Mateo 1:21 - La'qaatqa ñi qota'olec Qota'olec & Qota'olec Novita Na Qomyipi

²¹ Ca ma' ne'qaañi yi llaalec, ca ñitegue leenaxat Jesús. Leenaxato' ma'le dajo, ma' nca'laxatec ma'le na lalamaxaret lauo' quena lasauaxaset.

Mateo 1:21 Iomraidhean Croise

Génesis 17:19

Ca' ñi qota'olec 'naaco' queso'maxare: —Qalaxam mashic shinac quiyim añi Sara 'ue ma'le ca llaalec, ca' ỹañitegue ma'le leenaxat Isaac, loqo'm raỹaleguere. Ca' queca'maxare, ca' se'taxajñi ma'le da ña'maqataxac. Ca sqaica lqodoc nqaishin ño'qoochiguiñi queca llaalqaipi.

Génesis 17:21

Qam da ña'maqataxac se'taxajñi ma'le ca Isaac ca llaalec añi Sara 'ue ma'le ma' ime na ñaaxa.

Génesis 18:10

Ca' so 'óna quesaua'maxare 'naaco': —Quena liỹa ñaaxa lotqai liỹa ña'piicha qami', qala' 'ue ma'le ca llaalec añi roua'e' Sara. Qam aso Sara na'xaỹaxantapega sá'ogue so na'qaatqaipi, hueeta'gue na lelaq so Abraham, hueete'e ñi ñigo quiñi 'imec na'daañi.

Zacarías 9:9

¡'Xoic ma'le ca netoonaxaqui', qami' na'a' lodegaxat Sión! ¡'Ueenaxañi' queda netoonaxaqui', qami' na'a' lodegaxat Jerusalén! Na nashi 'maxataxaraic chaqai huegaxanaxai naỹa'a qami', qam ne'xoresenta, neetalec na 'ashinoqui' ná'maq llaalec aca 'ashina.

Mateo 1:25

Qam se naqajta' quiyim 'neetasa'lo caua noua'. Ta'to'o' na' ime co'o, ca ỹanegue leenaxat Jesús nqai'en so llaalec.

Lucas 1:13

Qam so nelaatec 'naaco': —Zacarías, se ro'chi'i', ma' ñi qota'olec 'qaatapega da nqouagaxainaxaqui'. Ca' nagui añi roua'e' Elisabet 'uo' ma'le ca llaalec. Ca' ca'maxare ñiteco' ma'le leenaxat Juan.

Lucas 1:31

Nagui qami' 'manaxai ma'le. Ime, ca 'uo' ca qachaalqui'. Ca' ỹañitegue leenaxat Jesús.

Lucas 2:11

Da'maxare 'neetayi: nagui ne'qaañi quiyi na'a' ne'xaỹoqsoqo' so David cá'maq qaỹahotaque quiyim rca'laxaguii, leenaxat Cristo, ca' cá cá'maq qara'gaxala'.

Lucas 2:21

Ca co'na' ỹovite' saua ocho na'xata', ca qaỹa'uo' so netanaxaset na loshicmaxa so noctoqui'. Ime, ca qoỹanegue leenaxat Jesús, ma' dajo neenaxat dá'maq shi'gue qaỹa'xatem aso María queso lelaatec ñi qota'olec co'na' saqa' 'man aso'maxare.

Juan 1:29

Ca' queso liỹa na'xa'a, ca' so Juan idaana'guit so Jesús naataxaso'ma so'maxare. Ca' so'maxare 'naaco': —Ñaqa 'ajñii, najo ná'maq ỹale ỹaanec ma'le ñi qota'olec, 'neeta'gue meca qagreta llaalec, ná'maq rouootaxana'gue ná'ogue na nasauaxaseteripi quena 'laua.

Juan 4:42

Ca na'le, ca qohinapego' aso 'aalo: —Nagui, ca' seuaqlec mesqaidaata dá'maq 'ñirapegalo qomi', ma' qai'neeta qomi' sa'xaỹaxa dá'maq la'qaatec so'maxare. Ca sa'deenaq quiyim chaqaiso só'maq qaỹa'xateta'guit nashi nca'laxaqui, só'maq nca'laxatec na qomyipi quena 'laua.

