Mateo 10:15 - La'qaatqa ñi qota'olec Qota'olec & Qota'olec Novita Na Qomyipi

¹⁵ Ca ỹaatqajam llic da shinac caqamiri quecajo pa'aatec na'xa'a ma' ñi qota'olec imit ná'ogue najo, ca' ca nouaxanaxaset cajo na'a' paguec lecaic ma'le ca nouaxanaxaset queso qomyipi na'ñi na'le yi Sodoma chaqai yi Gomorra.

Mateo 10:15 Iomraidhean Croise

Mateo 12:36

Ca' ỹim shinac caqamiri queca na'xa'a ma' qaimit ná'ogue najo, ma'le, ca' ná'ogue na qomyipi chi ỹa'xat ná'maq chi la'qaatqaipi se retane'uegue quiyim ỹa'xat.

Mateo 5:18

Ma' ỹaatqajam llic dá'maq shinac caqamiri, quiyim ñaqa 'ue na piguim chaqai na 'laua, ca' sqaica ca qanaqata'a quena nerqaipi, vire'ta ca netancoqui' quena naqataxaquipi quiyim saqa' ỹovita quiyim ipaquichigui ná'ogue ná'maq 'neeta mashic qoỹeretañi.

Mateo 7:22

Ca' ma' ỹovita cajo na'xa'a, ca 'xoic ca 'naac ma'le caỹim: “Qami' qara'gaxala', qomi' so'ueenataxanqatapega quen da qadeenaxachi' quena' sa'qaataxanqatac, chaqai quena' so'daqauec na ne'ec lecmaxaic, chaqai queda qadeenaxachi' 'xoic na so'ueetaq ỹo'uet da ne'laxa.”

Marcos 6:11

Chaqai no'm 'ue ca hua'ñi quiyim se qaicoñiguita chaqai se qana'xaỹaxanalo qamiri, ca' oquiỹa'e ca'maxare, qam ma'le, ca ochigoxoiuec na namoxoỹaxa inocaho quenaua qapelachiri, ca dajo netanec quiyim ca'maxare chi nasauaxatalta'. Qam ỹaatqajam llic da shinac quiyim ma' ỹovita ca pa'aatec na'xa'a ma' imit na nasauaxaseteripi ñi qota'olec, ca' paguec lecaic ma'le ca nouaxanaxaset queso na'ñi yi Sodoma chaqai yi Gomorra ná'maq na'aateripi se icoñiguita qamiri.

Juan 12:48

Cá'maq se icoñiguit aỹim chaqai se na'xayaxanalo naua ỹa'qaatqa, chaqa'ma' shi'gue 'ue ñí'maq ỹo'uet ca nouaxanaxaset ca'maxare. Nauá'maq na'qaatqa sa'xateta'pe, chaqainaua nauá'maq ỹo'ueete' ca nouaxanaxaset ca qom queca pa'aatec na'xa'a.

Juan 6:39

Ma' dá'maq ỹahotaque ñí'maq yila' ita'a quiyim aỹim qaica ca ña'laxatañi quená'maq nañaañim, ta'ta'a quiyim liỹa ñca'laxatec quecá'maq pa'aatec na'xa'a.

Juan 6:40

Dá'maq ỹahotaque ñí'maq yila' quiyim ná'ogue ná'maq ra'ỹo'ot na llaalec ñi qota'olec chaqai huelec, ca 'ue da lca'laxa sqaica lqodoc; chaqai ỹim liỹa ñca'laxatec queca pa'aatec na'xa'a.

Hechos 17:31

Ma' ñi'maxare mashic ỹa'uo' ca laloqojnec na'xa'a quiyim imit ná'ogue na qom neetalec na 'laua quiyim ỹoỹoote'oga ca lo'yaxanec, qam ỹachigoxochichigui so ỹale chi lca'acsec, leenaxat Jesús. Ca' quedajo ichoxochichigui quená'ogue, na' ileu, qam liỹa nca'laxatec.

