Marcos 9:7 - La'qaatqa ñi qota'olec Qota'olec & Qota'olec Novita Na Qomyipi

⁷ Co'na'le, ca' noviriñi so naueguelec hueetauguilo saua'maxare, ca queso naueguelec 'maxaugui so na'qaatec 'naaco': —Najo ná'maq ỹaalec ỹaatqajam ỹauochaxat, ca' chaqaida na'xaỹaxañiỹa.

Marcos 9:7 Iomraidhean Croise

Salmos 2:7

Ỹim sa'xat dá'maq ỹahotaque ñi qota'olec: ñi'maxare 'naac caỹim: Qami' ná'maq qami' ỹaalec; nagui, ca' ỹim qataa'i'.

Éxodo 24:16

Ca' da lauaq ñi qara'gaxala' hueetalec aso qa' ladocai leenaxat Sinaí. Ca ỹovirerauec saua seis na'xata' pootalec aso qa' queso naueguelec. Ca' queso liỹa na'xa'a, ca' ñi qara'gaxala' roỹaxano' so Moisés 'maqatougui so naueguelec.

Éxodo 40:34

Ca' so naueguelec pojlec nqai'en so 'imec, ca' da lauaq ñi qara'gaxala' ỹaatqajam no'xataxachichigui so'maxare.

Daniel 7:13

Ca' ỹim ñaqai shiquetalec da ỹa'ajnaxanaxac queso pe. Ca na' ncopa: Ca' 'ue so seuañi'chiguit naquetaugui so naueguelec ỹaatqajam 'nejem so ỹale llaalec, ca so'maxare quepegue' yí'maq neeta'ñi só'maq qo'xoic ỹale; ca qaỹo'uet quiyim nqo'neu'a so'maxare.

Mateo 27:43

Ñi'maxare ỹaanot da lpi'ỹaxac ñi qota'olec. Ca' chaqaiñi ñí'maq qota'olec ñí'maq nca'laxatec quet nagui, no'm llic nqo'ta. Ma' ñi'maxare mashic 'naac coqomi' quiyim llaalec ñi qota'olec.

Mateo 27:54

Ca co'na' so lashi so nouaataxanaq chaqai sauá'maq liỹa' reloqosa'a so Jesús, co'na' iuanchigui i'loxol na 'laua chaqai ná'maq liỹa 'uo' na'le, ca 'xoico' da lqolonqa'. Ca 'neraco': —Ỹaatqajam llic ñijo ỹale ỹaatqajam llaalec ñi qota'olec.

Mateo 3:17

Co'na'le, ca' qara'xaỹaco' so na'qaatec, 'maqot na piguim, 'naac: —Najo ná'maq ỹoqo'itaxat ỹaalec, na'maxare ỹaatqajam ñitoonta'pegue.

Marcos 1:11

Ca' qara'xaỹaque so na'qaatec 'maqot na piguim, 'naaco': —Qami' ná'maq qami' ỹaalec ỹoqo'itaxat, ỹim ỹaatqajam ñitoonta'pegue qami'.

Marcos 9:6

Ma' saua lapaxaguinatqa ỹaatqajam no'chi', ca' so Pedro se ỹa'den dá'maq ỹa'xatetac.

Marcos 9:8

Ca co'na' namaterashiguim, ca' qaica ca liỹa iuanta, qaisoota so Jesús.

Lucas 3:22

Ca' so Espíritu Santo naỹa'ña so'maxare, 'nejem na co'toco' ỹaatqajam re'qoota. Ime, ca 'maqot na piguim so na'qaatec, 'ne'tegue: —Qami' maq ỹaatqajam qami' ỹalamaxat ỹaalec, qami' ỹauochaxat, aỹim ỹaatqajam ñitoonta'pegue qami'.

Juan 1:34

Ca' ỹim ma' mashic sauanchigui so'maxare, vichiguiño' sa'xatetac quiyim chaqaiso só'maq llaalec ñi qota'olec.

Juan 1:49

Ca' so Natanael 'naaco': —Qami' napaxaguinataxanaq, chaqaqami' ná'maq llaalec ñi qota'olec, chaqai qami' lashi na Israel.

Juan 12:28

Qami' ita'a, maqachiñi' da qadeenaxachi'. Ca 'uo' so qara'xaỹaque na'qaatec, 'maqot na piguim, 'naaco': —Shi'gue semaqachin, qam qaiyiita liỹa semaqachin.

