Marcos 12:1 - La'qaatqa ñi qota'olec Qota'olec & Qota'olec Novita Na Qomyipi

¹ Co'na'le, ca' so Jesús ra'qaataxanem so qomyipi, qam ỹahote'e na laloqojnaxanaxat. Ca 'naaco': —'Uo' na'le so ỹale ỹanñi so lanaxanqa' uva loma'. Ime, ca' ỹapou'a chaqai ỹo'uet aso lapoonaxanaxaqui quiyim qanelam na li'i ana uva, chaqai aso ladocai na'ajnaxanaxalate quiyim qaỹa'ajan sá'ogue so'maxare. Ca' ỹanalec so lanaxanqa' so 'ueenataxanaxairipi. Ca' eec, qoỹoqo'tegue ca taigue.

Marcos 12:1 Iomraidhean Croise

Mateo 13:3

Ca' so Jesús ỹaatqajam 'xoic na lapaxaguinataxanaxac, qam ỹahote'e na laloqojnaxanaxaqui, 'naaco': —'Uo' na'le so ỹale danaxan, ỹanñi aso lanecse ala.

Mateo 21:28

Ca' so Jesús 'naaco': —¿Negue' cá'maq 'neeta ca ra'deenataxanaxaguii quedajo sa'xat? 'Neetasa': 'Óno' so ỹale dooso' saua llaalqa. Ca 'óno' so 'naapega quesaua'maxare: “Qami' ỹaalec, qui' nagui qataxañi' cayi ỹanecse 'úva.”

Mateo 21:33

Ñaq na'xaỹaxañiỹa dajo liỹa ỹaloqojnaxanaxaqui 'neetasa': So ỹale 'uo' so na'laua, ca' ỹanlec cana 'úva. Ca ỹapou'a chaqai ỹo'uet aso lahi' na li'i quiyim qanelam aso'maxare, chaqai aso na'ajnaxanaxalate ladocai, qaiyi yá'ogue re'qojlec. Ime, ca so ỹale 'vio' saua ỹa'ualaxanaxan so 'ueenataxanaxairipi queso na'laua. Ca' eec.

Mateo 21:34

Ca co'na' ỹovita ca laloqo' quiyim qanaqat ana la so lanecse 'úva, ca' 'vii saua nelate' lelaatqa quiyim rashiilaxantegue cá'maq taalec quet cá'maq ỹaatqajam lanecse.

Mateo 25:14

Dajo lo'ueenataxanaxac ñi qota'a neeta'gue da piguim 'nejem ca ỹale quiyim ma' sham eec quepegue' ca liỹa 'laua. Ca roỹaxanouguilo saua lelaatqa, ca ỹaanema aso lam quiyim ro'ueenataxanyigui.

Marcos 11:33

Ca 'neraco' na'le queso Jesús: —Se sa'deenaq. Ca' so Jesús 'naaco' quesaua'maxare: —Cha'regue ỹim qai'neeta se sechoxot cá'maq yila' quiyim so'uet dajo.

Marcos 13:34

Ma' dajo 'nejem ca qom quiyim eec, qoỹoqo'tegue ca taigue. Qam ma' saqa' reloqouec, ca po'aanalec ca la'a' ca lelaatqaipi. Chaqai ỹaanem ca lo'ueenatec quiñi 'óna. Ime, ca' ila' so lasom lo'o quiyim reloqota'a.

Marcos 3:23

Ca' so Jesús roỹaxanalo' saua'maxare, ca ỹa'uo' so laloqojnaxanaxaqui, 'naaco': —¿Negue' quet cá'maq 'neeta quiyim so na'ỹaapec chi no'daalta'?

Marcos 4:2

Ca 'xoic na ỹapaxaguinegue, qam ỹahote'e na laloqojnaxanaxat. Ca quená'maq lapaxaguinataxanaxac, ca 'naaco' quen:

Lucas 15:13

Ca co'na' saqa' vite' saua na'xata', ca so ñaalec na'aasa imen sá'ogue só'maq chi louenec. Ca' aso laseuete i'xat, quepegue' so liỹa 'laua. Ca' quiyi, ca chi iualaxain aso lam, chaqai nalecqajantaugui na se no'uen da llicyaxac.

Lucas 19:12

Ca' so'maxare 'naaco': —'Uo' so ỹale chicqaugui ná'maq ỹaatqajam 'maxaraiquipi. Ca so'maxare eec, quepegue' ca liỹa 'laua qoỹoqo'ta quiyim qoỹano nashi. Ca' ma' ime, ca rapil.

Lucas 22:9

Ca saua'maxare renataxane', 'nerac: —¿Huá'gue ca vi'saque quiyim sellaqa'gue cá'maq sa'maxatqatañi?

Lucas 8:10

Ca so'maxare 'naaco': —Ñi qota'olec ỹa'deenaxanaxanque qamiri ná'maq se re'xogui leloxoỹaxac da lo'ueenataxanaxac. Qam na liỹaripi sahote'e ỹaloqojnaxanaxat, qaiyi na'maxare quená'maq iuana, qam 'ec se reuanaxan, chaqai 'qaatac, qam se ỹa'den ca 'neeta cá'maq qaỹa'xat.

Hechos 7:38

Chaqaiso so Moisés so ỹalequetaugui so qomyipi na'le quiyi 'laua qaica qom, chaqai ỹalequetaho so chicqashiguim qota'a lelaatec na' retaqa caso qa' ladocai leenaxat Sinaí, chaqai saua 'auaxaqa qareta'al. Ca chaqaiso só'maq ỹacoñiguit da na'qaatec chicqaugui da nca'laxa, ca ỹoviraqta'ogalo qomi'.