Marcos 2:7 - La'qaatqa ñi qota'olec Qota'olec & Qota'olec Novita Na Qomyipi

⁷ “¿Chi'neco' dá'maq la'qaatec da ỹale? Ma' napaqueteguelec ñi qota'olec, ma' qaica ca ishit ỹapalaxat ca nasauaxaset, qaiñiita ñi'maxare.”

Marcos 2:7 Iomraidhean Croise

Job 14:4

Qaica quet cá'maq ishit ñigui co'teeta nqai'en ca napio'o.

Salmos 130:4

Qam qami', ca' sqai quirapeguem na nasauaxaset, ca' semaqachinaq qami'.

Isaías 43:25

Qam ỹim, ma' ỹim qota'olec caqami', ca' sapalaxat na se no'uen 'viichi'sac, chaqai tot so'leente ná'ogue na rasauaxashichi'.

Mateo 26:65

Co'na'le, ca' so lashi na netaxaỹaxanqajanqaipi nasectaxata'ahi saua loho. Dajo netanec quiyim chalego lauel. Ca 'naaco': —Dajo ỹale napaqueteguelec ñi qota'olec quenaua la'qaatqa. ¿Negue' quet ca liỹa qom souenaq quiyim ra'qaataxan? Ma' qamiri ỹaatqajam 'xaichigui dá'maq la'qaatec quiyim napaqueteguelec ñi qota'olec.

Mateo 9:3

Ca 'vio' saua ỹalequesaho quesaua rapaxaguinataxansa'pegue na naqataxaquipi chicqo'ot so Moisés, 'uo' da la'deenataxanaxague' 'neetasa': “Dajo ỹale napaqueteguelec ñi qota'olec quenaua la'qaatqa.”

Marcos 14:64

Ma' ỹaatqajam 'xaichigui da'maxare quiyim napaqueteguelec ñi qota'olec quenaua la'qaatqa. ¿Negue' cá'maq qohinta'gue da'maxare? Ca sá'ogue nemaashiguim quiyim qaỹalauat so'maxare.

Marcos 2:6

Qam 'vio' saua ỹalequesaho quená'maq rapaxaguinataxanta'pegue na naqataxaquipi, nqa'xansañi, ra'deenataxanta'pe, 'neraco':

Marcos 2:8

Qam só'maq Jesús chaqa'ma' ỹa'den dá'maq la'deenataxanaxague' saua'maxare, ca 'naaco': —¿Chi'negue ma' 'ñiita'gue dajo, da ra'deenataxanaxaguii?

Lucas 5:21

Ca ná'maq rapaxaguinataxanta'pegue na naqataxaquipi chaqai ná'maq ỹalequetaugui na fariseoipi chaqa'ma' ra'deenataxantac, 'naac: —¿Nega'ỹo' dá'maq dajo ỹale? ma' napaqueteguelec ñi qota'olec queda la'qaatec. Ma' sqaica ca ishit ỹapalaxat na nasauaxaseteripi. Chaqaiñiita ñi qota'olec.

Lucas 7:49

Ca' so nalecseripi nqa'xanta'ñi' so Jesús, ca ra'deenataxantac, 'naaco': —¿Nega'ỹo' ñí'maq ñijo ỹale? ma' vire'ta na nasauaxaseteripi ishit quiyim ỹapalaxat.

Juan 10:33

Ca' so judioipi 'naaco': —Qaica quet cá'maq 'em senaqsoq qami' quena qa' quená'ogue ná'maq ỹa'maqachiguiñi 'viichi', ta'ta'a quiyim qami' napaquiralec ñi qota'olec quenaua ra'qaataxahi'. Ma' qami' chaqaiqami' qom, qam chi no'viichiseguelta' quiyim qami' qota'olec.

Juan 10:36

Chaqai no'm ñi qota'olec ỹoỹoote'oga ỹim, ca yilata na 'laua, ca ¿negue' quet cá'maq 'neeta quiyim 'ñiỹac ñapacalec ñi'maxare quiyim shinac ỹim llaalec ñi qota'olec?