Marcos 10:2 - La'qaatqa ñi qota'olec Qota'olec & Qota'olec Novita Na Qomyipi

² Ca 'vio' saua fariseo nqo'nera'a so Jesús ỹahosaque ỹachi'iñi. Ca inate' so'maxare no'm qaỹa'maxarenta quiyim ca ỹale ỹalat aca loua.

Marcos 10:2 Iomraidhean Croise

Malaquías 2:16

Ñi na'gaxala', ñí'maq qota'olec quena Israel, ñí'maq sqaica lqalanec, 'naac: ¡Ỹaatqajam 'maxachii'tegue da nachaalataxaguii, chaqai 'neeto' se raqamaxahi; ma' ỹim se yqo'ta cá'maq nalachiguit aca loua, ca ma' ỹo'uet dajo, ca' chi napio'xotaalta'!

Mateo 15:12

Ca' saua lapaxaguinatqa so Jesús noquiicra'a so'maxare, ca 'neraco': —¿'Yiiñi' quiyim so fariseoipi ỹaatqajam ro'o na' 'xaỹa da ra'qaachiqui'?

Mateo 16:1

So fariseoipi chaqai so saduceoipi eec ra'ajnaxana so Jesús chaqai quiyim sha'apiguito' 'ue ca chicqochigui nqai'en ca lasauaxaset. Ca' qaỹashiila so'maxare quiyim ỹo'uet ca netanec se qaiuanapega chicqo'ot nqai'en na piguim.

Mateo 19:3

Co'na'le, ca 'vio' saua fariseo nqo'nera'a so Jesús, ma' ỹahosaque ỹachi'iñi. Ca renataxane', 'neraco': —¿Peeta'a ỹa'maqachiguiñi queca qom quiyim ỹalat aca loua quiyim 'ue canchaqaica lasauaxaset?

Mateo 22:35

Ca 'uo' so 'óna napaxaguinataxanaq quena naqataxaquipi ỹalequetaho, ỹahotaque i'guen so Jesús. Ca' inat, 'naaco':

Mateo 23:13

¡Ỹaatqajam 'xoraiqolqa qamiri napaxaguinataxana' quena naqataxaquipi chaqai qamiri fariseoipi, ma' 'ñiitapega qamiri 'maxaraqa! Ma' pohigui ñi lasom da lo'ueenataxanaxac ñi qota'a queda piguim, qaiyi se inoxono na liỹaripi. Chaqai qamiri qai'neeta sqai noxoñiuo, chaqai sqai 'xañiỹac ná'maq ỹahotaque inoxono.

Mateo 9:34

Qam so ỹalequetaugui na fariseoipi 'naaco': —Dajo ỹale ỹo'daauec na ne'ec lecmaxaic, ỹahote'e da lquesaxanaxa só'maq chi lashi na'maxare.

Marcos 10:1

Ca' so Jesús ca'e yi Capernaum, ca' quepegue' yi 'laua leenaxat Judea chaqai yi 'laua pa'ỹa'gue da lqodoigue caso lachiugue Jordán. Ca' quiyi, ca' so qomyipi lotqai lapoỹau'a yí'maq hueeta'ñi so'maxare. Ma' chi no'ueenataxac, ca lotqai rapaxaguinataxantac.

Marcos 10:3

Ca' so Jesús 'naaco' quesaua'maxare: —¿Negue' cá'maq lelaataxanaxac so Moisés na'le caqamiri?

Marcos 8:11

Ca' naco' so fariseoipi, ca retaqata'guit so Jesús, ma' ỹahotaque i'guen. Ca ỹashiila quiyim 'ue ca ỹachaxan quena netanec se qaiuanapega, chicqo'ot nqai'en na piguim.

Marcos 8:15

Ca' so Jesús 'neetapegalo' saua'maxare: —'Neeto', se rovichii'a ana pe'taxachigui na pan hueetaugui na fariseoipi chaqai cayi hueeto'ot ñi Herodes.

Lucas 11:39

Qam so qara'gaxala' 'naaco': —Qamiri fariseoipi, 'auaxañii co'taxachii na pa'aauec cana ne'taxaguii chaqai ca peguet rqui'ỹaxaguii, qam na pa'aauo quena re'taxanatallii ra'ñichigui quena chigoqchiỹaugui da rocataxaguii chaqai ná'ogue na se no'uen.

Lucas 16:14

Ca' 'qaatapega dajo sá'ogue so fariseoipi ma' ỹaatqajam lqo'itaxat da nesallaxa, ca chi i'neetac so Jesús.

Lucas 5:30

Qam so fariseoipi chaqai so liỹaripi só'maq rapaxaguinataxanta'pegue na naqataxaquipi, ca' queeteguelgoto saua nale' so Jesús. Ca' 'neetapegalo: —¿Chi'neco' qamiri ma' rqui'ỹaxauahi ná'maq sauaqhuaiquipi chaqai ná'maq ỹacona'piguit ana nishiuete ca nashi quiyi Roma?

Lucas 6:7

Ca ná'maq rapaxaguinataxanta'pegue na naqataxaquipi chaqai na fariseoipi chi nauaanta'a so Jesús quiyim ratarenataxan queso na'xa'a co'mataxaqui, qaiyi qaishit qaỹa'ue ca qaỹachigoxochichigui ca lasauaxaset.

Lucas 7:30

Qam ná'maq fariseoipi, chaqai ná'maq rapaxaguinataxanta'pegue na naqataxaquipi ná'maq se qanachilaxan queso Juan, se nqo'ta dá'maq sham ỹo'uet ñi qota'olec quesaua'maxare.

Juan 11:47

Ca' so fariseoipi chaqai na lashillipi na netaxaỹaxanqajanqaipi quena' qaretaxaỹa'pegue' ñi qota'a lapooguit so nashillipi ỹo'ueetegueñi na leloxoỹaxaquipi quiyim retaxaỹata' so'maxare. Ca 'naaco': —¿Negue' ca shinqata? Ma' so ỹale ỹaatqajam 'xoic na ỹo'uet netanec se qaiuanapega.

Juan 11:57

Ca' so fariseoipi chaqai so la'gaxala' na netaxaỹaxanqajanqaipi quena' qaretaxaỹa'pegue' ñi qota'a, mashic ỹaanec da la'qaatec quiyim no'm 'ue ca ỹa'den ca hueeta'gue so Jesús, ca qara'qaataxanalo, qaiyi qaiconlec qaicoñi'.

Juan 7:32

Na fariseoipi co'na' 'xaỹa so qomyipi ỹa'xatetac so Jesús, ca so fariseoipi chaqai na lashillipi na netaxaỹaxanqajanqaipi ila' so nouaataxanaq neloxoỹaripi cañi no'ueenaxanaxaqui quiyim coñi' so Jesús.

Juan 7:48

¿Loqo'm 'ue ca mashic huelec so'maxare quena qarashillipi, loqo'm quena fariseoipi?

Juan 8:6

Ca 'naac dajo so qomyipi, ma' ỹahotaque quiyim i'guen so Jesús, qaiyi 'ue ca lligo quiyim 'naac 'ue ca lasauaxaset. Co'na'le, ca so Jesús nqai'guiñi, ca deraxan quena 'laua, ỹahote'e ana napoquena.

1 Corintios 10:9

Chaqai qai'neeta se se'guenqatac so qara'gaxala', 'nejem da 'ne'teco' so 'auaxaic qomyipi quiyim 'uo' na i'guen so'maxare, ca' vichiguiño' 'uo' na ileu quena' qaỹa'ac quena nanaic.