Marcos 16:2 - La'qaatqa ñi qota'olec Qota'olec & Qota'olec Novita Na Qomyipi

² Qam ñaq nete'eto' na'le queso 'auaxaic na'xa'a no'ueenataxanaxaqui mashic nenoxonshiguim aso ra'aasa co'na' ỹovirere'oga aso lahi'.

Marcos 16:2 Iomraidhean Croise

Daniel 6:19

Ca ỹaatqajam chi richilecna, ca ne'laxashiguim, ca' quepegue' añi tema hueeta'ñigui so sauaxaic leta'allipi.

Mateo 28:1

Ca co'na' ỹoxe'uegue so na'xa'a co'mataxaqui, chaqai mashic sham richiguiñi quesó'maq 'auaxaic na'xa'a quenaua no'ueenataxanaxaqui', ca' aso María lase yi Magdala chaqai aso liỹa María que' ra'ajnaxanda'a aso lahi' so Jesús.

Marcos 16:1

Ca co'na' ime'uegue so na'xa'a co'mataxaqui, ca' aso María, lase yi Magdala, chaqai aso liỹa María, late'e so Jacobo, chaqai aso Salomé, saua'maxare rishiujnaxandaque so coraxat lo'daxaraic lahita, ca' querepegue' ỹahosaque ỹocorrelec so Jesús.

Marcos 16:3

Co'na'le, ca retaqatecta', 'neraco': —¿Nega'ỹo' cá'maq naqat ma'le ñí'maq qa' lapooque' añi lahi'?

Lucas 24:1

Ca co'na' nete'etam queso 'auaxaic na'xa'a no'ueenataxanaxaqui, ca so 'aallipi quepegue' aso lahi', qai'xatete' saua corqate' mashic qaỹa'maxatesañi. Chaqai 'uo' so liỹa 'aallipi coỹaataxan.

Juan 20:1

Ca' quesó'maq 'auaxaic na'xa'a quenaua na'xata' no'ueenataxanaxaqui', ca aso Magdala lase leenaxat María, o'teeta'oga aso napal lahi' na' llaq napaltañi, ca iuane'ta quiyim qanaqat so lapooque' aso napal lahi'.