Marcos 4:8 - La'qaatqa ñi qota'olec Qota'olec & Qota'olec Novita Na Qomyipi

⁸ Ca' aso liỹa nanecse tajlec yi lo'yaxanec 'laua, ca' aso'maxare ỹaatqajam lo'yaxanec da llaqtaxac. Ca 'uo' ana ỹovi' treinta ala añi 'oono'lli', chaqai 'uo' ana ỹovi' sesenta, chaqai 'ue ana ỹovi' cien.

Marcos 4:8 Iomraidhean Croise

Génesis 26:12

Ca danaxano' na'le queso ñaaxa so Isaac queso 'laua, ca' chalego loyac na' lapoon so lanec ala, ma' ñi qara'gaxala' no'ueenaxat so lanec.

Isaías 58:1

Ñi qara'gaxala' qota'olec 'naac caỹim: Se ro'chi'i', taxahi' nelamaxariñi', 'ec npe'te nqai'ñi' ca qavillaxaqui'; relaqaita na ỹalamaxareteripi llaalqaipi so Jacob quedá'maq se no'uen ỹo'ueetetac chaqai queda lasauaxaset.

Mateo 13:23

Qam aso nanecse ala tajlec yi lo'yaxanec 'laua, ca chaqaina ná'maq ỹa'maxate'tegue da na'xaỹaxanaxac chaqai ỹa'den da leloxoỹaxac, ca' lo'yaxanec da laỹaxac quiyim qanaqat. Chaqai 'ue ná'maq 'nejem aso nanecse ỹovi' cien ana la cañi 'oono'lli', chaqai 'ue na liỹa 'nejem aso ỹovi' sesenta ana la, loqo'm 'nejem asó'maq ỹovi' treinta ana la.

Mateo 13:8

Qam aso liỹa lanecse tajlec yí'maq lo'yaxanec 'laua. Ca na' ñaxat, ca' lo'yaxanec da laỹaxac. 'Ue ana ỹovi' cien ana la cañi 'óna, chaqai 'ue ana ỹovi' sesenta, chaqai 'ue ana ỹovi' treinta ana la na' qanaqat.

Marcos 4:20

Qam 'uo' na 'xaỹa da na'qaatec, ca' icoñiguit, ca ỹaatqajam 'xoic da laỹaxac, ca 'nejem aso nanecse ala tajlec yi lo'yaxanec 'laua. Ca 'uo' ana 'nejem aso nanecse ala ỹovi' aca treinta ala añi 'oono'lli', chaqai 'uo' ana ỹovi' sesenta, chaqai cien.

Marcos 4:7

Ca' so liỹa lanecse ala taachiguinquio' ca leesat. Qam so leesat se ỹolaua'gue da llaqtaxac, ca' ỹapolec aso nanecse, ca' se ishit quiyim 'ue aca la.

Marcos 4:9

Ca' so Jesús 'naaco': —Cá'maq 'vii caua lque'laa lauaco quiyim na'xaỹaxan, ca 'maxaraic quiyim ỹa'maxate'tegue da na'xaỹaxanaxac.

Lucas 8:15

Qam asó'maq nanecse tajlec yi lo'yaxanec 'laua, ca 'nejem ca qom lo'yaxana aca le'taxanata, ca ỹa'maxate'tegue da na'xaỹaxanaxac, chaqai huelec da na'qaatec, chaqai quejlec. Se qoshiiuec, ca' ỹaatqajam 'ue da loquigaxac da laỹaxac.

Lucas 8:8

Ca' aso liỹa nanecse tajlec yi ỹaatqajam lo'yaxanec 'laua. Ca co'na' ñaxat, ca ỹaatqajam 'xoic ana la. 'Uo' ana ỹovi' cien ana la co'na' qanaqat. Ca co'na' ime da la'qaatec so Jesús, ca' ỹaatqajam nelamaxaren, 'naaco': —No'm qamiri 'vii caua rque'lahi lauaco, ca' 'xaiỹo'.

Juan 15:5

Ca' ỹim ná'maq ỹim nanecse, ca' qamiri ná'maq qamiri lasote. Cá'maq ñaq na'deetau'a ỹim, chaqai aỹim ña'deeta'guit ca'maxare, ca 'xoic aca la, ma' qamiri qaica ca shichii 'viichii, no'm qaica ỹim.

Juan 7:17

No'm 'ue cá'maq huachi'chiguit quiyim ỹahotaque ỹo'uet dá'maq ỹahotaque ñi qota'olec, ca ỹa'deenta quenauá'maq ỹapaxaguinataxanaxaco quiyim chicqoro'ot ñi qota'olec, loqo'm chaqaỹim ỹapaxaguinataxanaxac.

Hechos 17:11

Ca' sojo judioipi paguec 'xaỹaxanqachaqaiquipi, sqai 'nejem yi na'ñi yi Tesalónica. Ma' so qomyipi ỹaatqajam paguec nqo'ta na'xaỹaxana da na'qaatec. Vichiguiño' naua'que naua na'xata' qaỹa'ajanta'pe naua ñaua'pe nerecse' la'qaatqa ñi qota'a quiyim chaqaido' da qaỹa'xatetac.

Efesios 2:21

Ca' sojo no'xonaxanaxala' chaqaiso so Cristo, ca' ñá'ogue ñí'maq 'imec qano'xontashiguim, ca' ỹaatqajam qaỹa'maxachichiriñi naua lahil, ca chi ỹovireto'o' quiyim 'nejem ca 'imec ta'chiguit quiyim qaimaqachintac so qara'gaxala' Jesús.

Filipenses 1:11

Qaiyi so Jesucristo no'xataxachichigui ma'le da nachaalataxaguii quedá'maq 'maxaraic 'ueenataxac, qaiyi qaimaqachin dá'maq lecaic ñi qota'a.

Colosenses 1:6

Dajo na'qaatec dá'maq qaỹa'xatema qamiri na'le, chaqaida dá'maq noquiiquetashiguim, ca re'oq da laỹaxac quená'ogue na 'laua. Qaican ỹapaguec na'le caqamiri na' qaỹa'xatema qamiri da le'xorenataxanaxa ñi qota'a, ca 'yiiñii dajo quiyim chaqaida dá'maq ỹaatqajam ne'xorenataxanaxa.