Mateo 1:11 - La'qaatqa ñi qota'olec Qota'olec & Qota'olec Novita Na Qomyipi

¹¹ Ca' so Josías, ca' llaalec so Jeconías chaqai saua lqaỹa' quecá'maq vigui na' noxonec so Israel llaalqaipi, ca' qaỹauega yi Babilonia quiyim ncoñiitecseripi.

Mateo 1:11 Iomraidhean Croise

2 Reyes 23:31

Ca' so Joacaz ỹovite' saua veintitres ñaxari na' taañi ro'ueenataxan quiyim nashi, ca' tres saua shiriguiri nashi quiyi Jerusalén. Ca' aso late'e leenaxat Hamutal, llaale so Jeremías, só'maq na'ñi yi na'a' Libna.

2 Reyes 24:14

Ime, ca' i'xat coñi' sá'ogue so qomyipi quiyi Jerusalén, chaqai sá'ogue so nashillipi lotauaripi, chaqai só'maq 'ñaaxaic nalliripi, chaqai sá'ogue so no'xona lo'ollipi, toco' ma' ỹovi' diez mil na lcoñiiteguesec. Ca' qaica ca no'ueenañi queso 'laua, qainaata na 'xoraiquipi.

2 Reyes 25:11

Ime, ca' so Nabuzaradán ỹauec so qomyipi queda Babilonia, quená'maq no'ueenaxaic quiyi na'a' chaqai só'maq huaxau'a na'le so nashi quiyi Babilonia, chaqai so liỹaripi ỹoreta'oguit na ỹa'den.

Daniel 1:2

Ca' ñi qara'gaxala' ỹaxanegue quiyim so Nabucodonosor loxonec so Joacim, chaqai qai'neeta quiyim icona so louenqaipi ñi no'ueenaxanaxaqui quiñi qota'olec. Ca' so Nabucodonosor ỹauec so loxonqaipi queda Babilonia, ca' so louenqaipi ñi no'ueenaxanaxaqui quiñi qota'olec illaugui ñí'maq chi nqouagaxainaxaqui quena lashiilec nqolaquipi.

Mateo 1:12

Ca co'na' ime dajo, ca' so Jeconías, ca' llaalec so Salatiel, só'maq leta'a so Zorobabel.

Mateo 1:17

Ca quiyim ima'ta' sojo neta'allipi, ca' ỹovi' catorce chicqochi'ñi queso Abraham, ca' ỹovita so nashi David. Ca' ỹovi' catorce só'maq liỹa neta'allipi chicqochi'ñi so David, ca' chi ỹovireta'a so na'xa'a na' qaỹaueguegue da Babilonia so llaalqaipi so Israel. Ca lotqai ỹovi' catorce so liỹa neta'allipi, ca' chi ỹovireta'a so na'xa'a na' ne'qaañi so nashi nca'laxaqui.