Marcos 2:8 - La'qaatqa ñi qota'olec Qota'olec & Qota'olec Novita Na Qomyipi

⁸ Qam só'maq Jesús chaqa'ma' ỹa'den dá'maq la'deenataxanaxague' saua'maxare, ca 'naaco': —¿Chi'negue ma' 'ñiita'gue dajo, da ra'deenataxanaxaguii?

Marcos 2:8 Iomraidhean Croise

Salmos 139:2

qami' 'yiiñi' ná'ogue ná'maq so'uet; chaqai ñaq qoỹoqo'ta aỹim chaqa'ma' 'yiiñi' da ỹa'deenataxanaxac.

Proverbios 24:9

Dá'maq na'deenaxac cá'maq qaica ca ỹa'den, ca chaqaida da nasauaxaset; qaica ca ishit na'ñaxachiguit cá'maq i'neetac ca liỹa.

Mateo 12:15

Ca co'na' ỹa'den dajo so Jesús, ca' ca'e yí'maq hueete'e. Ca 'xoic so qomyipi coỹare'tegue, ca so Jesús ỹomatec ná'ogue na ralolaxaiquipi.

Mateo 16:7

Ca' saua lapaxaguinatqa retaxaỹata', 'neraco': —Dajo 'naac, ma' sqaica ca ñi'xataq pan.

Mateo 9:4

Qam ma' so Jesús ỹa'den dá'maq la'deenataxanaxague' saua'maxare, ca 'naaco': —¿Chi'negue ma' se no'uen da ra'deenataxanaxaguii?

Marcos 2:7

“¿Chi'neco' dá'maq la'qaatec da ỹale? Ma' napaqueteguelec ñi qota'olec, ma' qaica ca ishit ỹapalaxat ca nasauaxaset, qaiñiita ñi'maxare.”

Marcos 2:9

¿Negue' ca paguec se qalaq quiyim qohinac queca ralolaxaic: “Qaỹapalaxate' caua rasauaxashichichi'”, loqo'm qohinapega: “Ne'laxachirishiguim, nañireta' na qacanqui', ca' qui'”?

Marcos 7:21

Ma' añí'maq le'taxanata ca qom, ñí'maq chicqa'ña ná'maq se no'uen na'deenataxanaxac, chaqai quiyim nocachite'e' aca se loua, chaqai na dequenaxac, chaqai na nalauataxanaxac,

Lucas 24:38

Qam so Jesús 'naapegalo': —¿Chi'neco' ma' ro'chii? chaqai ¿chi'neco' ma' 'uo' da roqollictaxanaxahi quenaua re'taxanatahi?

Lucas 5:22

Qam so Jesús ỹa'den da la'deenataxanaxac so qomyipi. Ca 'naaco': —¿Chi'neco' ma' ra'deenataxanaxaguii dá'maq dajo?

Lucas 6:8

Qam so'maxare shi'gue ỹa'den da la'deenataxanaxac so qomyipi. Ca 'naapego' só'maq ỹale rashivita da lqai'laxat, 'naaco': —Ñirishiguim, ca' 'iriñigui na lavinñi. Ca' so ỹale ne'laxashiguim, ca taañigui na lavinñi so qomyipi.

Juan 21:17

Ca lotqai liỹa renataxan, 'naaco': —Qami' Shimoñi', qami' llaalec so Jonás, ¿rqo'chiriua'? Ca ỹaatqajam 'ue da lachicoxo so Pedro, ma' mashic tres qainat quiyim nqo'ta so'maxare. Ca 'naaco': —Qami' ỹa'gaxala', qami' ná'ogue 'yiiñi'. Qami' 'yiiñi' quiyim yqo'chiraxaua'. Ca' so Jesús 'naaco': —Cha'regue cochi'ta ana iloipi qagretaipi.

Juan 6:64

Qam qaiyiita ñaqa 'ue na saqa' huelec caqamiri. Ca' so Jesús 'naaco' dajo, ma' shi'gue na' llaqai taachiguiñi chaqa'ma' ỹa'den ná'maq sqai huelec, chaqai negue' cá'maq ỹaano ma'le so'maxare.

Hechos 5:3

Qam so Pedro 'naaco': —Ananías, ¿chi'neco' ma' inoxono' so na'ỹaapec cañi re'taxanata'e' quiyim ỹo'uet quiyim na'majñitot so Espíritu Santo, ca sectaqchirigui aca laseuete so na'lauahi?

Hechos 8:22

Lachi' dajo se no'uen caqami', ca repaquira'a, shiila'e' ñi qota'olec, sha'apiguito' sqai caapeguem dá'maq ra'deenataxanaxaqui' hueetagui añi re'taxanata'e'.

Hebreos 4:13

Qaica quet cá'maq ishit nañoxotetegueñi quiñi qota'a quená'maq lo'ueenatqaipi ñi'maxare. Ma' ná'ogue na'maxare re'qoota chaqai ỹanetec nqai'en ñí'maq ra'iitalec na'maxare, ñí'maq 'ue ca na'xa'a, ca ñachaataxau'a quiyim sa'xataq ca qaro'ueenataxanaxac.

Apocalipsis 2:23

Chaqai salauat ma'le ná'ogue na llaalqaipi, qaiyi ỹa'den ma'le ná'ogue ná'maq mashic icoñiguit da na'qaatec quiyim ỹim sa'den ná'maq qoỹoqochi'ña na'deenataxanaxac chaqai da namaanaxanqachic, chaqai quiñi 'óna caqamiri icoñiguit ma'le cá'maq laseue' cá'maq ỹo'ueetetac.