Marcos 13:8 - La'qaatqa ñi qota'olec Qota'olec & Qota'olec Novita Na Qomyipi

⁸ Ma' na ỹoreta'oguit qomyipi nco'ỹata' ma'le, chaqai na nashi ỹo'uet ca lauataq queca liỹa nashi, chaqai 'xoic na hua'ñi quiyim i'loxol na 'laua, chaqai 'ue ma'le ca nqopaaxa, chaqai 'xoic da ne'laxa. Qam dá'ogue dajo chaqai chicqochi'ñi cá'maq 'neeta ma'le ca ne'xoric.

Marcos 13:8 Iomraidhean Croise

Hageo 2:22

ñaqaguijñi ma'le da lquesaxanaxa ná'maq nashillipi ỹoiquentac na 'laua, ñinaxañi quena 'laua na nqa'xanaxaquiripi, samaxañi na lahoglenaipi nalauataxaqui chaqai ná'maq neetañigui, chaqai ileu liỹaata'ñi' ná'maq neetalec shipiguiripi, quiñi 'óna ileu qaica'laxatauec queca lecat quecá'maq chi lqaỹa.

Zacarías 14:13

Quecajo na'xa'a, ca ñi qara'gaxala' 'xoic nqai'en ca lqolonaxa. Ca' chaqai taỹata' nco'ỹata' ma'le.

Mateo 24:8

Ca ná'ogue najo chi la'auaxanec quecá'maq ỹaatqajam ne'xoric ma'le.

Marcos 13:7

Qam noma' 'ue ca ra'xaỹaxaguii queca lauataq quenajo, chaqai quedajo totaxan ro'chii, ma' chaqaida 'neeta ma'le; qam saqa' novi' cá'maq nqodoc.

Marcos 13:9

Qam chi ncochiỹalta' qamiri, ma' qoỹaaneu'alo qamiri ma'le na nashillipi, chaqai huaugui ma'le ana lapoxoqui na judioipi, ca qaỹouaxanta'pe qamiri. Vire'ta qaraviguiu'a ma'le na nashillipi neloxoỹaripi quena qom chaqai ná'maq lashi na nashillipi sovitapigui aỹim. Ca' quiyi, ca' shichii 'xachii aỹim quena'maxare.

Hechos 11:28

Quesaua'maxare 'uo' so ỹale leenaxat Agabo, nachajñi, qailligui lauel queso Espíritu Santo quiyim ỹa'xata'guit naata so ỹaatqajam lodegaxat nqopaaxa. Qam llic, ma' dajo ỹovirelec quiyim ipaquichigui na' neetaho so nashi quiyi Roma, leenaxat Claudio.

1 Tesalonicenses 5:3

Ma' na qomyipi 'ne'teguesa' da la'qaatec: “Quená'ogue sqaicanqaida chaqai sqaica ca qaỹouetaque”, ca' novita ma'le ca nouaxanaxaset chalego lecaic chi ne'laqataxanto, 'nejem ca nqui'ic caca 'aalo quiyim ỹovita ca laloqo' quiyim co'o. Ca' qaica ca qohit.

Apocalipsis 6:4

Ca nenoxonec so liỹa shipgaq letogaxaic. Ca só'maq neetalec so'maxare qoỹaanem da lquesaxanaxa quiyim rouootaxana'gue da neuagaxa quena 'laua, chaqai ỹo'uet quiyim na qomyipi nalauajta'. Ca so'maxare qoỹaanem so lecat lodegaxat.