ca ỹa'xat. Ta'ta'a quiyim saua'maxare ỹaatqajam nañaantetot ñi qota'a, chaqai quiyim ỹa'xate' ca la'qaatec ñi'maxare, ca' so Espíritu Santo retaxahi' nqai'ne' saua'maxare.