Marcos 4:6 - La'qaatqa ñi qota'olec Qota'olec & Qota'olec Novita Na Qomyipi

⁶ Qam co'na' nenoxonshiguim aso ra'aasa, ca' ỹavic, ma' sqoỹoxo'ñiguilo naua lpa'yii. Ca' ỹaso.

Marcos 4:6 Iomraidhean Croise

Cantares 1:6

Totaxan ra'iigui dá'maq quiyim ỹim huerai, ma' yavigaxat añi ra'aasa. Na iqaỹaripi ro'iiua', ca' yilarelec quiyim seloqota'a yi 'uva loma', ¡ca' se squelola yí'maq ỹaatqajam ỹanaxanqa'!

Jonás 4:8

Ca co'na' nenoxonshiguim aso ra'aasa, ca' ñi qota'olec nac nqai'en so nonot pa'e chicqa'gue da lqodoigue. Ca so'maxare tajlec so npa'ỹaaxa, ca' chita'co' quen ileueta, ca' ỹahotaco' quiyim ileu. Ca 'naaco': —Paguec la'maxa queta' yileu, mesqai 'nejem quiyim yca'leetauec.

Mateo 13:6

Qam co'na' nenoxonshiguim añi ra'aasa, ca co'na' pa'eelec, ca rashivi, ma' qaicaua caua lpa'yii. Ca ỹaso.

Marcos 4:5

Ca' aso liỹa lanecse ala tajleco' so 'laua ỹalliquichigui na qa'. Ma' sqoỹoxoñi na 'laua, ca' aso nanecse ala chita'gue, ca' ñaxat.

Marcos 4:7

Ca' so liỹa lanecse ala taachiguinquio' ca leesat. Qam so leesat se ỹolaua'gue da llaqtaxac, ca' ỹapolec aso nanecse, ca' se ishit quiyim 'ue aca la.

Efesios 3:17

qaiyi so Cristo hueetauguilo naua re'taxanatahi chicqochigui da rpi'ỹaxaguii, qaiyi ra'ñi'iñi qamiri na'yiitalec da ne'xorenataxanaxa,

Colosenses 2:7

'ec 'vii lpa'yii da nachaalataxaguii na'yiitalec so'maxare, chaqai queda rpi'ỹaxaguii 'ec no'xoñiitalec so'maxare. Ma' chaqaida dá'maq qaỹapaxaguinguelo qamiri na'le, ca' se neme 'ỹaañitacot da na'aachicyaxaguii ñi qota'a.

2 Tesalonicenses 2:10

Ro'ueenataxana ná'ogue na se ỹa'maxañi, ma' ỹahotaque ỹayin na qomyipi ná'maq tai'a da nouaxanaxaset sqaica lqodoc, ma' mashic se icoñiguit dá'maq na'qaatec lliqueta, ca' qaiyi nca'leuec.

Santiago 1:11

Ma' quena' nenoxonshiguim añi ra'aasa, ca nqo'neuec na lpa'ỹaaxa na lauaq, ca' ana peue rashivi, ca ana lenoỹaxai najñi, ca imeho da loyac. Ca 'nejem ca nesallaxanec na'laugui ma'le da chi lo'ueenataxanaxac.

Judas 1:12

Ỹaatqajam nayiloxo lahite' quena' ỹalequesauguilo qamiri quenaua rqui'ỹaxagohi quena' nouañitagui na qanoxohi. Quena' raỹaacosalec da lqui'ỹaxague' chaqai da ne'taxague', qaica ca na'xairaque, se ỹa'maxata'que naua la'qaatqa. Chaqai na'maxare 'ec cá'maq na'gaxala' chi netelteguelta', qam 'nejem ca naueguelec sqai chicqaugui ca huaxaỹaq, chi qaỹaỹoxonaxateta quena nonot, chaqai 'ec aca qo'paq qaca aca la quiyim ỹovita ca laloqo', ỹaatqajam ỹasootam, ca' ỹovita qanaqat.

Apocalipsis 7:16

Ca tot ỹoviro'ot ma'le ca nqopaaxa chaqai ca laquip. Chaqai tot qaỹavigaxat cañi ra'aasa, chaqai tot nauata'guit ca npa'ỹaaxa.