1 Corintios 3:13

Qam ca lo'ueenataxanaxac quiñi 'óna ma'le re'oq ma' ỹovita ca pa'aatec na'xa'a. Ma' queca na'xa'a novi' ma'le ca norec, ca' cajo norec ỹavigaxat ná'maq ỹoreta'oguit no'ueenataxanaxat. Ca' quiyi, ca hua'ñi, ca re'oq cá'maq lo'ueenatec quiñi 'óna.

1 Tesalonicenses 5:4

Qam qamiri ỹaqaỹa', totqai viitaugui na 'ec napalaxa quiyim i'laxate' qamiri cajo na'xa'a loviraxaqui so qara'gaxala', 'nejem ca cuataxai.

Hebreos 10:25

Sqai qolaxa'uegue dá'maq lanatec ná'maq se ỹalecapogo quenaua qalapoxoco. Ta'ta'a quiyim ña'ñaxatqata'ta' paguec nagui, ma' mashic sa'deenaq cajo na'xa'a loviraxaqui so qara'gaxala' tot qoỹoxoguit.

2 Pedro 2:6

Ñi qota'a qai'neeta ỹa'ue da nouaxanaxasete' saua dos na'aate' Sodoma chaqai Gomorra, copata'alo nasoochiriñi nqai'ne', vire'ta quiyim sá'ogue lo nqai'en. Ma' ỹahotaque laloqojnaxanaxat quená'maq qomyipi hualoxonyipi quená'maq no'ueenalec ma'le na 'laua.

2 Pedro 2:9

Ca' chaqaida dá'maq 'neeta ñi qara'gaxala' quiyim ishit nca'laxatec queca ne'guenaxac cá'maq ỹaatqajam nañaanot ñi'maxare, chaqai ná'maq hualoxonyipi tai'a nqai'en da nouaxanaxaset ma' qaimit ná'ogue najo.

2 Pedro 3:7

Qam ná'maq piguim chaqai na 'laua ñaqa 'vii nagui, naua'maxare tai'alo nqohine' ca norec, qam qaiyiita chicqochigui da la'qaatec ñi qota'a. Cajo norec ỹavigaxate' ma'le naua'maxare, ma' ỹovita ca na'xa'a quiyim qaimit ná'ogue najo, ma' qaỹomat ná'ogue na hualoxonyipi.

1 Juan 4:17

Ca' sovitaxa quiyim nachinchiguiñi da qare'xorenataxanaxa, qaiyi ma' ỹovita ca na'xa'a quiyim qaimit ná'ogue na qomyipi queca lasauaxaset, ca' qomi' qaica ca huapigui qouel. Ma' qomi' nagui ñaqai seuqatalec ana 'laua, qam da qanachaalataxac 'nejem da nachaalataxac so Jesucristo.

Judas 1:6

Chaqai só'maq nelaatqaipi quiñi qota'a piguim laseripi quená'maq se ỹaqamaxat ca loma', ta'ta'a quiyim ỹalat cá'maq lalamaxaret la'a', ca' ñi qota'a coñi', nauaanta'guit nqai'en cá'maq pa'aatec na'xa'a ma' qaimit ná'ogue najo, coñirañi quiyí'maq qaica 'nejem napalaxa.

Judas 1:7

Qai'neeta so qomyipi na'ñi yi Sodoma chaqai yi Gomorra chaqai saua na'aate' sqoỹoqapigui, ca 'nejem só'maq nelaatqaipi piguim laseripi ma' nañaanguit da se no'uen lamaanaxanqachic na loshicmaxa, ca' que'uegue dá'maq leualaxainataxanaxac dá'maq se nachiñiguit quet dá'maq ỹaatqajam no'ueenataxac ca qom. Ca' qainaxañigui so'maxare ca norec sqaica lqodoc, ca' dajo naqataxac 'ec no'ueenaugui ná'ogue na qomyipi nagui.