Marcos 2:5 - La'qaatqa ñi qota'olec Qota'olec & Qota'olec Novita Na Qomyipi

⁵ Ca so Jesús co'na' iuana da lpi'ỹaxague' saua'maxare, ca 'naaco' queso ralolaxaic: —Qami' ỹaalcolec, nagui qaỹapalaxat ná'ogue na rasauaxashichi'.

Marcos 2:5 Iomraidhean Croise

Génesis 22:12

Ca' so nelaatec piguim le'ec 'naaco' queso'maxare: —Totaxan vite ca 'ñitetegue na noctoqui', ma' mashic sa'den quiyim 'ue da rqolonaxa'e' quiñi qota'olec, ma' qainaatam na qachaalqui', qam sqo lli'rapiguim.

Salmos 103:3

Chaqaiñi ñí'maq sqai caapeguem ná'ogue na se no'uen so'ueetetac, ñí'maq ỹomaterec naua'que naua i'neete',

Isaías 53:11

Ma' ime'uegue dá'ogue dá'maq le'xoric, ca' iuana ma'le aca ncoỹeraxanaxaqui, ca ỹa'maqachigui lauel ma'le ma' ỹa'den. Só'maq qamaxaraic lelaatec ñi qara'gaxala' 'xoic ma'le na ỹosouec qomyipi, ma' i'xat na leualoxonqaishic.

Mateo 9:2

Ca hua'anyi, ca' qaỹodou'a so ỹale se ra'ñiigue, hueetalec so lomala'. Ca co'na' so Jesús iuana da lpi'ỹaxague' saua'maxare, ca 'naaco' queso ralolaxaic: —Na'ñaxachi', ỹaalcolec. Ma' mashic qaỹapalaxat ná'ogue na rasauaxashichi'.

Mateo 9:22

Qam so Jesús naqalgoxoñi, ca ra'ỹo'ot aso 'aalo. Ca 'naaco': —Na'ñaxachi', ỹaalole; mashic vi'relec, ca nagui remi'rec. Ca' queca'maxare, ca chaqa'ma' imeuec.

Mateo 9:5

Ca ¿negue' cá'maq paguec se qalaq quiyim qohinac: “Ná'ogue na rasauaxashichi' qaỹapalaxat”, loqo'm qohinac: “Ne'laxachirishiguim, ca' qui' huo'iriguiri'”?

Marcos 2:6

Qam 'vio' saua ỹalequesaho quená'maq rapaxaguinataxanta'pegue na naqataxaquipi, nqa'xansañi, ra'deenataxanta'pe, 'neraco':

Marcos 5:34

Ca so Jesús 'naaco' caso'maxare: —Qami' ỹaalole, qami' qaromachirec, ma' vi'relec. Ca' nagui, ca' qui', qaica ca huapigui qavilli', mashic remi'rec queso ralolaxa'e'.

Lucas 5:20

Ca' so Jesús co'na' iuana da lpi'ỹaxac so'maxare, ca' 'naapega so ralolaxaic, ca' 'naac: —Qami' nagui ná'ogue na rasauaxashichi' qaỹapalaxat.

Lucas 8:48

Ca' so Jesús 'naapego' aso'maxare: —Ỹaqaỹole, mashic remi'rec nagui, ma' qami' vi'relec. Mo'e', qui', sqaicanqaida nagui caqami'.

Juan 2:25

Se ipaquetaque quiyim 'ue ca ra'qaataxanem so'maxare quedá'maq 'neeta ná'maq qomyipi, ma' so'maxare ỹa'den ná'ogue na la'deenataxanaxac na qomyipi.

Juan 5:14

Co'na' ime, ca' so Jesús iuanejlec so ỹale caso no'ueenaxanaxaqui, ca 'naapego': —'Ajñi', nagui mashic remi'rec qami', ca tot liỹa vite ca rasauaxashichi', qaiyi sqai paguec lecaic ca ralolaxa'e'.

Hechos 11:23

Ca co'na' ỹovi' so Bernabé, ca' iuana quiyim ñi qota'olec ỹaanem da la'maxa so qomyipi, ca so'maxare qai'neeta 'xoic da netoonaxac. Ca' qata sá'ogue so'maxare quiyim sqai ỹaxanñi ỹa'deentapega ñi qara'gaxala' Jesús.

Hechos 14:9

So ỹale na'xaỹaxantapego' da ỹa'xatetac so Pablo. Ca' so Pablo idaana'a so'maxare, ca iuana so ỹale quiyim 'ue da lpi'ỹaxac, ca ishiteta imeuec.

Hechos 5:31

Qam ñi qota'olec ỹaueguegue da piguim, ca ỹana'gue da loic, chaqai ỹanagui quiyim nashi chaqai nca'laxaqui. Ma' ñi'maxare ỹahotaque ledaaqa' quiyim netacocha, ca ỹalate' naua lanatqa na Israel laseripi, qaiyi qaỹapalaxate' naua lasauaxasete'.

1 Corintios 11:30

Ca' chaqaida dá'maq 'neeta quiyim caqamiri 'xoic na ralolaxaic chaqai na sqaica ca la'ñaxac, chaqai 'ue na mashic sou.

2 Corintios 2:10

Ca' nagui cá'maq palaxachii ca lasauaxaset, ỹim qai'neeta sapalaxat ca lasauaxaset. Ma' cá'maq se'xoren quiyim 'ue ca ỹasauaxat, qam se'xoren, ma' sa'deentapegalo qamiri, ca da'maxare ỹauanchigui nqaishin so Cristo,

Efesios 2:8

Ma' quedá'maq le'xorenataxanaxa ñi qota'a, ca' nca'lerec qamiri, chicqochigui da rpi'ỹaxaguii. Qam dajo sqai qamiri chi ro'ueenachiguii, ta'ta'a quiyim chaqai ỹaanema qamiri ñi qota'a.

Colosenses 3:13

Chaqai ỹaatqajam 'ue da reualaxaviguii queca riỹahi, chaqai sqai caapeguem no'm 'ue ca se no'uen qohine'tegue queca liỹa. Ca dá'maq 'ne'tegue so Cristo quiyim i'xorene' qamiri, ca' chaqaida 'ñii'tegue qamiri qai'neeta.

Santiago 5:15

Ca no'm ỹaatqajam 'ue da lpi'ỹaxac ma' nqouagaxain, ca' da nqouagaxainaxac ỹomatec ca ralolaxaic, ca' ñi qara'gaxala' nachaalataxanñi. Chaqai no'm 'ue ca lasauaxaset ca'maxare, ca' qaỹapalaxat.