Marcos 4:41 - La'qaatqa ñi qota'olec Qota'olec & Qota'olec Novita Na Qomyipi

⁴¹ Qam saua'maxare ỹaatqajam 'xoic da lqolonqa', ca chi nenatetecta', 'neraco': —¿Negue' queto' dá'maq dajo ỹale? Ma' vire'ta na nonot chaqai na huaxaỹaq na'xaỹaxana.

Marcos 4:41 Iomraidhean Croise

Job 38:11

Ca' shinapega: Qainaata najo novichira'ñi, ca' quenajo, ca' se napaquiralec; 'ena lqodoc da lquesaxanaxa na ro'paxa'e'ipi.

Mateo 14:32

Ca co'na' saua'maxare renochishiguim caso lahite', ca' so nonot qaguiguit.

Mateo 8:27

Ca quedá'maq le'laqa' saua ỹale', ca 'neraco': —¿Nega'ỹo' dá'maq dajo ỹale, ma' vire'ta na nonot chaqai ana huaaxai na'xaỹaxane'ta?

Marcos 4:40

Co'na'le, ca 'naaco' so Jesús quesaua lapaxaguinatqa: —¿Chi'negue ma' 'xoic rqolonaxahi? ¿Saqa'leco' ca rpi'ỹaxaguii?

Marcos 5:1

Ca co'na' mashic ỹovirereta quiyi 'laua Gadara.

Marcos 5:33

Ca' aso 'aalo i'loxolqachit da lqolonaxa, ma' ỹa'deenta dá'maq 'neeta. Ca' quepegue', ca ỹa'dooto naua le'cootal so'maxare, ca ỹa'xatem dá'ogue dá'maq 'neeto' na'le.

Marcos 7:37

Ca ỹaatqajam 'xoic da ne'laxa, ca qohinaco' quen: —Ỹaatqajam ná'ogue ná'maq ỹo'ueetetac ỹa'maqachiguiñi, ma' vire'ta na ra'ñaagui lqahic 'qaa nqai'en, chaqai na qaicaua la'qaatqa retaqa nqai'en.

Lucas 4:36

Ca' sá'ogue so qomyipi ỹaatqajam 'ue da lqolonaxa. Ca retaqatecta', 'naac: —¿Nega'ỹo' dá'maq na'qaatec? ¡Ma' dá'maq ỹale ỹaatqajam 'ue da 'negue, chaqai 'ue da lquesaxanaxa da la'qaatec, ma' quena' ilarec na ne'ec lecmaxaic, ca na'maxare chaqa'ma' eec!

Lucas 8:25

Ime, ca 'naapegalo saua lapaxaguinatqa, 'naaco': —¿Chi negue' ca 'neeto' ca rpi'ỹaxaguii? Qam saua'maxare ỹaatqajam no'chi', chaqai ỹaatqajam 'ue da le'laqa'. Ca chi nenatetecta', 'nerac: —¿Nega'ỹo' dá'maq dajo ỹale? ma' quena' ila' na nonot chaqai na huaxaỹaq, ca chaqa'ma' na'xaỹaxan.

Hebreos 12:28

Da lo'ueenataxanaxac ñi qota'a quiyim ỹoiquentac ná'ogue najo, dá'maq ỹaanema qomi', chaqaida dá'maq se qaishit qaidaxan. Ca saanqatecshiguim da qana'aachic quedajo, chaqai semaqachinqatac ñi qota'a, ñañaanqa'tot, sa'deenqatapega cá'maq ỹa'maxarenta.

Apocalipsis 15:4

¿Negue' queto' cá'maq se no'cha'a qami', qami' qara'gaxala'? ¿Negue' queto' cá'maq se imaqachin aqami'? Ma' chaqaqamite' qami' co'teeta, chaqai anac ná'ogue na ỹoreta'oguit qomyipi, ca' imaqachin aqami'. Ma' qaiuanchigui quiyim sqaica ca se ỹa'maxañi quená'ogue ná'maq 'viichi'.