Marcos 9:5 - La'qaatqa ñi qota'olec Qota'olec & Qota'olec Novita Na Qomyipi

⁵ Ca' so Pedro 'naaco' queso Jesús: —Qami' napaxaguinataxanaq, ¡ỹaatqajam chalego la'maxa na seuqata'ñi! Quiyim so'ueetaxai' caua tres 'imqolqai', 'óna caqami', ca liỹa queda Moisés, chaqai ca liỹa queda Elías.

Marcos 9:5 Iomraidhean Croise

Salmos 84:10

¡Paguec la'maxa quiyim 'oonoqui' ca na'xa'a seuetalec ca nasoxoqui', quecaua mil na'xata' spa'aatauec! 'Ue da ishoxo quiyim ỹim lasom lo'o quiñi lo'ueenaxanaxaqui ñi qota'olec, sqai 'nejem quiyim seueta'ñi ca hua'ñi na se no'uen.

Mateo 17:4

Co'na'le, ca' so Pedro 'naaco' queso Jesús: —Qami' qara'gaxala', ¡chalego la'maxa dá'maq shinqatari'! No'm 'maxariñi', ca' so'ueetaxe' caua tres na'derañi 'imqolqai', 'óna caqami', chaqai ca liỹa queda Moisés, chaqai ca liỹa queda Elías.

Mateo 23:7

chaqai qaỹa'maxate'tegue quiyim qaiquin quena qom quena nayic, chaqai quiyim qaỹamata'gue napaxaguinataxanaq.

Mateo 23:8

Qam qamiri sqai viitaque quiyim qaỹamata'que qamiri napaxaguinataxana' quena qomyipi. Ma' qamiá'ogue qamiri nqaỹaripi, chaqai qaỹimeta napaxaguinatqorii.

Marcos 9:4

Ca saua'maxare iuane'talo saua Elías chaqai so Moisés retaqasa'pegue' so Jesús.

Marcos 9:6

Ma' saua lapaxaguinatqa ỹaatqajam no'chi', ca' so Pedro se ỹa'den dá'maq ỹa'xatetac.

Lucas 9:33

Ca' queco'na' saua ỹale' sham ỹore'ogalo nqo'neesauec queso Jesús, ca retaqa so Pedro, 'naaco': —Qami' napaxaguinataxanaq, ¡chalego la'maxa quiyim quenajo seuqate'e! So'ueetaxai' caua tres ni'ỹaxaqui', 'óna caqami', chaqai ca liỹa queda Moisés, chaqai ca liỹa queda Elías. Qam so Pedro se ỹa'den ca 'neeta da la'qaatec.

Juan 4:31

Ca' saua lapaxaguinatqa nquipitesa'pegue' quiyim 'neesapega: —Qami' napaxaguinataxanaq, qui'i' lecocho'qui'.

Filipenses 1:23

Ca' 'xoic da lqalaic quiyim ñca'aguilo daua dos. Ma' da liỹa ỹa'deenataxanaxac 'neetasa': Ỹim yishiitaque quiyim yileu, qaiyi shic, ca' sento'ot so Cristo. Ca' dajo 'eco' paguec la'maxa caỹim.

1 Juan 3:2

Qamiri ỹaqaỹarolqa, mashic qomi' llaalqa ñi qota'a. Qam saqa' qaỹachaxanoxorom cá'maq shinqata ma' novi' cá'naq nqodoc. Qam sa'deenaq quiyim ma' liỹa re'oq so Jesucristo, ca' shinqatam so'maxare, ma' seuanaxa ma'le dá'maq ỹaatqajam 'neetari' so'maxare.