Mateo 1:19 - La'qaatqa ñi qota'olec Qota'olec & Qota'olec Novita Na Qomyipi

¹⁹ So José, só'maq ỹa'maqatañi quiyim loua, ỹaatqajam no'uen ỹale. So'maxare se iuagaxatec ỹa'xat dá'maq 'neetari' aso María. Ta'ta'a quiyim ỹahotaque ỹaxanñi aso'maxare, qam qaica ca liỹa ỹa'den nqai'en quena qom.

Mateo 1:19 Iomraidhean Croise

Génesis 38:24

Ca co'na' mashic ỹovirerec saua tres shiriguiri, ca 'uo' so la'xaỹaxac so Judá. Qohinaco': —Añi rachi'i' Tamar 'uo' ca lapaatapi'ñi' liỹa ỹale, ca' nagui 'manaxai. Ca' so Judá ỹaualaq, ca 'naaco': —Vigue'oguiyi, ca' copachiu'a.

Génesis 6:9

Ca' dajo dá'maq na'qaataxac so Noé. So Noé ỹaatqajam huagaxaraic chaqai ỹaatqajam na'xaỹaxane'ta ñi qota'olec, sqai 'nejem na liỹa qomyipi. Ỹaatqajam chaqaisoota na'xaỹaxane'ta ñi qota'olec.

Marcos 10:4

Ca saua'maxare 'neraco': —So Moisés ỹa'maxarenta quiyim ca qom ỹo'uet aca lomalate lerecse, ca' ca'maxare ishit ỹalat aca loua.

Marcos 6:20

Ma' so Herodes ỹa'deenta quiyim so Juan ỹaatqajam 'maxaraic da llicyaxac, chaqai co'teeta, ca no'chaalec. Vichiguiño' sqai ỹaxanegue aso'maxare quiyim 'ue ca 'ne'tegue so Juan. So Herodes, 'eno'm sqailligueme' quiyim ỹaatqajam ỹa'yiinchigui da ỹa'xatetac so Juan, qam nqo'ta quiyim na'xaỹaxantapega.

Lucas 2:25

Ca' quesojo ñaaxa neeta'ñi yi Jerusalén so ỹale, leenaxat Simeón. So'maxare ỹaatqajam huagaxaraic, chaqai ỹa'maxate'tegue ñi qota'a, chaqai nauaantaque ca na'xa'a quiyim ime nqohin da le'xoric na Israel llaalqaipi. Qam so'maxare hueeto'ot so Espíritu Santo.

Hechos 10:22

Ca' saua'maxare 'neraco': —Nelate' qomi' ñi nouaataxanaq lashi Cornelio. Ñi'maxare ỹaatqajam huagaxaraic ỹale chaqai ỹaatqajam ỹa'maxate'tegue ñi qota'olec, vichiguiño' ná'ogue na judioipi ỹaatqajam lauochaxat chaqai lqo'itaxat ñi'maxare. Ma' 'uo' so chicqashiguim qota'a lelaatec 'naapega ñi Cornelio quiyim relaataxana qami' quiyim quirepegue' yi la'a', ca' ñi'maxare na'xaỹaxana ca ra'qaataxanaxaqui'.

Hechos 27:39

Ca co'na' richiguiñi, so qarahi' lo'ollipi se ỹa'den yi 'laua sovitaxa. Qam qara'iita'ta'a so lemanaxa chaqai 'ue ca re'qoota nanatqa'. Ca qaỹahotaque quiyim sha'apiguito' qaishit nqo'neeta nqohin aso qarahi' quiyi lemanaxa.

2 Corintios 1:15

Ca' 'eda dá'maq taateguelec da ipi'ỹaxac na'le. Ca' vichiguiño' 'ue da ỹa'deenataxanaxac quiyim 'au shicpegueto qamiri, qaiyi 'ue ca netoonaxaguii quiyim dos sovitalo qamiri.