Marcos 7:3 - La'qaatqa ñi qota'olec Qota'olec & Qota'olec Novita Na Qomyipi

³ (Ma' so fariseoipi chaqai ná'ogue na liỹa judioipi ñaqai queeta'pegue' da no'ueenataxac so 'auaxaic leta'allipi quiyim se que'e no'm sqai piltalec quiỹota'pe naua napoquena.

Marcos 7:3 Iomraidhean Croise

Marcos 7:13

Ca' 'eda dá'maq 'neeta quiyim qamiri qaica ca 'negue nqai'ñii dá'maq lelaataxanaxac ñi qota'olec, ma' quii'ueguelo na 'ueenataxaquipi queetauguilo qamiri. Chaqai 'xoic na liỹa 'viichitac 'nejme' dauajo.

Marcos 7:5

Ca' so fariseoipi chaqai so napaxaguinataxanaripi quena naqataxaquipi inatetac so'maxare 'naaco': —¿Chi'negue ma' naua rapaxaguinataxahi', ma' sqai quelgoto naua no'ueenataxaco so 'auaxaic qareta'allipi? Ma' napio'ỹi' naua napoquena quena' que'e.

Lucas 11:38

Ca' so fariseo ỹaatqajam 'ue da le'laxa, ma' iuanchigui so Jesús quiyim se ipacqajanchigui quiyim quiỹo' naua lqai'laqate' quena' sham que'e.

Juan 2:6

Qam 'vio' saua seis homa qa', saua'maxare ỹaatqajam loueno' quen na judioipi quena' ỹo'uet da no'ueenataxac quiyim quiỹo na nqui'ỹaxaquipi. Qam ỹovi' ochenta loqo'm cien litros huaxaỹaq le'ec cañi 'oono'lli' quesauá'maq homa.

Gálatas 1:14

Ca quedá'maq queetalec quiyim huelec na judioipi na' ñaq salequetaugui, ca 'xoic ná'maq quena chi ñaloxouaripi quená'maq chi iuo' laseripi ñapacalec, ma' ỹim ná'maq ỹaatqajam sa'maxate' nauá'maq lapaxaguinataxanaxaco so 'auaxaic qareta'allipi.

Colosenses 2:8

Rovichiỹari'o', 'neeto' lotqai quii'uegue ná'maq ỹahotaque rayiñii, ỹahote'e ná'maq na'deenaxanaxa huelec najo chaqai na sqai llic na'deenataxanaxac. Ma' na'maxare sqai chicqochigui so Cristo; ta'ta'a ná'maq chi no'ueenataxac na qomyipi, chaqai quedá'maq la'deenataxanaxac chaqainaata ỹa'deentapega ná'maq nanchaqaina re'qoochigui.

1 Pedro 1:18

Ma' ñi qota'a naqata'alo qamiri quedá'maq qaica ca 'negue chaalataxac no'ueenauguilo qamiri queso 'auaxaic qataa'illipi. Chaqai qamiri ỹaatqajam 'yiiñita dá'maq lesega'a dá'maq rca'laxahi se laseuete nqohin cá'maq tai'a quiyim imeuo, 'nejem aca 'oro loqo'm aca plata,