Marcos 2:12 - La'qaatqa ñi qota'olec Qota'olec & Qota'olec Novita Na Qomyipi

¹² Ca chaqa'ma' ne'laxashiguim so ralolaxaic, inanta' so lacanec. Ca' ca'e yí'maq hueeta'ñi, ca sá'ogue so qomyipi chi ra'i'tegue. Ca' quedajo, ca sá'ogue 'xoic da le'laxa. Ca' imaqachintac ñi qota'olec, 'naaco': —Se ỹauanapega 'ue ca seuanqachigui 'nejem dajo.

Marcos 2:12 Iomraidhean Croise

Mateo 12:23

Ca' ỹaatqajam 'ue da le'laxa so qomyipi, ca 'naac: —¿Peeta'a chaqaido' dajo da llaalec so nashi David?

Mateo 15:31

Vire'ta quiyim na qomyipi 'ue na le'laxa quena' iuana retaqa ná'maq qaicaua naua la'qaatqa, ná'maq qaica na lqai'laxat naloochiriñi naua lqai'laqate', ná'maq chisaq qauaata, chaqai ná'maq qai'laq liỹa neuanñi. Ca' quiyi, ca' qaimaqachintac ñi qota'a ñí'maq huelec ná'maq llaalqaipi so Israel.

Mateo 9:33

Ca co'na' so Jesús ỹo'daauec so le'ec lecmaxaic, ca só'maq qaicaua caua la'qaatqa chaqa'ma' retaqa. Ca' so qomyipi i'laq, ca 'naaco': —Se ỹauanapega quiyim 'ue quet ca seuanaxa quena Israel 'nejem dajo.

Mateo 9:8

Ca' so qomyipi co'na' iuanchigui dajo, ca 'ue da lqolonaxa. Ca' imaqachintac ñi qota'olec ma' ỹaaneco' da lquesaxanaxa quena qomyipi.

Marcos 1:27

Ca sá'ogue so qomyipi no'daxatec. Ca' chi nenatetecta': —¿Negue' cá'maq 'neeto' dajo? ¿Nega'ỹo' dá'maq dalaxaic napaxaguinataxanaxac? ¡Dajo ỹale 'ue da lquesaxanaxa quiyim ilarec vire'ta na ne'ec lecmaxaic, chaqai na'maxare na'xaỹaxane'ta da'maxare!

Marcos 2:11

—Shinapega qami' nagui, ne'laxachirishiguim, nañireta' na qacanqui', ca' quirepegue' ca ra'aachi'.

Lucas 13:13

Ca' ỹashil-lec queda lqai'laxat aso'maxare, ca chaqa'ma' nalamaxajñi, ca' imaqachintac ñi qota'olec.

Lucas 17:15

Ca so 'óna queso qomyipi co'na' iuana quiyim mashic imeuec na loshicmaxa, ca' pil, ỹaantacot da na'aachicyaxac ñi qota'olec, ỹaatqajam ỹaualqatari'.

Lucas 5:26

Ca' sá'ogue so qomyipi ỹaatqajam 'ue da le'laxa, chaqai qaimaqachintac ñi qota'a, chaqai ỹaatqajam 'ue da lqolonaxa. Ca' 'naaco': —Quena na'xa'a ỹaatqajam sqaica 'nejem da lecaic da seuanqachigui.

Lucas 7:16

Ca co'na' qaỹauanchigui dajo, ca sá'ogue so qomyipi ỹaatqajam 'uo' da lqolonaxa. Ca imaqachintac ñi qota'a, 'naaco': —'Uo' so chalego lecaic so la'qaataxanqajnec ñi qota'a chicqochiguinguilo qomi'. Chaqai qohine'tegueyi da na'qaatec: —Ñi qota'olec novi', ỹahotaque quiyim ỹotauan ná'maq lalamqateripi.

Juan 7:31

Qam 'xoico' ná'maq huelec so'maxare, ca 'naaco': —Ma' novi' cá'maq nashi nca'laxaqui, ca ¿peeta'a paguec ma'le cá'maq netanqaipi se qaiuanapega quedá'maq dajo ỹale?

Juan 9:32

Ma' ỹaatqajam se ỹauanapega quiyim 'ue quet ca qara'xaiguelec quiyim liỹa nauanñi nqai'en ca qom quiyim naca'ogue' quiyim qai'laq.

Hechos 4:21

Ca' so nashillipi ỹaatqajam ỹadeneguelgoto, qam qaỹosoorec. Se qaỹa'den cá'maq qohine'tegue quiyim qaỹouaxane', ma' sá'ogue so qomyipi imaqachintac ñi qota'a quedá'maq 'neeta so qaỹo'uet.