Marcos 12:2 - La'qaatqa ñi qota'olec Qota'olec & Qota'olec Novita Na Qomyipi

² Ca co'na' ỹovita ca laloqo' quiyim qanaqat ana la, ca ỹa'uo' so ila' lelaatec, ca rashiilaxanegue quiyim qaỹoỹoote'oga cá'maq taỹot só'maq lanaxanqa'.

Marcos 12:2 Iomraidhean Croise

2 Reyes 17:13

Ma' ñi qara'gaxala' shi'gue ichoxot, ỹachigoxochichigui na'le so letaxaỹaxaquiripi chaqai so 'vii naua leuanaxanaxaco, quiyim na llaalqaipi so Israel ỹaxañiñi naua se no'viiñi no'ueenataxaco, ca' quelgoto naua laqataxaco, lapaxaguinataxanaxaco ỹaanema saua 'auaxaqa qareta'al, chicqochigui nqai'en so lelaatqaipi letaxaỹaxaquiripi.

Esdras 9:11

quedá'maq laataxañirelec na'le coqomi' quesaua retaxaỹaxaquichi' sauá'maq relaataxahi'. Vite na'le da raqataxaqui' coqomi' quiyim quená'maq 'laua senoxonaxau'a quiyim senqalec, ỹaatqajam se no'uen sauaxat na se no'uen ỹo'ueetetac na qomyipi quena'maxare. Quedá'maq sqaica nqo'ta lanatec mashic no'xataxajlec quená'maq ỹo'ueetetac se no'uen.

Salmos 1:3

Cajo qom 'ec aca qo'paq neeto'ot na lahi aca lachiugue, ca' se napacalec yi laloqo' quiyim 'ue aca la chaqai se ỹaso ana laue. ¡Chaqai quená'ogue ná'maq ỹo'uet ỹaatqajam ỹa'maqachiguiñi!

Jeremías 44:4

Mashic ỹoto'o' sopilalec sela' na ilaatqaipi quiyim 'naapegalo qamiri quiyim totqai 'viichii dá'maq yaqaica'a, tot yalo'guit dá'maq 'ñiitari'.

Mateo 21:34

Ca co'na' ỹovita ca laloqo' quiyim qanaqat ana la so lanecse 'úva, ca' 'vii saua nelate' lelaatqa quiyim rashiilaxantegue cá'maq taalec quet cá'maq ỹaatqajam lanecse.

Marcos 12:1

Co'na'le, ca' so Jesús ra'qaataxanem so qomyipi, qam ỹahote'e na laloqojnaxanaxat. Ca 'naaco': —'Uo' na'le so ỹale ỹanñi so lanaxanqa' uva loma'. Ime, ca' ỹapou'a chaqai ỹo'uet aso lapoonaxanaxaqui quiyim qanelam na li'i ana uva, chaqai aso ladocai na'ajnaxanaxalate quiyim qaỹa'ajan sá'ogue so'maxare. Ca' ỹanalec so lanaxanqa' so 'ueenataxanaxairipi. Ca' eec, qoỹoqo'tegue ca taigue.

Marcos 12:3

Qam saua'maxare icondelec, ca ỹouaxansac, ca' ilate', qam qaica ca qoỹaanem.

Lucas 12:48

Qam ca nelaatec quiyim se ỹa'den ca ỹahotaque ca na'co', ca' ỹo'uet ca chicqaugui ca nouaxanaxaset, ca sqailligueme' ca nouaxanaxaset. Ma' ca 'xoic ca qoỹaanem, ca 'xoic ma'le ca qaroỹaxanaque, chaqai ca 'xoic ca qaipataxalec, ca paguec lecaic ca qaroỹaxanaque.

Lucas 20:10

Ca co'na' ỹovita ca laloqo' quiyim qanaqat ana la, ca ila'o' so lelaatec quiyim rashiilaxanegue quiyim qaỹoỹoote'oga cá'maq taalec so'maxare queso no'ueenataxanyipi. Qam so qomyipi ỹouaxantaco' so nelaatec. Ime, ca' ila', qam qaica ca ỹaanem.

Hebreos 1:1

Queso 'auaxaic ñaxaripi ñi qota'a 'xoico' quen da letaxaỹaxac queso 'auaxaic qareta'allipi, qam ỹoreta'oguit na leloxoỹaxaquipi nqai'en quena' retaqa nqai'en so letaxaỹaxaquiripi.