Marcos 5:7 - La'qaatqa ñi qota'olec Qota'olec & Qota'olec Novita Na Qomyipi

⁷ Ca' ỹaatqajam nelamaxaren, ca 'naaco': —Qami' Jesús, qami' llaalec ñi qota'olec ỹapacauec quená'ogue, ¿chi'neco' ma' 'iisapegueu'a aỹim? Nagui ñi'xoresene'tot qami' quiñí'maq qota'olec quiyim se qa'vi'rahic.

Marcos 5:7 Iomraidhean Croise

Génesis 3:15

Ca' nagui so'uet quiyim qami' chaqai ada 'aalo qamiri pa'guenaxaua', ca 'nejem ca qachaalaxai'pi chaqai ca llaalqaipi ada'maxare. Ca llaalqaipi ada'maxare co'vigui na rqahiqui', chaqai qami' a'quirigui ana la'ỹaaxa.

1 Reyes 22:16

Qam só'maq nashi 'naaco' queso'maxare: —¡Mashic 'xoic shinac caqami' quiyim 'ỹaañitot ca ra'qaachiqui' ñi qara'gaxala', ma' ỹim yipaquetaque cá'maq lliqueta la'qaatec ñi qara'gaxala', ca 'xachirim!

Mateo 16:16

Co'na'le, ca' so Simón Pedro 'naaco': —Qami' ná'maq qami' nashi nca'laxaqui, qami' ná'maq qami' llaalec ñi qota'olec ñí'maq se ileu.

Mateo 26:63

Qam so Jesús se retaqa. Co'na'le, ca' so lashi na netaxaỹaxanqajanqaipi 'naaco' queso'maxare: —Soỹaxanot nagui ñi qota'olec ñí'maq nca'leetauec quiyim ỹa'ue ca nouaxanaxashichi' no'm sqai llic ca ra'qaachiqui'. Nichoxochite' no'm qami' ná'maq nashi nca'laxaqui, qami' llaalec ñi qota'olec.

Mateo 4:3

Ca' so na'ỹaapec quepegue' so Jesús, ma' ỹahotaque i'guen. Ca 'naaco': —No'm ỹaatqajam qami' llaalec ñi qota'a, ca' ñiguilo nqai'ñi' paañi' nauajo qari.

Mateo 8:29

Ca' ỹaualaxai', 'nerac: —¿Chi'negue ma' 'isapegueu'alo qomi', qami' Jesús, qami' llaalec ñi qota'olec? ¿Peeta'a na'itquena quiyim vite ca qanouaxanaxaset quiyim saqa' ỹovita ca laloqo'?

Marcos 1:24

—¿Chi'negue ma' nishichirau'alo qomi', qami' Jesús, le'ec yi Nazaret? ¿Novichi' quenajo ma' viisaque quiyim huagaxachira'pe qomi'? Ỹim sa'den qami' quiyim qami' lalamaxaret ñi qota'olec.

Marcos 14:61

Qam so'maxare qaica ca ỹa'xat, ca' chaqaida 'neetari' i'maqatam. Ca' so lashi so na'gaxalateripi lotqai liỹa inat so'maxare, 'naaco': —¿Chaqaqami'o' ná'maq qami' nashi nca'laxaqui, llaalec ñi qota'olec ñí'maq qaremaqajnatec?

Marcos 3:11

Chaqai co'quena' qaiuana quena ne'ec lecmaxaic, ca chaqa'ma' ỹa'chi'iñi naua le'cootal quecá'maq reloqota'ñi so'maxare, ca' ỹaualaq, 'naaco' quen: —¡Qami' ná'maq qami' llaalec ñi qota'olec!

Marcos 5:6

Qam co'na' iuañi'chiguit so Jesús ñaq qoỹoqo'chiguit, ca ca'guit ne'guenta, ca ỹa'chi'iñi naua le'cootal quiyí'maq reloqota'ñi so'maxare.

Marcos 5:8

'Naaco' dajo, ma' so Jesús shi'co' 'neetapega so'maxare: —¡Qami' ne'ec lecmaxaic, oquire'e najo ỹale!

Lucas 1:32

Ma' ca'maxare ỹaatqajam lodegaxat, chaqai qaỹamata'gue ma'le llaalec ñi qota'olec maq lodegaxat. Ma' ñi qota'olec ñí'maq qara'gaxala' ỹano ma'le ca'maxare quiyim nashi, 'nejem so chigoxougui nashi David,

Lucas 4:34

—Qarayaxañi'sac; ¿chi'neco' ma' se qarayaxañirac, qami' Jesús Nazaret le'ec? ¿Peeta'a na'italo qomi', vi'saque qareuagaxachirac? Aỹim sa'den aqami', chaqai sa'den ỹaatqajam chaqaqami' lalamaxat ñi qota'olec.

Lucas 6:35

Qalaxam qamiri 'xoriñii cá'maq pa'guenta'pe qamiri, chaqai 'maxachi'tegue na qom, 'ỹaañiuec ca na'ualec. Qam se ỹa'maxañi quiyim 'ue ca naquichita'a, qaiyi ỹaatqajam lodegaxat ca nishiuetenaxaguii, chaqai ỹaatqajam qamiri llaalqa ñi qota'olec ñí'maq paguec lecaic. Ma' ñi'maxare ỹaatqajam 'xorenataxanaxaic, i'xoren ná'maq se ỹa'deena'a da na'agaxa chaqai ná'maq nocqaiquipi.

