Mateo 1:16 - La'qaatqa ñi qota'olec Qota'olec & Qota'olec Novita Na Qomyipi

¹⁶ Ca' so Jacob, ca' llaalec so José, só'maq loua aso María. Ca aso'maxare late'e so Jesús, só'maq leenaxat nashi nca'laxaqui.

Mateo 1:16 Iomraidhean Croise

Mateo 1:15

Ca' so Eliud, ca' llaalec so Eleazar. Ca' so Eleazar, ca' llaalec so Matán, só'maq leta'a so Jacob.

Mateo 16:16

Co'na'le, ca' so Simón Pedro 'naaco': —Qami' ná'maq qami' nashi nca'laxaqui, qami' ná'maq qami' llaalec ñi qota'olec ñí'maq se ileu.

Mateo 16:20

Co'na'le, ca' so Jesús qatalo saua lapaxaguinatqa quiyim se ra'qaataxane' quiyim so'maxare chaqaiso só'maq nashi nca'laxaqui.

Mateo 2:13

Ca co'na' mashic ỹoteguelo saua 'deenaxanqachaqaqa, ca' so 'óna lelaatec ñi qara'gaxala' piguim le'ec nachaxana so José co'na' laqata. Ca 'naapego': —Ne'laxachirishiguim, coñitot na noctoqui' chaqai añi late'e. Ca' 'iichi', 'itegue da Egipto. Ca ñiisa'ño'yi, toco' ma' 'ue ca liỹa shinac. Ma' ñi Herodes idaanaque ma'le ñi noctoqui' quiyim ỹalauat.

Mateo 27:17

Ca co'na' saua'maxare lapoota'ta', ca renataxano' so Pilato, 'naaco': —¿Negue' cá'maq viitaque sosouec: ñi Barrabás, loqo'm ñi Jesús ñí'maq qohinac nashi nca'laxaqui?

Mateo 27:22

Ca' so Pilato inate'o' saua'maxare, 'naaco': —Ca ¿negue' cá'maq shinta'co' ñi Jesús ñí'maq qohinac nashi nca'laxaqui? Ca saua'maxare 'neraco': —¡Pachiñiro!

Marcos 6:3

Ma' chaqaida dajo dá'maq qo'paq lo'o, llaalec aso María, chaqai lqaỹa so Jacobo, José, Judas chaqai so Simón, chaqai saua lqaỹa' 'aalo nera'ñi najo qai'neeta. Ca' se qana'xaỹaxana.

Lucas 1:27

quiyim quepegue' nqai'en aso 'aalo ñaq nequetegaxai leenaxat María. Aso'maxare mashic ỹahotaque o'ñiguit so ỹale leenaxat José. So'maxare chi laual so nashi David.

Lucas 2:48

Ca' saua leta'al co'na' idaanda'a so'maxare, ca ỹaatqajam i'laxai'. Ca aso late'e 'naapego' so'maxare, 'naaco': —Qami' ỹaalcolec, ¿chi'neco' 'ñitetegue coqomi' dajo? 'Ajñi' da qataa'i' chaqai aỹim ỹaatqajam 'ue da qareuogoxo quiyim semitqataque qami'.

Lucas 2:7

Ca hua'ño'yi co'na' ne'qaañi so 'auaxaic llaalec. Ca lepataxañigui so lepataxaqui, ime, ca' illaañigui aso lqui'ỹaxaqui na iseripi neloipi, ma' sqaica ca lomate' saua'maxare quecá'maq ỹaatqajam 'imec nelaqsoqo'.

Lucas 3:23

So Jesús co'na' ỹovite' treinta ñaxari, ca taañi ro'ueenataxan. So'maxare qohintapega llaalec so José, ca' so José leta'a so Elí,

Lucas 4:22

Ca sá'ogue imaqachintac so Jesús chaqai qai'laqatapegalo naua la'qaatqa ỹaatqajam lo'yaxanqa. Ca nenatetecta' so qomyipi, 'naac: —Dajo, ¿mesqaido' da llaalec ca José?

Juan 4:25

Ca' aso 'aalo 'naaco': —Sa'den quiyim naata cá'maq qohinac Mesías —qam dajo 'naac Cristo, ca qaỹa'xateta'guit nashi nca'laxaqui. Ca ma' novi' ca'maxare, ca ỹa'xatema qomi' ná'ogue na leloxoỹaxaquipi.