Marcos 2:13 - La'qaatqa ñi qota'olec Qota'olec & Qota'olec Novita Na Qomyipi

¹³ Ca co'na' ime dajo, ca' so Jesús lotqai liỹa quepegue' yi lahi aso latogot late'ogue'. Ca co'na' sá'ogue so qomyipi nqo'neu'a so'maxare, ca' ỹapaxaguin.

Marcos 2:13 Iomraidhean Croise

Mateo 13:1

Ca' sojo na'xa'a, ca' so Jesús ca'e yi na'a', ca quepegue' aso latogot late'ogue', ca nqa'xanñi quena lahi.

Mateo 9:9

Ca so Jesús co'na' eec, ca iuane'ta so ỹale leenaxat Mateo nqa'xantañi, neetaugui so lo'ueenataxanaxaqui quiyim icona'piguit ana nishiuete so nashi quiyi Roma. Ca 'naaco': —Quitegue aỹim. Ca' so Mateo ne'laxashiguim, ca' quegue so Jesús.

Marcos 1:45

Qam co'na' eec so ỹale, ca chaqa'ma' ra'qaataxano' quedá'ogue dá'maq 'neeto' na'le. Ca' vichiguiño' so Jesús tot ishit quiyim nachaxanta quiyim inoxoneu'a canchaqaica na'a'. Ta'ta'a quiyim taauec quena hua'ñi na qaica qom, qam chicqote'ogalo na qom na'ỹa'a so'maxare.

Marcos 10:1

Ca' so Jesús ca'e yi Capernaum, ca' quepegue' yi 'laua leenaxat Judea chaqai yi 'laua pa'ỹa'gue da lqodoigue caso lachiugue Jordán. Ca' quiyi, ca' so qomyipi lotqai lapoỹau'a yí'maq hueeta'ñi so'maxare. Ma' chi no'ueenataxac, ca lotqai rapaxaguinataxantac.

Marcos 2:2

Ca cha'ma' 'xoic so lapoỹata' qomyipi, chi ỹovireta'a quiyim qaica ca ledaaqa' ñi lasom ñi 'imec. Qam so'maxare ỹa'xatetac da la'qaatec ñi qota'olec.

Marcos 4:1

So Jesús liỹa rapaxaguinataxan queda lahi aso latogot late'ogue', ca 'xoic so qomyipi lapoỹau'a yí'maq hueete'e so'maxare. Qam mashic paguec 'xoic, ca' so Jesús renojñigui aso qom lahi' huaxaỹaqse, ca' nqa'xanñi, ca' so qomyipi no'ueeno'ot so lemanaxa.

Lucas 19:48

Qam se qaỹanata cá'maq qohine'tegue, ma' sá'ogue só'maq qomyipi ỹaatqajam i'maqatam, na'xaỹaxantapega.

Lucas 21:38

Ca ná'ogue na qomyipi o'teetau'a quiyi nete'etam aso no'ueenaxanaxaqui late'ogue', ỹahotaque na'xaỹaxana so'maxare.