Marcos 2:1 - La'qaatqa ñi qota'olec Qota'olec & Qota'olec Novita Na Qomyipi

¹ Ca co'na' ỹore'ueguelo saua na'xata', ca' so Jesús liỹa inoxonougui yi na'a' Capernaum, ca qara'xaiguelec so'maxare quiyim hueete'e ca la'a'.

Marcos 2:1 Iomraidhean Croise

Mateo 4:13

Qam sqai na'ñi yi Nazaret. Ta'ta'a quiyim quepegue' yi Capernaum, ca' na'ñi yijo na'a' na'ñi na lahi aso latogot late'ogue', neeto'ot na lahi yi 'laua Zabulón chaqai yi Neftalí.

Mateo 9:1

Ca' so Jesús renojñigui aso qom lahi' huaxaỹaqse, ca taita'gue da liỹa lemanaxa aso latogot late'ogue', ca ỹovijta'a yí'maq chi lalamaxat la'a'.

Marcos 1:45

Qam co'na' eec so ỹale, ca chaqa'ma' ra'qaataxano' quedá'ogue dá'maq 'neeto' na'le. Ca' vichiguiño' so Jesús tot ishit quiyim nachaxanta quiyim inoxoneu'a canchaqaica na'a'. Ta'ta'a quiyim taauec quena hua'ñi na qaica qom, qam chicqote'ogalo na qom na'ỹa'a so'maxare.

Marcos 2:2

Ca cha'ma' 'xoic so lapoỹata' qomyipi, chi ỹovireta'a quiyim qaica ca ledaaqa' ñi lasom ñi 'imec. Qam so'maxare ỹa'xatetac da la'qaatec ñi qota'olec.

Marcos 3:20

Ca lotqai liỹa lapoỹaho so 'xoic qomyipi, vire'ta ca' se ỹa'maxañi quiyim qui'ỹe'.

Marcos 7:17

Ca co'na' so Jesús ca'e so qomyipi, ca inoxonougui so 'imec. Ca' saua lapaxaguinatqa inatesac so'maxare negue' cá'maq reloqo'tegue só'maq qaraloqojnaxantapega.

Marcos 7:24

Ca' so Jesús ca'e yí'maq hueeta'ñi, ca quepegue' yi 'laua Tiro chaqai yi Sidón. Ca quepegue' ca 'imec, chaqai ỹahotaque quiyim qaica ca ỹa'den so'maxare, qam se ishit nañoxojñi.

Marcos 9:28

Co'na'le, ca' so Jesús inoxonougui ca 'imec. Ca' saua lapaxaguinatqa ỹoỹooteterec so'maxare, ca inate', 'neraco': —¿Chi'negue ma' qomi' se seshitaq so'daqauec so ne'ec lecmaxaic?

Lucas 4:23

Ca' so Jesús 'naaco': —Qamiri re'qoota quiyim dohilec aỹim ma'le da na'qaatec quen 'neeta: “Qami' natarenataxanaq, chi natariñiralta'.” Chaqai 'ñiỹac ma'le caỹim: “Ná'maq sa'xaiqateguelec quiyim 'viichi'sac quiyi Capernaum, 'viichi'o' nagui quiyim hua'ñi na ralamaxarichi' na'laua'e'.”

Lucas 5:18

Ca' novirero' saua ỹale' notaansagui so lacanec so liỹa', ma' se ra'ñiigue. Ca' ỹahosaque inoxonaqtero queso 'imec quiyim qaỹodou'a so Jesús.

Juan 4:47

Sojo ỹale co'na' 'xaiguelec so Jesús quiyim chicqota'gue da Judea novita yi Galilea, ca quepegue' quiyim retaxaỹa'pegue'. Co'na'le, ca ne'xoresene'tot quiyim quepegue' ca la'a', qaiyi imeuec nqai'en ca llaalec mashic ileuetac.

Hechos 2:6

Ca' so qomyipi co'na' 'xaỹaque so lelamaxa, ca chaqa'ma' eec, lapoouo. Ca co'na' 'xaỹalo naua chi lalamqate' la'qaatqa quiyim qaỹa'xate', ca' se ỹa'den ca 'ne'tegue ca la'deenataxanaxac.