Marcos 8:11 - La'qaatqa ñi qota'olec Qota'olec & Qota'olec Novita Na Qomyipi

¹¹ Ca' naco' so fariseoipi, ca retaqata'guit so Jesús, ma' ỹahotaque i'guen. Ca ỹashiila quiyim 'ue ca ỹachaxan quena netanec se qaiuanapega, chicqo'ot nqai'en na piguim.

Marcos 8:11 Iomraidhean Croise

Éxodo 17:2

Co'na'le, ca' ỹaatqajam qaỹoviraqta'a so Moisés, qohinaco': —¡Vite ca huaxaỹaq, qaiyi ñi'taq! —¿Chi'negue ma' 'ue dá'maq 'xachitac caỹim? ¿Chi'negue ma' 'guiñitac ñi qota'olec? —'naaco' so Moisés.

Éxodo 17:7

Ca ỹanco' leenaxat novirqataxanqa' yijo 'laua, ma' so Israel llaalqaipi ỹaatqajam ỹoviraqta'a so Moisés. Chaqai qai'neeta ỹanco' leenaxat 'guenqa', ma' so qomyipi i'gueno' na'le ñi qota'olec, co'na' 'naac: ¿Ỹalequetauguilo' qomi' ca qara'gaxala', loqo'm 'e'?

Mateo 12:38

Ca 'uo' so fariseoipi chaqai quená'maq rapaxaguinataxanta'pegue na naqataxaquipi 'neraco' na'le queso Jesús: —Qami' napaxaguinataxanaq, sahoqotaque quiyim seuanqachigui aqami' quiyim 'viichi' ca netanec se qaiuanapega.

Mateo 19:3

Co'na'le, ca 'vio' saua fariseo nqo'nera'a so Jesús, ma' ỹahosaque ỹachi'iñi. Ca renataxane', 'neraco': —¿Peeta'a ỹa'maqachiguiñi queca qom quiyim ỹalat aca loua quiyim 'ue canchaqaica lasauaxaset?

Mateo 21:23

Co'na'le, ca' so Jesús inoxonougui ñi no'ueenaxanaxaqui lodegaxat. Ca co'na' ñaqai hueete'eyi, ca qanqo'neu'a quesaua la'gaxalate' na qomyipi quena' qaretaxaỹa'pegue' ñi qota'a chaqai saua lqo'xonqaipi na judioipi. Ca' qainatetac, qohinaco': —¿Negue' cá'maq chigoxochira'gue quiyim 'viichi' dajo? ¿Negue' cá'maq ỹamaqairaxalec quiyim 'viichi' dajo?

Mateo 22:15

Ca co'na'le, ca' so fariseoipi lapoỹata', na'deentapigui ca leloxoỹaxac, ỹahotaque quiyim 'ue ca ỹachigoxochichigui ca lasauaxaset, ca qainato' so Jesús.

Mateo 22:18

Qam so Jesús retan dá'maq se no'uen ỹahotaque so'maxare, ca 'naapegalo' saua'maxare: —Qamiri ma' 'ñiitapega qamiri 'maxaraqa, ¿chi'negue ma' yi'guiñitac?

Mateo 22:23

Chaqaisooto' so na'xa'a lotqai 'vio' saua saduceo querepegue' so Jesús. Na saduceoipi 'naac quiyim se liỹa nca'leuec ná'maq mashic ileu. Ca na'maxare inato' so Jesús, 'naaco':

Marcos 12:15

Qam so Jesús ỹa'den quiyim se no'uen da 'neesa'pegue saua'maxare, ca 'naaco': —¿Chi'negue ma' viitaque quiyim yachiiñi? Ñaq nodoiquena aca chiróla, ñaq sa'ajan.

Marcos 2:16

Qam ná'maq rapaxaguinataxanta'pegue na naqataxaquipi chaqai na fariseoipi co'na' idaana'a so Jesús quiyim lqui'ỹaxaua sá'ogue so qomyipi, 'naaco' quesaua lapaxaguinatqa so Jesús: —¿Chi'neco' ñí'maq ra'gaxalarii que'eeta'pegue' chaqai ne'teeta'pegue' ná'maq ỹacona'piguit ana nishiuete ñi nashi quiyi Roma chaqai na sauaqhuaiquipi?

Marcos 9:16

Ca so'maxare inate'o' saua'maxare: —¿Negue' cá'maq 'neeta quiyim taxahita'guita yaua'maxare?

Lucas 10:25

Ca' so napaxaguinataxanaq quena nelaataxanaxaquipi nachajñi, quepegue' so Jesús, ỹahotaque quiyim retaxaỹa'pegue'. Ca' chi i'guen, inat, 'naaco': —Qami' napaxaguinataxanaq, ¿negue' ca shinta'co' quiyim sovira'a secoñiguit ca nca'laxa sqaica lqodoc?

Lucas 11:16

'Uo' na liỹa chi i'guen, ỹashiilatac quiyim 'ue ca ỹachaxan ca netanec se qaiuanapega chicqo'ot nqai'en na piguim.

Juan 4:48

Ca' so Jesús 'naaco': —Qamiri sqai viilec no'm sqaica huañiỹa quena netanqaipi chaqai quena se qaiuanapega.

Juan 6:30

Ca qainato' so'maxare: —¿Negue' ca netanec chaxañitalo qomi' quiyim seuanqachigui, qaiyi seuaqlec qami'? ¿Negue' cá'maq 'viichi'?

Juan 7:48

¿Loqo'm 'ue ca mashic huelec so'maxare quena qarashillipi, loqo'm quena fariseoipi?

Juan 8:6

Ca 'naac dajo so qomyipi, ma' ỹahotaque quiyim i'guen so Jesús, qaiyi 'ue ca lligo quiyim 'naac 'ue ca lasauaxaset. Co'na'le, ca so Jesús nqai'guiñi, ca deraxan quena 'laua, ỹahote'e ana napoquena.

Hechos 5:9

Ca' so Pedro 'naapego' aso'maxare: —¿Chi'neco' na'yiiñigui quiyim viitaque 'guiñii so Espíritu chicqo'ot ñi qara'gaxala'? Queda pa'aauec chita'gue novirero dauá'maq ỹodoorec ishiñiñi ca roua'e'. Ca' naquita qai'neeta qarodo'irec.

1 Corintios 10:9

Chaqai qai'neeta se se'guenqatac so qara'gaxala', 'nejem da 'ne'teco' so 'auaxaic qomyipi quiyim 'uo' na i'guen so'maxare, ca' vichiguiño' 'uo' na ileu quena' qaỹa'ac quena nanaic.

Deuteronomio 6:16

'Neeto' 'guiñi'sac ñi qara'gaxala' qota'olec caqamiri, 'nejem dá'maq qohine'tegue na'le hua'ñi yi Masah.