Hechos 13:23

'Uo' so ỹale quesó'maq ỹaatqajam ỹachigoxotaugui so llaalqaipi so David, leenaxat Jesús. Ca' chaqaiso so qoỹanagui quiñi qota'olec quiyim lca'laxaqui na Israel laseripi, ma' shi'gom ỹa'xateta'guit quiyim ỹa'ue.

Hechos 3:26

Na' ñi qota'olec liỹa nca'laxatec so llaalec, ca' 'au ilatalo qamiri, ỹahotaque ỹaanouguilo qamiri cá'maq no'uen, qaiyi quecá'maq 'óna caqamiri ỹalate' caua se no'viiñi no'ueenataxaco.

Hechos 4:12

Chaqai qaica ca liỹa chicqochigui ca nca'laxa. Ma' ñi qota'olec qaica ca liỹa neenaxat ỹaanema qomi' quiyim qarca'laxaqui, chaqaisoota so leenaxat so Jesús.

Hechos 5:31

Qam ñi qota'olec ỹaueguegue da piguim, ca ỹana'gue da loic, chaqai ỹanagui quiyim nashi chaqai nca'laxaqui. Ma' ñi'maxare ỹahotaque ledaaqa' quiyim netacocha, ca ỹalate' naua lanatqa na Israel laseripi, qaiyi qaỹapalaxate' naua lasauaxasete'.

Tito 2:14

So'maxare nañan quiyim ileualgoto qomi', ma' ỹahotaque quiyim qarca'laxatec quená'ogue na se no'uen chaqai ỹaatqajam co'taxat da qanachaalataxac, qaiyi qomi' lalamqate' chaqai quiyim qarqo'ta so'ueetaq cá'maq no'uen.

Hebreos 7:25

Vichiguiño' ishit quiyim qaica lqodoc nqai'en da lca'laxa ná'maq ỹachigoxochichigui so'maxare quiyim nqo'neu'a ñi qota'a, ma' so'maxare tot ileu, ca rashiilaxanlec quiñi qota'a na'maxare.

1 Juan 1:7

Qam no'm seuqataugui cá'maq re'qojlec, shinqatari' ñi qota'a ma' re'qojlec ca hueeta'ñi, ca hueeta'ñi, ca quiñi 'óna coqomi' ỹaatqajam na'deeta'guit ca liỹa, ca' saua leuo' so llaalec Jesucristo co'taxate' qomi' quená'ogue na qarasauaxaset.

1 Juan 3:5

Ma' qamiri shi'gue 'yiiñii quiyim so Jesucristo nacpegue' ana 'laua, ỹahotaque naqat na qarasauaxaset, qam so'maxare qaica ca lasauaxaset.

Apocalipsis 7:14

Ca' ỹim shinac na'le: —Taque', qami' ỹa'gaxala', maq 'yiiñi'. Ca' so'maxare 'naapiguiỹa': —Nauajo nauá'maq ca'laxaterauec só'maq chalego lecaic ne'xoric. Ca naua'maxare quiỹo' naua loho chaqai lalagaxaqa nqai'ne', ỹahota'ahi saua leuo' ñi qagreta llaalec.

Jueces 13:3

Qam so lelaatec ñi qara'gaxala' piguim le'ec nachaxana, ca 'naaco' caso'maxare: —Qami' ỹaatqajam se ỹauanapega 'ue ca qachaalqui', qam nagui, ca' qami' 'mañi', ca 'ue ma'le ca qachaalqui'.

1 Samuel 1:20

Ca co'na'le, ca 'man aso Ana. Ca co'na' ỹovirec ca laloqo', ca ne'qaaño' so llaalec. Ca ỹanco' leenaxat Samuel (loqo'm nashiilaxanaxat), ma' lashiilaxanaxato' na'le quiñi qara'gaxala'.