Mateo 1:12 - La'qaatqa ñi qota'olec Qota'olec & Qota'olec Novita Na Qomyipi

¹² Ca co'na' ime dajo, ca' so Jeconías, ca' llaalec so Salatiel, só'maq leta'a so Zorobabel.

Mateo 1:12 Iomraidhean Croise

2 Reyes 24:14

Ime, ca' i'xat coñi' sá'ogue so qomyipi quiyi Jerusalén, chaqai sá'ogue so nashillipi lotauaripi, chaqai só'maq 'ñaaxaic nalliripi, chaqai sá'ogue so no'xona lo'ollipi, toco' ma' ỹovi' diez mil na lcoñiiteguesec. Ca' qaica ca no'ueenañi queso 'laua, qainaata na 'xoraiquipi.

2 Reyes 25:27

Ca na' ỹovirerec saua treinta y seis ñaxari, once shiriguiri, chaqai veintiseis na'xata' quiyim so nashi Joaquín ca'e nqohin yi Judá, viichigui na' nashi quiyi Babilonia so Evil-merodac. Ca so'maxare viichigui lauel quiyim i'xoren so Joaquín, ca naqatec cañi ncoñiitaxanaxaqui.

Esdras 3:2

Co'na'le, ca' so Josué, llaalec so Josadac, chaqai so liỹaripi netaxaỹaxanqajanqaipi, chaqai so Zorobabel, llaalec so Salatiel, chaqai so lauo' laseripi, eec, ca' no'xonshiguim aso ncopatoxonaxalate quiñi qota'olec quiyi Israel, qaiyi qarcopatoxonlec aso'maxare quiyim qaỹo'uet dá'maq relaataxanlec na'le so Moisés só'maq nale ñi qota'olec.

Esdras 5:2

Co'na'le, ca' so Zorobabel só'maq llaalec so Salatiel chaqai so Josué llaalec so Josadac, lotqai liỹa ro'ueenataxane' quiyim no'xonyishiguim ñi no'ueenaxanaxaqui quiñi qota'olec quiyi Jerusalén. Chaqai saua letaxaỹaxaqui' ñi qota'olec huaqata'to saua'maxare quiyim rotaanaxane'.

Jeremías 22:24

Ñi qara'gaxala' 'neetasa' da la'qaatec queso llaalec so Joacim, leenaxat Jeconías, só'maq nashi quiyi Judá: Ñallitalta' queda ñachaalataxac: quiyim 'enquetqai 'ñiisari' aca paguec ỹauochaqate itanaxanqate ichicshaqate neetagui ada ñapoquena ỹoicse, qam ñaqate'e qami',

Jeremías 22:28

¿Ca' ñi Jeconías 'ec aca nehoma poxoỹaxai tot qaỹouen, 'ec ca nehoma lahi tot qaica ca nqo'ta? ¿Chi'negue ma' qainaxarec ñi'maxare chaqai na llaalqaipi, qainaxague da 'laua qaica ca ỹauanapega?

Jeremías 22:30

Ñi qara'gaxala' 'naacsa': 'Chiiñi da leenaxat ñijo ỹale cana naneraxalate na qom, 'ec ca qom qaica ca llaalec, 'ec ca ỹale se ỹomachigui dá'maq lo'ueenataxanaxac queda nachaalataxac. Ma' quena llaalqaipi qaica ca ỹovirau'a quiyim nqa'xanñigui ma'le añi nqa'xanaxaqui so nashi David quiyim liỹa quet nashi quena Judá. (23.1—25.14 Ñi qota'olec retaxaỹa so nashillipi se ipacqajñigui da la'qaatec. Qaiuana aso nahirenaxanaxaqui no'qaachigui cana higo. So pa'guenaxauaripi chicqa'gue da rapiguim.)

Hageo 1:1

Na' ỹovi' 'óna ñaaxa, cinco shiriguiri, ca' queso 'auaxaic na'xa'a queso liỹa shiraigo na' neetaho quiyim nashi so Darío quiyi Persia, ca' ñi qara'gaxala' retaqaugui so letaxaỹaxaqui Hageo. Ỹaatqajam 'naapega so nashi ỹoiquentac yi 'laua Judá, só'maq llaalec so Salatiel, leenaxat Zorobabel, chaqai so lashi na netaxaỹaxanqajanqaipi, llaalec so Josadac, leenaxat Josué.

Hageo 1:12

Ca' so Zorobabel, Josué chaqai so liỹa qomyipi ỹaatqajam 'xoic da lqolonaxa na' 'xaỹalo naua la'qaatqa ñi qota'olec queso letaxaỹaxaqui Hageo, dá'maq chilnataxanco' ñi qara'gaxala' qota'olec quiyim qaỹa'xat.

Hageo 1:14

Ca' chaqaido' da 'ne'tegue ñi qara'gaxala' quiyim ỹa'ñaxatetalec so Zorobabel só'maq nashi quiyi Judá, chaqai so Josué só'maq lashi na netaxaỹaxanqajanqaipi, chaqai sá'ogue so liỹa qomyipi na' ỹovi' 'óna ñaaxa, cinco shiriguiri, chaqai veinticuatro na'xata' quiyim nashi so Darío quiyi Persia. Ca' taañi so qomyipi quiyim liỹa no'xonshiguim so 'imec nqouagaxainaxaqui quiñi qota'olec sqaica lqalanec.

Hageo 2:2

Ca' ỹilen quiyim 'naapega so Zorobabel chaqai so Josué chaqai so liỹa qomyipi quiyim inat so qomyipi:

Hageo 2:23

Ca' quecajo na'xa'a, ca' qami' ilaatec Zorobabel, ỹaatqajam sa'maxate'tegue qami', shinta'gue maca ichicshaqate itanaxanqate, ma' ỹim qami' ica'acsec. Ỹim na'gaxala' sqaica lqalanec, se'taxajñi da ỹa'qaatec.

Mateo 1:11

Ca' so Josías, ca' llaalec so Jeconías chaqai saua lqaỹa' quecá'maq vigui na' noxonec so Israel llaalqaipi, ca' qaỹauega yi Babilonia quiyim ncoñiitecseripi.

Mateo 1:13

Ca' so Zorobabel, ca' llaalec so Abiud. Ca' so Abiud, ca' llaalec so Eliaquim, só'maq leta'a so Azor.

Mateo 1:17

Ca quiyim ima'ta' sojo neta'allipi, ca' ỹovi' catorce chicqochi'ñi queso Abraham, ca' ỹovita so nashi David. Ca' ỹovi' catorce só'maq liỹa neta'allipi chicqochi'ñi so David, ca' chi ỹovireta'a so na'xa'a na' qaỹaueguegue da Babilonia so llaalqaipi so Israel. Ca lotqai ỹovi' catorce so liỹa neta'allipi, ca' chi ỹovireta'a so na'xa'a na' ne'qaañi so nashi nca'laxaqui.

Lucas 3:27

ca' so Judá leta'a so Joana, ca' so Joana leta'a so Resa, ca' so Resa leta'a so Zorobabel, ca' so Zorobabel leta'a so Salatiel, só'maq llaalec so Neri,