Juan 19:7

Qam so judioipi 'naaco': —Qomi' 'ue da naqataxac qoỹaanema qomi' na'le, ca dá'maq qanaqataxac 'neetasa' quiyim qaỹalauat, ma' da'maxare 'naac quiyim llaalec ñi qota'olec.

Juan 20:31

Qam nauajo qohichiñi, ma' qaỹahotaque quiyim qamiri viilec so Jesús quiyim chaqaiso só'maq nashi nca'laxaqui, llaalec ñi qota'a, chaqai qaiyi 'ue ca rca'laxahi quiyim viilec so'maxare.

Juan 5:18

Ca' quedajo, ca na judioipi paguec lama'xa ỹahotaque quiyim ỹalauat, ma' mesqaidaata quiyim se na'xaỹaxana da leloxoỹaxac yi na'xa'a co'mataxaqui, qam qai'neeta 'naac 'nejem ñi qota'olec ma' 'naac ỹaatqajam leta'a ñi'maxare.

Juan 5:37

Qai'neeta ñí'maq yila' ita'a i'taxajñi dajo caỹim, 'eno'm se ỹauanapega 'xaiỹa da lavillaxac chaqai sqai huañiỹapega.

Juan 6:69

Chaqai qomi' shi'gue seuaqlec, chaqai sa'deenaq quiyim chaqaqami' ná'maq nashi nca'laxaqui, llaalec ñi qota'a, ñí'maq chaqai'en nca'leetauec.

Juan 9:35

Ca so Jesús la'xaỹaxaco' quiyim qaỹo'daauec só'maq qai'laqo' na'le. Ca co'na' neuañiguit so'maxare, ca 'naaco': —¿Virelec qami' so llaalec ñi qota'olec?

Hechos 1:9

Ca co'na' ime ỹa'xat dajo so Jesús, ca qananojshiguim, ca qai'xategue da piguim. Ca' saua reloqota'guita, ca chi ra'iishire'megue. Ca naco' so naueguelec, ca 'eco' homougui, ca tot qaiuanegue.

Hechos 7:37

Chaqai chaqaiso so Moisés só'maq 'naapega so Israel llaalqaipi, 'naaco': “Ñi qota'olec nelatalo qamiri ma'le ca la'qaataxanqajnec, qam ca'maxare chi ralamaxarichii rqaỹahi, 'nejem aỹim na' yila'. Na'xaỹaxañiỹo' ma'le ca'maxare.”

Hechos 8:36

Ca co'na' ỹovijta yí'maq hua'ñi 'ue na huaxaỹaq, ca' so nelaatec 'naaco': —Quenajo 'ue na huaxaỹaq, ¿tegue' chi ỹa'maxaño' quiyim qayachilaxan?

Romanos 1:4

Qam chicqochigui so Espíritu Santo co'na' ỹa'xat quiyim so'maxare llaalec ñi qota'a chaqai ỹaatqajam 'ue da lquesaxanaxa co'na' nca'le'guesop so nelauaxa.

Hebreos 2:1

Ca vichiguiño' qomi' ỹaatqajam paguec sa'maxatqa'tegue quet da qana'xaỹaxanaxac quedá'maq sa'xaiqachigui, qaiyi se qarelamqauec.

2 Pedro 1:17

Seuanqachigui na' ñi qota'olec ỹaanem quiyim qaimaqachin chaqai da lauaq. Chaqai so lavillaxac ñi qota'a na' 'ue da ỹa'xat chalego loyac na' 'naac: “Najo ná'maq ỹaalec ỹaatqajam ỹoqo'itaxat, chaqaida dá'maq 'em 'xoic da ñitoonaxac.”

1 Juan 5:20

Sa'deenaq qai'neeta quiyim so llaalec ñi qota'a novi', ca' ỹaanema qomi' da qara'deenataxanaxac, qaiyi sa'deenaq ñí'maq ỹaatqajam qota'a. Qomi' ña'daqatau'a ñí'maq ỹaatqajam 'chichiguiñi, ca so'maxare chaqaiso só'maq Jesucristo, llaalec ñi qota'a. Chaqaiso so Jesús só'maq ỹaatqajam qota'a, chaqai chaqaiso só'maq nca'laxa sqaica lqodoc.

Apocalipsis 1:7

¡Ñaq ra'iiguit, na Cristo naquetaugui na naueguelec! Ca ná'ogue iuañi'chiguit ma'le, vire'ta ná'maq coñirqachit iuana ma'le. Chaqai ná'ogue na ỹoreta'oguit qomyipi hueetalec ana 'laua ỹaatqajam noỹentagui ma' idaana'guit. Ajá'a, ca' chaqaida 'neeta ma'le.