Marcos 11:1 - La'qaatqa ñi qota'olec Qota'olec & Qota'olec Novita Na Qomyipi

¹ Ca co'na' ipalasau'a yi Jerusalén, mashic qaỹovireu'alo saua na'aaterolqai' leenaxate' Betfagé chaqai Betania, naloote'oga ada quemaralec qo'paq olivos loma'. Ca' so Jesús ilate' saua dos lapaxaguinatqa.

Marcos 11:1 Iomraidhean Croise

2 Samuel 15:30

Ca' so David queeto'ot na lahi aso quemaralec ladocai nananaxalate ana 'olivo; ca so'maxare eec, qam qaicaua caua lapelate', chaqai noỹenta'pegue', chaqai ỹapootalec na lqahic queda nqui'ic. Chaqai sá'ogue so liỹaatac qomyipi qai'neeta ỹapootalec na lqahic chaqai noỹenta'pegue'.

Zacarías 14:4

Ca' cajo na'xa'a, ca ñi qara'gaxala' ca' co'uejlec ma'le ada qa' ladocai qaỹamata'gue huaalec ana olivo lashi, adá'maq reloqota'oga yi Jerusalén queda lqodoigue. Queso ca'megue lodegaxat taỹa'gue da lqodoigue chaqai da lauashiguim, ca' shicchigui ma'le na lavinñi ada qa' ladocai huaalec ana olivo lashi. Ca' na lavinñi ada qa' ladocai taigue da rapiguim ma' redaa, chaqai da liỹa lahi, ca' taigue da 'guiñi ma'le.

Mateo 21:17

Co'na'le, ca' ca'ahi saua'maxare, chaqai ca'e yi Jerusalén, ca quepegue' yi na'a' Betania, ca lelaqsoqo' queso pe.

Mateo 24:3

Co'na'le, ca taarishi'megue ada quemaralec ladocai nananqa' ana qo'paq olivos. Ca co'na' so Jesús nqa'xantañi quiyi'maxare, ca' saua lapaxaguinatqa retaxahi', nemootetetot, 'neraco': —Sahoqotaque sa'deenaq lagui ỹovita ca laloqo' dajo. ¿Nega'ỹo' cá'maq netanec quecá'maq roviraxagui'i' chaqai quecá'maq nqodoc?

Mateo 26:30

Ca co'na' ime ỹo'ueensac so no'ueenec, ca querepegue' aso quemaralec late'ogue' nananqa' ana qo'paq olivos.

Marcos 11:2

Ca 'naapegalo': —Quiipegue' na na'a' naloote'ogalo qomi'. Ca ma' viriu'a, ca huañijlec ma'le ca 'ashin, ncoñiretari', saqa'leca nelec. Ca' sohiuec ma'le, ca naviguiuec.

Marcos 13:3

Co'na'le, ca' querepegue' aso quemaralec ladocai loma' ana nanecse leenaxat olivo, yi'maxare naloote'oga añi no'ueenaxanaxaqui. Ca' quiyi co'na' nqa'xantañi so Jesús, ca qanemoote'toto' quiyim qainat quesaua Pedro chaqai Jacobo chaqai so Juan chaqai so Andrés, 'neraco':

Marcos 14:13

Ca 'vio' saua dos ilate' quesaua lapaxaguinatqa, 'naaco': —Quiipegue' yi na'a' lodegaxat Jerusalén. Ca' quiyi, ca huañi'tegue ma'le ca ỹale ri'llivitac. Ca' quiigue ma'le ca'maxare.

Marcos 6:7

Ca co'na'le, ca roỹaxanalo' saua doce lapaxaguinatqa, ca ilate' dooseta'pe nqai'ne', ca ỹaanema da lquesaxanaxa quiyim ỹo'derauec na ne'equipi lecmaxaiquipi.

Juan 8:1

Qam so Jesús taashi'megue aso quemaralec ladocai nananqa' ana qo'paq olivo.

Hechos 1:12

Ca' saua lelaatqa so Jesús co'na' quere'e aso qoỹoqoshi'megue 'laua leenaxat olivo loma', ca pilda'a yi na'a' lodegaxat Jerusalén. Sqoỹoxolec yi louooqote', ma' chaqaiyi yí'maq naloqojnec nouooqo' quiyi na'xa'a co'mataxaqui.