Marcos 8:2 - La'qaatqa ñi qota'olec Qota'olec & Qota'olec Novita Na Qomyipi

² —Ỹaatqajam 'ue da i'xorenataxanaxa quenajo qomyipi, ma' mashic tres na'xata' hueete'ena, qam ỹaatqajam qaica ca ỹa'ic.

Marcos 8:2 Iomraidhean Croise

1 Reyes 19:6

Ca' so Elías quenoxontaco', ca iuane'to' quiyi na'xanqa' aso naqaulata ratooxoi chaqai aso 'taxaqui no'qaachigui queso huaxaỹaq. Co'na'le, ca' ne'laxashiguim, ca' que'e chaqai ne'et queso huaxaỹaq. Ca co'na' ỹa'at, ca lotqai liỹa nenanñi, laq.

Salmos 103:13

Ñi qara'gaxala' ineequesenta ná'maq imaqachin ñi'maxare, 'ec ca neta'a quiyim ineequesen ca llaalec;

Mateo 14:14

Ca co'na' renotec so Jesús caso lahi', ca iuane'ta so 'xoic qomyipi. Ca 'ue da le'xorenataxanaxa queso'maxare, ca ỹomatec na ralolaxaiquipi qanodou'a so'maxare.

Mateo 20:34

Ca' so Jesús ỹaatqajam 'uo' da le'xorenataxanaxa quesaua'maxare, ca ipootau'alo naua nqote'. Ca' saua qai'la' chaqa'ma' neuañiñi, ca' coỹaretero queso Jesús.

Mateo 9:36

Ca na' iuana so qomyipi, ca 'ue da le'xorenataxanaxa queso'maxare. Ma' 'ue da le'xoric chaqai qaica ca la'ñaxac, 'ec ana qagreta qaica ca reloxoỹa'a.

Marcos 1:41

Ca' so Jesús ỹaatqajam 'uo' da le'xorenataxanaxa queso'maxare. Ca' ipootau'a, ca 'naaco' queso'maxare: —Ajá'a, sa'maxarenta. Ca' nagui, ca remi'rec.

Marcos 5:19

Qam so Jesús se icoñiguit. Ta'ta'a quiyim 'naapega: —Quirepegue' ca ra'aachi', chaqai ca qauochi' laseripi, ca 'qaataxañita dá'maq ỹo'uet ñi qara'gaxala' caqami', chaqai dá'maq 'neeta da lqouagaxa caqami'.

Marcos 6:32

Ca' so Jesús chaqai saua lelaatqa nodaaterec que', nerañigui aso qom lahi' huaxaỹaqse, taare'oga yi 'laua qaica qom.

Marcos 6:34

Ca co'na' renotec so Jesús caso lahi', ca' iuane'ta so 'xoic qomyipi. Ca ỹaatqajam 'ue da le'xorenataxanaxa queso qomyipi, ma' 'neetari' aca qagreta quiyim qaica ca neloxoỹaq. Ca queetalec 'xoic na ỹapaxaguinegue.

Marcos 8:3

Chaqai no'm shinapega na'maxare quiyim pilalo naua la'aate' quiyim sqaica ca ỹa'ic, ca' 'ue ca ileueta ma'le quena nayic, ma' 'ue na qoỹoqo'tegue na chicqa'gue.

Marcos 9:22

Chaqai mashic 'xoic quiyim ñi ne'ec lecmaxaic taañigui nqai'en na norec chaqai na huaxaỹaq, ma' ỹahotaque ỹalauat. Ca no'm chaqaida quiyim shichi' 'ue ca 'viichi', quiyim qare'xoriñi', ca qarotauañi'.

Lucas 15:20

Ca' quiyi, ca' eec, pila yi la'a' so leta'a. Ca co'na' ñaq qoỹoqo'chiguit, ca so leta'a ỹauañi'chiguit so'maxare. Ca' ỹaatqajam 'uo' da le'xorenataxanaxa. Ca' ne'guenta ca'guit. Ca co'na' ỹovichiguit, ca' qa'aalegue chaqai nqo'goq.

Lucas 7:13

Ca so Jesús co'na' iuana aso'maxare, ca' ỹaatqajam 'ue da le'xorenataxanaxa, ca' 'naapega, 'naaco': —Se ỹa'maxañi quiyim nohiñi'sac.

Hebreos 2:17

Ca' chaqaida dá'maq quiyim so'maxare 'ec nqohin dá'maq no'ueenataxac na lqaỹaripi, qaiyi ỹovira'a qamaxaraic chaqai hualaxauaic nashi quiyim retaxaỹa'pegue' ñi qota'a quiyim naqat na lasauaxaset na qomyipi chicqochigui dá'maq quiyim nañaanalta' quiyim qaỹalauat.

Hebreos 4:15

Ma' só'maq qaretaxaỹaxanqajnec, so'maxare ishit i'xorene' qomi', ma' qaica ca qarquesaxanaxa. Ma' so'maxare qai'neeta 'xoico' na'le da le'xoric, ma' 'xoic da ne'guenaxaquipi ỹoreta'oguit, 'nejme' qomi', qam so'maxare qaica ca lasauaxaset.

Hebreos 5:2

Ma' na la'gaxala' na netaxaỹaxanqajanqaipi qai'neeta qaica ca lquesaxanaxa, 'nejem na liỹa qom, ca' ishit 'ue da leualaxavic quená'maq qaica ca ỹa'den chaqai na ỹo'meetac.