Marcos 16:1 - La'qaatqa ñi qota'olec Qota'olec & Qota'olec Novita Na Qomyipi

¹ Ca co'na' ime'uegue so na'xa'a co'mataxaqui, ca' aso María, lase yi Magdala, chaqai aso liỹa María, late'e so Jacobo, chaqai aso Salomé, saua'maxare rishiujnaxandaque so coraxat lo'daxaraic lahita, ca' querepegue' ỹahosaque ỹocorrelec so Jesús.

Marcos 16:1 Iomraidhean Croise

Génesis 50:2

Ca na' ime, ca' ila' so natarenataxanaripi só'maq chi lelaatqaipi quiyim ỹocorigui, qaiyi ỹashiviaxat so loshicmaxa so leta'a Israel. Ca' chaqaida qohine'tegue so'maxare.

Marcos 14:3

So Jesús neeta'ñi yi Betania, quiyi la'a' so Simón só'maq qaỹamata'gue rishiita na loshicmaxa. Ca co'na' so Jesús ñaq nqa'xantañi reloqotalec so nqui'ỹaxala', ca noviro' aso 'aalo no'qoota'a aso coraxat lahi' leenaxat alabastro, no'qaachigui quena coraxat leenaxat nardo. Na'maxare ỹaatqajam 'xoic lesega'a. Ca aso'maxare ỹopoxoỹaxachigui aso coraxat lahi', ca ỹocorelec na lqahic so Jesús.

Marcos 14:8

Dajo 'aalo ỹo'uet dá'maq ishit. Ada'maxare mashic ỹocorelec na ỹoshicmaxa queso coraxat ma' saqa' ỹovita quiyim qayishinñi.

Marcos 15:40

Qai'neeta 'vio' saua 'aalo qoỹorete'ogalo ra'iisau'a so'maxare. Quesaua'maxare ỹalequetauguilo' aso María Magdala lase, chaqai aso Salomé, chaqai aso liỹa María, late'e' so Jacobo só'maq paguec na'aasa chaqai so José.

Marcos 15:42

Ca co'na' mashic pe queso na'xa'a 'maqataxaqui, ma' quesó'maq liỹa na'xa'a, ca' co'mataxaqui.

Marcos 15:47

Ca' aso María Magdala lase, chaqai aso liỹa María late'e so José, saua'maxare ỹaatqajam iuanchirigui ca qailla'ñi so Jesús.

Marcos 16:2

Qam ñaq nete'eto' na'le queso 'auaxaic na'xa'a no'ueenataxanaxaqui mashic nenoxonshiguim aso ra'aasa co'na' ỹovirere'oga aso lahi'.

Marcos 16:8

Co'na'le, ca' saua 'aalo que', reloqorec caso napal lahi', ca' 'eete', ma' ỹaatqajam i'loxole' queda lqolonqa'. Qaica ca ra'qaataxanta, ma' ỹaatqajam no'chi'.

Lucas 23:54

Ca' sojo na'xa'a chaqaiso' so na'xa'a 'maqataxaqui quiyim qana'maxateta'guit so liỹa na'xa'a co'mataxaqui ma' sham noviro.

Lucas 23:56

Ca co'na' pilda'alo naua la'aate', ca ỹa'maxachiñi so coraxat lo'daxaraic lahita. Ca' nco'materec queso na'xa'a co'mataxaqui, ipacqajanchirigui da nelaataxanaxac.

Lucas 24:1

Ca co'na' nete'etam queso 'auaxaic na'xa'a no'ueenataxanaxaqui, ca so 'aallipi quepegue' aso lahi', qai'xatete' saua corqate' mashic qaỹa'maxatesañi. Chaqai 'uo' so liỹa 'aallipi coỹaataxan.

Juan 19:25

Yí'maq neeta'ñi so npatenaxala' so Jesús, ca hueete'e aso late'e, chaqai aso lqaỹa aso late'e, chaqai aso María, loua so Cleofas, chaqai aso María, Magdala lase.

Juan 19:31

So lpa'axaua na'xa'a vigui quena' qaỹo'leente so na'xa'a quena' qoyique'e yi Egipto, ca' so judioipi se ỹa'maxaren quiyim saua qomi' neesagui saua npatenaxalate' queso na'xa'a co'mataxaqui. Ma' sojo na'xa'a co'mataxaqui ỹaatqajam qaỹoden. Ca vichiguiño' qaỹashiila so Pilato quiyim relaataxanlgoto quiyim qaỹaqaguite' naua lichil sauá'maq npatensaho, chaqai qanaqachiñi quesauá'maq npatenaxalate'.