Marcos 7:7 - La'qaatqa ñi qota'olec Qota'olec & Qota'olec Novita Na Qomyipi

⁷ Ỹaatqajam qaica quet cá'maq 'negue quiyim yimaqachintac, ma' nauá'maq lapaxaguinataxanaxaco chi lelaataxanaxaco na chaqai qomyipi.

Marcos 7:7 Iomraidhean Croise

Isaías 29:13

Ca' ñi qara'gaxala' 'naac caỹim: Najo qomyipi 'naac nqo'chiiua' quenaua la'qaatqa chaqai yimaqachin quenaua lapi', qam añi le'taxanata qoỹoqo'ta caỹim, chaqai quena' ỹo'uet yi lapoxoc quiyim qayimaqachin, ỹo'uet ná'maq chi lo'ueenatec na qomyipi dá'maq chi ỹa'den hueetagui na lqahic.

Mateo 15:9

Ca' qaica quet cá'maq 'negue quiyim yimaqachintac, ma' nauá'maq lapaxaguinataxanaxaco, naua'maxare chi laqataxaco na qom.

Mateo 6:7

Ca noma' nqouagaxaiñi', 'neeto' lotqai pilaxachisa'gue ca ra'qaachiqui', 'nejem dá'maq 'neetari' quen ná'maq se ỹauanapega ñi qota'olec. Ma' 'neetapigui lauel quiyim qana'xaỹaxana quiñi qota'olec, ma' ỹopilaqteta'gue ca ỹa'xatetac.

1 Corintios 15:14

Chaqai no'm so Cristo se nca'leuec nqohin, ca dá'maq na'qaatec sa'xatqatac qaica ca 'negue, chaqai dá'maq rpi'ỹaxaguii qai'neeta.

1 Corintios 15:58

Ca' vichiguiño' qamiri ñauochaxaua' ỹaqaỹa', sqaico' ca nqovilliguiỹaque, ỹaatqajam quiito'ot 'viichitac da lo'ueenataxanaxac so qara'gaxala'. Ma' qamiri 'yiiñita da ro'ueenataxanaxaguii quiyim 'ueenataxañitacot so'maxare, ma'le ỹaatqajam 'ue ca 'negue.

Colosenses 2:22

Ma' ná'ogue na qarapaxaguinataxanta'pegue, na'maxare 'ue lqodoc, ma' najo napaxaguinataxanaxaquipi chi lelaataxanaxac na qomyipi.

Tito 3:9

Qam rovichira'guito' na co'uaxaquipi qaica ca 'negue, chaqai na na'qaataxanaxac queso 'auaxaic qareta'allipi, chaqai quiyim se qanachiñiguit ca niỹa, chaqai quiyim qanco'uaatapiguilo naua naqataxaco chicqoro'ot na'le so Moisés. Ma' da'maxare qaica ca 'negue chaqai qaica ca taiguit.

Santiago 1:26

No'm 'ue ca 'neetapigui lauel icoñiguit da na'qaatec, qam se ỹa'den nollaañi ñi lo'legaxanaxat, ca'maxare chi nayinteguelta', ca dá'maq 'neeta quiyim icoñiguit da na'qaatec qaica ca 'negue.

Santiago 2:20

Qam qami' sqa 'maxariñi', ca' ỹaatqajam qaica ca 'yiiñi', ma' no'm ca npi'ỹaxac sqaica ca ỹa'maqachiguiñi lo'ueenataxanaxac, ca' cajo npi'ỹaxac 'ec leuaxaic.

Apocalipsis 22:18

Ca' quená'ogue ná'maq na'xaỹaxantapegalo naua la'qaatqa ñi qota'olec naneresañi canajo lere, ca sa'ue da ỹaqataxac: No'm 'ue ca 'ue ca ỹoqotqajno quenauajo, ca' ñi qota'olec ỹoqotqajando queca'maxare nauá'maq nqa'viico naneresañi canajo lere.