Marcos 4:11 - La'qaatqa ñi qota'olec Qota'olec & Qota'olec Novita Na Qomyipi

¹¹ Ca' so'maxare 'naaco': —Ñi qota'olec ỹa'deenaxanaxanque qamiri dá'maq ñauapec leloxoỹaxac se re'xogui da lo'ueenataxanaxac ma' ỹoiquentac ná'ogue najo. Qam quená'maq liỹaripi pa'aatauec ná'ogue qara'qaataxana, qam qaỹahote'e na naloqojnaxanaxaqui;

Marcos 4:11 Iomraidhean Croise

Mateo 11:25

Ca' quesojo na'xa'a so Jesús 'naaco': —Qami' ita'a qota'olec, ma' qami' na'gaxala' queda piguim chaqai quena 'laua, semaqachin aqami', ma' qami' chaxañitem ná'maq qaica ca ỹa'den dá'maq 'xochirapeguem na 'deenaxanqachaqaic chaqai ná'maq 'xoic na ỹa'den.

Mateo 13:16

Qam chalego la'maxa caqamiri, ma' huanaxañiỹalo naua nqochiri, chaqai 'xahi' naua rque'lahi lauaco.

Mateo 16:17

Ca' so Jesús 'naaco': —Qami' Shimoñi', qami' llaalec so Jonás, ỹaatqajam chalego da ra'maxa'e', ma' sqai qom ca ra'deenaxanaxañitegue dajo, qaiñiita ñi ita'a neeta'gue da piguim.

Marcos 3:23

Ca' so Jesús roỹaxanalo' saua'maxare, ca ỹa'uo' so laloqojnaxanaxaqui, 'naaco': —¿Negue' quet cá'maq 'neeta quiyim so na'ỹaapec chi no'daalta'?

Marcos 4:10

Ca co'na' noda'chiguit so Jesús, só'maq chaqai'en nauegaxauaripi chaqai saua doce lapaxaguinatqa, ca' qainato' negue' cá'maq reloqo'tegue dá'maq raloqojnaxantapega, quiichigui nqai'en da la'qaatec.

Marcos 4:2

Ca 'xoic na ỹapaxaguinegue, qam ỹahote'e na laloqojnaxanaxat. Ca quená'maq lapaxaguinataxanaxac, ca 'naaco' quen:

Lucas 8:10

Ca so'maxare 'naaco': —Ñi qota'olec ỹa'deenaxanaxanque qamiri ná'maq se re'xogui leloxoỹaxac da lo'ueenataxanaxac. Qam na liỹaripi sahote'e ỹaloqojnaxanaxat, qaiyi na'maxare quená'maq iuana, qam 'ec se reuanaxan, chaqai 'qaatac, qam se ỹa'den ca 'neeta cá'maq qaỹa'xat.

1 Corintios 4:7

Ma' ¿negue' ca ỹapacqajnauec qami' quena liỹaripi? ¿Nega'ỹo' ca sqa chicqo'ot ñi qota'a quená'maq hueeto'ot qami'? Ca no'm ñi'maxare ỹaanem qami', ca ¿chi'negue ma' nemaqajñi'? Mashic 'eco' quená'maq vi'saxauot chigoqchiraugui ca chi ra'ñaxaqui'.

2 Corintios 4:6

Ma' ñi qota'a ñí'maq nela' aso lcoỹeraxanaxaqui quiyim naviguec na'le queso napalaxa, chaqaiñi ñí'maq naviguec nqai'en aso lcoỹeraxanaxaqui cañi qare'taxanata, qaiyi seuanaxa da lauaq ñi qota'a quena' naviguec quena lashic so Jesucristo.

Efesios 1:9

chaqai ỹa'deenaxanaxanque qomi' dá'maq ỹahotaque ỹo'uet se re'xogui, dá'maq chaqaiñi ñi'maxare ỹahotaque quiyim ipaquichigui nqai'en.

Colosenses 4:5

Ỹaatqajam na'deenaxanqachiñii quena' taxaiỹa'pegue' ná'maq saqa' icoñiguit da na'qaatec. Nquipichita'pegueto nauá'maq no'viiñi na'xata' quiyim 'ue ca redaaqari.

1 Tesalonicenses 4:12

qaiyi ná'maq saqa' icoñiguit da na'qaatec lo'yaxanec nqai'en da na'qaataxaguii, chaqai qaica ca viñitaque.

1 Timoteo 3:7

Qai'neeta quiyim no'uen da na'qaataxac 'maxaraic quená'maq saqa' icoñiguit da na'qaatec, qaiyi ỹaatqajam 'ue nqai 'negue nqohin, qaiyi se ilamqa'ñigui aca loqoinaxanaxaqui so na'ỹaapec.

1 Juan 5:20

Sa'deenaq qai'neeta quiyim so llaalec ñi qota'a novi', ca' ỹaanema qomi' da qara'deenataxanaxac, qaiyi sa'deenaq ñí'maq ỹaatqajam qota'a. Qomi' ña'daqatau'a ñí'maq ỹaatqajam 'chichiguiñi, ca so'maxare chaqaiso só'maq Jesucristo, llaalec ñi qota'a. Chaqaiso so Jesús só'maq ỹaatqajam qota'a, chaqai chaqaiso só'maq nca'laxa sqaica lqodoc.