Marcos 7:5 - La'qaatqa ñi qota'olec Qota'olec & Qota'olec Novita Na Qomyipi

⁵ Ca' so fariseoipi chaqai so napaxaguinataxanaripi quena naqataxaquipi inatetac so'maxare 'naaco': —¿Chi'negue ma' naua rapaxaguinataxahi', ma' sqai quelgoto naua no'ueenataxaco so 'auaxaic qareta'allipi? Ma' napio'ỹi' naua napoquena quena' que'e.

Marcos 7:5 Iomraidhean Croise

Mateo 15:2

—¿Chi'neco' nauá'maq rapaxaguinataxahi' ma' sqai querelec dá'maq no'ueenataxac só'maq 'auaxaic qareta'allipi? Ma' se ipacqajñigui da leloxoỹaxac quiyim quiỹo' naua lqai'laqate' quena' saqa' que'e.

Marcos 7:13

Ca' 'eda dá'maq 'neeta quiyim qamiri qaica ca 'negue nqai'ñii dá'maq lelaataxanaxac ñi qota'olec, ma' quii'ueguelo na 'ueenataxaquipi queetauguilo qamiri. Chaqai 'xoic na liỹa 'viichitac 'nejme' dauajo.

Marcos 7:8

Ma' qamiri mashic lachii' naua lapaxaguinataxanaxaco ñi qota'olec, ca' quiilgoto nauá'maq chi no'ueenataxaco na qomyipi, quena' quiỹohi ana nehomahi, chaqai ana ne'taxaguii, chaqai 'xoic na liỹa 'viichitac 'nejem da'maxare.

Marcos 7:9

Ca lotqai 'naaco' na'le: —Ma' qamiri chaqai quiilgoto nauá'maq chi no'ueenataxagohi, ca' ỹaatqajam lachii' naua laqataxaco ñi qota'olec.

Hechos 21:21

Chaqai 'uo' da la'xaỹaxac quiyim qami' paxaguiñisac ná'ogue na judioipi ná'maq neetaugui na sqai judioipi quiyim se na'xaỹaxana na naqataxaquipi chicqo'ot nqohin so Moisés, chaqai 'ñirapego' quiyim se ỹa'ue ca netanec na loshicmaxa na llaalqaipi, chaqai ỹaxañiñi naua chi qano'ueenataxaco.

Hechos 21:24

Ca' nagui naua'maxare viqui', nquiỹoxouachi' ma'le, chaqai ná'ogue shivichiñi' aca laseuete dajo. Ca ma' ime dajo, ca naua'maxare, ca nepetec na laue. Qaiyi ná'ogue na qomyipi ỹa'den quiyim sqai llic dá'maq qaỹa'xatetac caqami', ma' qami' qai'neeta ỹaatqajam pacqajñichirigui 'viichi'sac ná'maq nelaataxanaxaquipi.

Romanos 4:12

Qam llic quiyim so Abraham leta'a ná'maq 'ue na netanec na loshicmaxa. Qam qai'neeta quiyim quiichi'ñigui chaqai ipacqajanchigui dá'maq lpi'ỹaxac só'maq qareta'a Abraham na' saqa'leca so netanec na loshicmaxa.

Gálatas 1:14

Ca quedá'maq queetalec quiyim huelec na judioipi na' ñaq salequetaugui, ca 'xoic ná'maq quena chi ñaloxouaripi quená'maq chi iuo' laseripi ñapacalec, ma' ỹim ná'maq ỹaatqajam sa'maxate' nauá'maq lapaxaguinataxanaxaco so 'auaxaic qareta'allipi.

2 Tesalonicenses 3:11

Ma' qomi' 'ue na sa'xaiqateguelec quiyim 'uo' na se ro'ueenataxan caqamiri. Ta'ta'a ỹalamqajlec quiyim qaica ca icona'pegue'.

2 Tesalonicenses 3:6

Qamiri qarqaỹa', saqataxalo qamiri quiyim noỹoochiuec quecanchaqaica qarqaỹa quiyim se nqo'ta ro'ueenataxan, chaqai quecá'maq sqai quelec da qarapaxaguinataxanaxac saanqaima qamiri.