Marcos 10:1 - La'qaatqa ñi qota'olec Qota'olec & Qota'olec Novita Na Qomyipi

¹ Ca' so Jesús ca'e yi Capernaum, ca' quepegue' yi 'laua leenaxat Judea chaqai yi 'laua pa'ỹa'gue da lqodoigue caso lachiugue Jordán. Ca' quiyi, ca' so qomyipi lotqai lapoỹau'a yí'maq hueeta'ñi so'maxare. Ma' chi no'ueenataxac, ca lotqai rapaxaguinataxantac.

Marcos 10:1 Iomraidhean Croise

Eclesiastés 12:9

Ca na' ỹovita quiyim paguec na la'deenec so netaxaỹaq, ca paguec da la'deenec nqai'en na qom. Chaqai qai'neeta quelec quiyim napaxaguina na 'xoic llicyaxac na na'qaatec chaqai nca'ata', ca ỹa'maxachichiguiñi.

Mateo 26:55

Co'na'le, ca' so Jesús 'naaco' queso qomyipi: —¿Chi'neco' ma' viita'ahi na lecaachiri chaqai naua nepoñiri quiyim naguii'oga aỹim mashic 'eco' ỹim cuataxai? Taxanta' naua'que na'xata' ñqa'xantañi quen salequetauguilo qamiri, sapaxaguinataxantac cañi no'ueenaxanaxaqui late'ogue' na'ñi yi Jerusalén, qam se ycoñirii.

Mateo 4:23

Ca' so Jesús ỹouoxontac yá'ogue yi 'laua Galilea quecanchi ỹoviri'ñi, ca lotqai rapaxaguinataxantapougui ana lapoxoqui na judioipi, ỹa'xatetac dá'maq no'uen na'xaỹaxac queda lo'ueenataxanaxac ñi qota'olec ma' ỹoiquentac ná'ogue najo, chaqai ỹomatec ná'maq ỹoreta'oguit ne'ne' hueetaugui na qom.

Marcos 1:21

Ca co'na' ỹovirera'a yi na'a' Capernaum, ca' queso na'xa'a co'mataxaqui, ca' so Jesús inoxonougui añi lapoxoqui na judioipi, ca' rapaxaguinataxan.

Marcos 10:2

Ca 'vio' saua fariseo nqo'nera'a so Jesús ỹahosaque ỹachi'iñi. Ca inate' so'maxare no'm qaỹa'maxarenta quiyim ca ỹale ỹalat aca loua.

Marcos 12:35

Ca so Jesús co'na' rapaxaguinataxantac hueetaugui añi no'ueenaxanaxaqui late'ogue', ca 'naaco': —¿Negue' cá'maq 'neeta quiyim ná'maq rapaxaguinataxanta'pegue na naqataxaquipi 'naac quiyim cá'maq nashi nca'laxaqui naxan llaalec so qarashi David?

Marcos 14:49

Saua'que saua na'xata' quiyim salequetauguilo qamiri, sapaxaguinataxantac cañi no'ueenaxanaxaqui, qam se ycoñiri. Qam dajo 'viichii, qaiyi ipaquichiguilo naua naneresañi la'qaatqa ñi qota'olec.

Marcos 2:13

Ca co'na' ime dajo, ca' so Jesús lotqai liỹa quepegue' yi lahi aso latogot late'ogue'. Ca co'na' sá'ogue so qomyipi nqo'neu'a so'maxare, ca' ỹapaxaguin.

Marcos 4:2

Ca 'xoic na ỹapaxaguinegue, qam ỹahote'e na laloqojnaxanaxat. Ca quená'maq lapaxaguinataxanaxac, ca 'naaco' quen:

Marcos 6:2

Ca co'na' ỹovire'oga so co'mataxaqui na'xa'a, ca rapaxaguinataxan caso lapoxoqui na judioipi. Ca' ỹaatqajam 'xoic so qomyipi quesó'maq na'xaỹaxantac 'xoic da le'laxa. Ca 'naaco' quen: —¿Negue' cá'maq ỹachigoxota'gue dá'ogue dá'maq la'deenaxanaxa da ỹale? ¿Nega'ỹo' dá'maq na'deenaxanaxa qoỹaanem, chaqai ná'maq ỹo'ueetetac se qaiuanapega?

Marcos 6:34

Ca co'na' renotec so Jesús caso lahi', ca' iuane'ta so 'xoic qomyipi. Ca ỹaatqajam 'ue da le'xorenataxanaxa queso qomyipi, ma' 'neetari' aca qagreta quiyim qaica ca neloxoỹaq. Ca queetalec 'xoic na ỹapaxaguinegue.

Marcos 6:6

Ca so Jesús 'uo' da le'laxa, ma' se qoyiuelec. Co'na'le, ca eec, ca' queetaguilo naua na'aaterolqai', ca rapaxaguinataxantac.

Juan 10:40

Co'na'le, ca so Jesús pilegue da lahi aso lachiugue Jordán ca pa'aata'gue da lqodoigue, yí'maq hua'ño' na'le na' rachilaxanataxantac so Juan. Ca' neeta'anyi.

Juan 11:7

Co'na' ime, ca 'naapegalo' saua lapaxaguinatqa: —Liỹa saxague da Judea.

Juan 18:20

Ca' so Jesús 'naaco': —Aỹim ỹaatqajam ñachaxanta quená'ogue na qomyipi quena' setaqa, ca chaqai shintari' quena' sapaxaguinataxan cana lapoxoqui na judioipi chaqai cañi no'ueenaxanaxaqui quena Jerusalén, ñí'maq lapoxoqui ná'ogue na judioipi. Ca' ỹim qaica quet cá'maq ỹa'qaatec soxotetañi.