Mateo 10:19 - La'qaatqa ñi qota'olec Qota'olec & Qota'olec Novita Na Qomyipi

¹⁹ Qam ma' qoỹaanero qamiri quena nashillipi, sqai 'yiiñitaque cá'maq 'ñiỹac, loqo'm quecá'maq reloqo'tegue ca ra'qaachiguii. Ma' quiyim ỹovita ca laloqo' quiyim taxahi, ca' ñi qota'olec ỹo'ueete' ma'le caua ra'qaataxahi.

Mateo 10:19 Iomraidhean Croise

Éxodo 4:12

Ca' vichiguiño' nagui qui', ca' qami' iỹaatac ma'le. Ca ma' taxahi', ca sapaxaguiñitegue cá'maq 'ñirac.

Éxodo 4:15

Taqaira'pegue' ma'le ñi'maxare, 'xachitem dá'ogue dá'maq shim 'xachi' ma'le. Ca' ỹim seuetañiguilo qamiri ma' taxahi, chaqai sapaxaguiñiigue cá'maq 'neeta cá'maq 'viichii.

Jeremías 1:7

Qam ñi qara'gaxala' 'naac caỹim: Totaxan 'ñirac quiyim qami' ne'necoqui'. Qami' qui', 'itegue cá'maq selachitegue, chaqai 'xachi' cá'maq selachirelec quiyim 'ñirac.

Jeremías 1:9

Ca' queca na'le, ca ñi qara'gaxala' ipootau'alo naua ỹapi' queda lqai'laxat, ca 'naac caỹim:

Mateo 10:18

Ca vire'to' ma' viriỹau'a ná'maq reloqota'alo naua 'lauari chaqai ná'maq lashillipi na'maxare, ma' qamiri ỹalamaxarete', qaiyi shichii ya'xachitac quena'maxare chaqai quena sqai judioipi.

Mateo 6:25

Ca vichiguiño' nagui shinapegalo qamiri quiyim sqa chigoita 'yiiñitaque ca qanoxohi, chaqai quecá'maq ni'chiigui quiyim viñitaque, chaqai cá'maq qatooỹaguii quiyim ñiiñi. ¿Mese ỹapacauec da chaalataxac quecá'maq na'ic, chaqai na noshicmaxa quecá'maq nooỹac?

Mateo 6:31

Vichiguiño' sqai hueetapigui qavillii quiyim 'ñiỹac: “¿Nega'ỹo' ca sa'guinaq nagui, loqo'm nega'ỹo' ca ñi'taxagui, loqo'm nega'ỹo' ca qotooỹac sanaxañi?”

Mateo 6:34

Ca' mesqai 'yiiñitaque cá'maq 'neeta ca liỹa na'xa'a. Ma' cajo liỹa na'xa'a ỹaatqa'chiguit cá'maq lqalaic huaugui. Ca' quiyi 'oonoqui' na'xa'a llicsa ỹaatqajam hueetougui yí'maq chi lqalaic.

Lucas 12:11

Ca ma' ỹovita quiyim qaraviguiu'a aca lapoxoqui na judioipi, loqo'm na nashillipi chaqai na na'gaxalateripi, qam sqai hueetapigui qavillii cá'maq 'xachii chaqai cá'maq 'ñiỹac.

Lucas 12:12

Ma' quiyim ỹovita ca laloqo' quiyim taxahi, ca' so Espíritu Santo ỹapaxaguinguelo qamiri cá'maq leloxoỹaxac ca ra'qaachiguii.

Hechos 6:10

Qam qaica ca lligo, ma' so'maxare quena' retaqa, da la'deenaxanaxa ỹachigoqto'ot so Espíritu Santo.

Filipenses 4:6

Chaqai qaica ca ỹachicoqochite' qamiri. Ta'ta'a quiyim ná'ogue 'ỹaañitacot ñi qota'a quena' nqouagaxaiñii. Shiilaitac, chaqai 'ỹaañitacot da na'aachiguii qai'neeta.

2 Timoteo 4:17

Qalaxam ñi qara'gaxala' Jesús yotauan, ca ỹo'uet ca ỹa'ñaxac quiyim yipaquejlec quiyim sa'xat da na'qaatec chicqaugui da nca'laxa, qaiyi 'xaỹa dajo ná'ogue ná'maq sqai judioipi. Ca' chaqaida 'neeta quiyim so qara'gaxala' nca'laxatec aỹim quesó'maq toxonaxai.

Santiago 1:5

No'm 'ue ca 'óna caqamiri ỹouen ca la'deenec, ca ỹashiila ñi qota'a. Ca ñi'maxare ỹaan, qam se naloqojnañi, chaqai se ỹa'ue ca layiloxo ca qom.