Marcos 9:2 - La'qaatqa ñi qota'olec Qota'olec & Qota'olec Novita Na Qomyipi

² Ca co'na' mashic ỹore'ueguelo saua seis na'xata', ca' so Jesús qaisauate' ỹauegue' saua Pedro, Jacobo, chaqai so Juan, ca taashi'megue aso quemaralec ladocai. Ca' quiyi hua'ño' na' qaỹadalaxat da no'ueenataxac so'maxare, ỹauanchiguilo' nqohine' na'le saua'maxare.

Marcos 9:2 Iomraidhean Croise

1 Reyes 18:33

Ca na' ime ỹa'maxajñi so qo'paripi, ca ỹalauat so huaqui llaalec, ca' illaalec so qo'paripi.

1 Reyes 18:42

Ca' so Acab eec, ca' que'e chaqai ne'et. Qam so Elías quiishi'megue ada qa' ladocai Carmelo. Ca nqa'xanñi, ỹoviraqta'guita naua le'cootal ñi lashic.

Éxodo 24:13

Ime, ca' ne'laxashiguim so Moisés, ca taashi'megue aso qa', taashi'ma yí'maq neeta'ñi ñi qota'olec, liỹaatac so lotaua Josué.

Isaías 53:2

Ñi qara'gaxala' ỹahotaco' quiyim so lelaatec queda llaxataxac 'ec aca nanecse ra'lliitam, ca' ta'iñi naua lpa'yii quena 'laua rashivita. Qaica ca loyac chaqai sqa taiguit da no'ueenataxac, chaqai dá'maq no'ueenataxac qaica ca lemaqachic;

Mateo 14:13

Ca co'na' so Jesús ỹa'den dá'maq qohine'tegue so Juan, ca' ca'e yi'maxare, renojñigui aso qom lahi' huaxaỹaqse, paca'ta so huaxaỹaq, qaisoota noỹootetec. Qam co'na' qaỹa'den queso qomyipi, ca chicqau'a na na'aateripi, ca' quepegue' quiyi hueetalec 'laua.

Marcos 14:33

Ca' ỹauec so Pedro, Jacobo chaqai so Juan, ca 'ec 'xoic na lqolonaxa chaqai rachitata.

Marcos 16:12

Ca co'na' ime dajo, ca so Jesús nachaxanalo saua dos na' taasa'uegue da no'ueenaxa, qam ỹoqa'a da no'ueenataxac.

Marcos 5:37

Ca so'maxare qaica ca liỹa naueca'pegue', qaisauate' saua Pedro, chaqai Jacobo, chaqai so lqaỹa Juan.

Lucas 6:12

Ca 'uo' so na'xa'a, ca' so Jesús taashi'megue aso qoỹoqoshi'megue 'laua, ca' nqouagaxain, sá'ogue so 'óna pe nqouagaxaintacot ñi qota'a.

Juan 1:14

Ca' só'maq qohinaco' quen na'qaatec ñigui qom. Ca so'maxare ỹalequetauguilo qomi', qam ỹaatqajam no'qaachigui queda nqo'iichi chaqai dá'maq ỹaatqajam llic leloxoỹaxac. Ca' qomi' seuanqachigui da lauaq, qam dajo lauaq da'maxare chi lalamaxaret lauaq só'maq 'oonoqui' llaalec ñí'maq qota'olec.

Romanos 12:2

Totaxan quiita'pegue' da no'ueenataxac ná'maq hueetalec na 'laua; ta'ta'a quiyim dalaxachii' naua ra'deenataxanaxagohi, qaiyi dalaxaic dá'ogue da nachaalataxaguii, qaiyi 'yiiñii dá'maq ỹahotaque ñi qota'olec, 'neetasa': cá'maq ỹa'maqachiguiñi, chaqai cá'maq ỹa'maxarenta ñi'maxare, chaqai cá'maq 'maxaraic naloochiguiñi.

2 Corintios 13:1

Ca' nagui ma'le quenajo, ca' tres sovitalo qamiri. Qam ná'ogue nanchaqaina quena nasauaxaset quiyim qaỹa'xat, ỹouen quiyim ra'qaataxane' caua dos, loqo'm tres qomi'.

Filipenses 3:21

So'maxare ỹadalaxat ma'le na qaroshicmaxa ma' tai'a quiyim ileu, qaiyi shinqata só'maq chi loshicmaxa so'maxare 'ue da lauaq. Qam ỹo'uet ma'le, ỹahote'e dá'maq chi lquesaxanaxa quiyim ỹoiquentac ná'ogue nanchaqaina.

Apocalipsis 20:11

Na'le, ca seuane'ta so chalego lecaic nashi nqa'xanqa' lalagaxaic chaqai só'maq nqa'xantalec. Ca' quiyi, ca' ỹaatqajam palac na 'laua chaqai na piguim, ca' tot qaica ca qaiuana quesaua'maxare, ma' pala'pe.