Mateo 10:12 - La'qaatqa ñi qota'olec Qota'olec & Qota'olec Novita Na Qomyipi

¹² Ca ma' noxoñiu'a ca na'a', ca' quinaxañii, 'ñiỹacsa': “'Uo' ma'le ca ra'maxahi.”

Mateo 10:12 Iomraidhean Croise

Salmos 122:7

Quiyim 'ue ca no'daxa quena napoxonaxat, qaiyi qaica canchaqaica quena qauochi' lodegaxat.

Salmos 122:8

Nagui, ca' shinac quena ñauochaxauaripi chaqai quena ỹaqaỹaripi: Quiyim 'ue ca no'daxa caqami' Jerusalén.

Ezequiel 2:5

Ca no'm qana'xaỹaxana qami' loqo'm se qana'xaỹaxañiraxaua', ma' yi qomyipi npa'guenaxai, qam ỹa'den ma'le quiyim 'ue na itaxaỹaxaqui ỹalequetaugui yi'maxare.

Mateo 10:11

Ca quiyim viriu'a ca na'a', loqo'm quenaua na'aaterolqai', ca' daañiỹaque ca la'a' ca qom mashic qaipi'ỹa'a. Ca ñiỹa'ñi ca la'a', chi ỹovireta'a quiyim oquiỹa'e ca'maxare.

Mateo 10:13

Ca cá'maq la'a' ca'maxare, no'm ta'chiguit quiyim ỹacoñiguit, ca no'ueenaqchii'ot dajo niquinaxanaxac chicqaugui da na'maxa. Qam no'm sqa taiguit quiyim icoñiguit, ca' rapilaxachitec da riquinaxanaxaguii.

Hechos 10:36

Ñi qota'olec retaqaugui so llaxataxaipi so Israel, ỹa'xateta'guit da neuagaxa ỹachigoxochichigui so Jesucristo, ma' só ná'ogue na qom la'gaxala'.

2 Corintios 5:20

Vichiguiño' qomi' sachigoxotqo'tot da qara'qaataxanaxac so Cristo, ca 'ec 'nejem quiyim ñi qota'a chicqochiguilo nqai'ne' qomi' quiyim ne'xoresentouguilo qamiri. Ca qomi' ñi'xoresenqa'toto qamiri chicqochigui nqaishinaq so Cristo: quiyim daañiỹaque quiyim huaqui'chiguita qamiri ñi qota'a.

3 Juan 1:14

Ma' ñauaanta'a quiyim qaỹaloq ñiuanaqta', ca' ma'le, ca' ỹaatqajam setaxaiqa'ajta'.

1 Samuel 25:6

chaqai da la'qaatec 'neetasa': —Qami' ỹaqaỹoolec, coñichiguit dá'maq ỹaatqajam na'maxa qami' chaqai na qachaalaxai'ipi chaqai ná'ogue ná'maq ralamaxarichi'.