Lucas 8:28

So'maxare co'na' iuana so Jesús, ca ỹa'chi'iñi naua le'cootal quiyi reloqota'ñi so'maxare, ỹaualqatari': —¿Chi'negue ma' nishichirau'a aỹim, qami' Jesús, llaalec ñi qota'olec ma' ñí ỹapacauec? Qami' ñi'xoresene'tot nagui quiyim se qa'vi'rahic.

Juan 20:31

Qam nauajo qohichiñi, ma' qaỹahotaque quiyim qamiri viilec so Jesús quiyim chaqaiso só'maq nashi nca'laxaqui, llaalec ñi qota'a, chaqai qaiyi 'ue ca rca'laxahi quiyim viilec so'maxare.

Hechos 16:17

Ca' asojo nequetegaxai coỹaretalgoto qomi' queso Pablo, ỹaualqata'guit, 'neetapogoxoua': —Nauajo ỹale' nauá'maq ỹaatqajam lelaatqa ñi qota'olec ñí'maq ỹaatqajam lodegaxat, ỹa'xatetapeguema qamiri da llicyaxac da nca'laxa.

Hechos 19:13

Qam 'vio' saua judío lase' queesagui na qomyipi, naqaterac na ne'ec lecmaxaic. Ca' saua'maxare ỹahosaco' ro'goxonta da leenaxat so qara'gaxala' Jesús, quiyim naqat. Ca 'naapego' quen na ne'ec lecmaxaiquipi: —Shinqapega qami' quiyim noxoñirec. Sodaqa'a qami' da leenaxat so Jesús, so ỹa'xatetac so Pablo.

Hechos 8:36

Ca co'na' ỹovijta yí'maq hua'ñi 'ue na huaxaỹaq, ca' so nelaatec 'naaco': —Quenajo 'ue na huaxaỹaq, ¿tegue' chi ỹa'maxaño' quiyim qayachilaxan?

Romanos 16:20

Ca ñí'maq qota'olec chicqo'ot da na'maxa qaỹaloq pataxañi so na'ỹaapec, illo'oto naua qapiaachiri. Chaqai so qara'gaxala' Jesucristo no'ueenaxat ca qayicyaxaguii.

Hebreos 2:14

Na ñaalqaipi 'oonoqui' ca qaỹachigoxochichigui. Na'maxare dá'ogue da no'ueenataxac; ca' chaqaida 'neeta nqohin so Jesús 'ec chaqai qom, qaiyi ishit ileu. Ca' queda, ca ishit ỹopoxoỹaxachigui só'maq hueeto'ot da nquesaxanaxa quiyim ralauataxan. Ca so'maxare chaqaiso so na'ỹaapec.

Hebreos 7:1

So Melquisedec nasho' na'le quiyi Salem chaqai letaxaỹaxanqajnec na qomyipi quena' qaretaxaỹa'pegue' ñi qota'a ñí'maq ỹapacauec. Co'na' so Abraham rapil queso lauataq só'maq huaugui na' ỹalauat so nashillipi, ca' so Melquisedec ỹanaxachi'chiguit so Abraham, ca' ỹaanem da nqouagaxa.

Santiago 2:19

Qami' ỹaatqajam 'ue da rpi'ỹaxaqui' quiyim virelec 'oonoqui' ñi qota'a. Ca' dajo ỹa'maqachiguiñi. Qam dajo qai'neeta huelec na lelaatqaipi so na'ỹaapec, qam i'loxol quena lqolonaxa.

2 Pedro 2:4

Ma' ñi qota'a se ishit i'xoren só'maq lelaatqaipi piguim laseripi co'na' 'ue da lasauaxaset. Ta'ta'a quiyim inaxa'ña yi ncopatqo' na sauaqhuaiquipi, chaqai coñirañi queca napalaxa loma', ca' nauaanta'guit nqai'en ca na'xa'a quiyim qaimit ná'ogue najo.

1 Juan 3:8

Qam cá'maq ñaqai queetalec na lasauaxaset, cá ca'maxare lalamaxaret so na'ỹaapec. Ma' só'maq na'ỹaapec sauaqhuaic shi'gue na' ñaqai chita'gue qaỹo'uet na 'laua. Ca' chaqaido' dá'maq 'neeta quiyim novi' so llaalec ñi qota'a, ma' ỹahotaque ỹosogui dá'maq ỹo'ueeto' na'le so na'ỹaapec.

Judas 1:6

Chaqai só'maq nelaatqaipi quiñi qota'a piguim laseripi quená'maq se ỹaqamaxat ca loma', ta'ta'a quiyim ỹalat cá'maq lalamaxaret la'a', ca' ñi qota'a coñi', nauaanta'guit nqai'en cá'maq pa'aatec na'xa'a ma' qaimit ná'ogue najo, coñirañi quiyí'maq qaica 'nejem napalaxa.

Apocalipsis 12:12

Vichiguiño' nagui netooñi' qami' piguim, chaqai ná'ogue ná'maq hueeto'ot. Qam ¡ỹaatqajam chalego le'xoric ma'le ná'maq hueetalec na 'laua chaqai ana huaaxai! Ma' so na'ỹaapec ta'ñalo qamiri ỹaatqajam 'ue da lonogoxonaxac, ma' ỹa'deentari' quiyim sqaỹaloq ỹovita ca lqodoc ca naloqojnec so'maxare.