Marcos 8:6 - La'qaatqa ñi qota'olec Qota'olec & Qota'olec Novita Na Qomyipi

⁶ Ca' so Jesús 'naapego' quiyim nqa'xanñi quena 'laua so qomyipi. Ca so'maxare ỹaconalo' saua paañi', ca ỹaanshiguim da na'aachic quiñi qota'olec. Ca co'na' ime, ca ỹaanouguilo saua lapaxaguinatqa, ca saua'maxare imeendec queso qomyipi.

Marcos 8:6 Iomraidhean Croise

Mateo 26:26

Ca co'na' ñaq que'eeta'pe, ca' so Jesús ỹacona so pan, ca ỹaanot da na'aachic ñi qota'olec. Ca na' ime, ca ỹasectaxachigui, ca ỹaanouguilo saua lapaxaguinatqa. Ca 'naaco': —A'guii, najo ná'maq ỹoshicmaxa.

Marcos 8:20

—Chaqai na' semeendec caua siete paañi' queca cuatro mil qomyipi, ¿ỹote' na'le caua canastos no'xahi' queca rapooñicshiguii lahillipi? Ca saua'maxare 'neraco': —Siete.

Marcos 8:5

Ca' so Jesús inate'o' saua'maxare: —¿Ỹote' caua paañi' ñaqa 'vii caqamiri? Ca saua'maxare 'neraco': —Sietolqai'.

Marcos 8:7

Qai'neeta 'vio' saua nalliñirolqai'. Ca so Jesús nqouagaxainlgoto saua'maxare, ca relaataxanlgoto quiyim qaimeendec.

Lucas 12:37

Chalego la'maxa quecauajo nelaatqa quiyim ma' novi' ca na'coote' iuanejlgoto quiyim ñaq neloosauec ma' novi'. Ỹaatqajam llic da shinac quecajo a'co' na'maxajñi, ca nqa'xanaxañiñi caua'maxare, iloxoỹaxandelec ca nqui'ỹaxala', ime, ca' niỹoqshiguim ca na'ic.

Lucas 24:30

Ca co'na' mashic nqa'xansañi, reloqosalec so nqui'ỹaxala', ca so'maxare ỹacona so pan, nqouagaxainlec. Ime, ca ỹaanouguilo saua'maxare.

Juan 2:5

Qam aso'maxare 'naapegalo' sauá'maq quelolta'pe quiyi'maxare: —'Viichii cá'ogue cá'maq 'naac ma'le da'maxare caqamiri.

Juan 6:23

Qam co'na'le, ca lotqai 'vio' saua liỹa' qom lahiri chicqora'gue da na'a' Tiberias, novite' quiyi sqoỹoqaque quiyí'maq hua'ño' na' qaỹa'ic so pan co'na' ime ỹaanshiguim da na'aachic so qara'gaxala'.

Romanos 14:6

Qam quecá'maq ỹapacqajnauec ca 'óna na'xa'a, ca' chaqaida 'ne'tegue, qam imaqachintac so qara'gaxala'. Qam cá'maq sqai 'ne'tegue dajo, qam qaiyiita ma' imaqachintac so qara'gaxala' quiyim 'ne'tegue dajo. Chaqai quecá'maq qaỹaataq ca ỹa'ic quiyim que'e, ca' imaqachintac so qara'gaxala', ma' ỹaanot da na'aachic ñi qota'a. Qam cá'maq se ỹa'ca'era, noden, ma' imaqachintac so qara'gaxala', chaqai qai'neeta ỹaanot da na'aachic ñi qota'a.

Colosenses 3:17

Chaqai quecá'maq canchaqaica 'viichii loqo'm quecá'maq 'xachii, ca ná'ogue 'viichii, qam quiichigui nqai'ñii da leenaxat so qara'gaxala' Jesús. Quiichigui nqai'ñii so'maxare quiyim 'ỹaañitacot da na'aachicyaxaguii ñi qota'olec.

1 Samuel 9:13

Ca ma' viriho, ca chaqa'ma' daañiỹaque, ma' saqa' taashi'megue ada ncopatoxonaxalate, ma' 'ue ca nqui'ỹaxac. Ma' na qomyipi se que'e quiyim saqa' novi' ca'maxare, ma' ca'maxare ỹouen quiyim 'au nqouagaxainlec ca nachitaxanataxanaxat. Ca ma' ime, ca chaqa'ma' que'e ná'maq nalecseripi. Vichiguiño' riỹalaitac nagui, qaiyi neuañiguit ma'le.