Marcos 1:21 - La'qaatqa ñi qota'olec Qota'olec & Qota'olec Novita Na Qomyipi

²¹ Ca co'na' ỹovirera'a yi na'a' Capernaum, ca' queso na'xa'a co'mataxaqui, ca' so Jesús inoxonougui añi lapoxoqui na judioipi, ca' rapaxaguinataxan.

Marcos 1:21 Iomraidhean Croise

Mateo 4:13

Qam sqai na'ñi yi Nazaret. Ta'ta'a quiyim quepegue' yi Capernaum, ca' na'ñi yijo na'a' na'ñi na lahi aso latogot late'ogue', neeto'ot na lahi yi 'laua Zabulón chaqai yi Neftalí.

Mateo 4:23

Ca' so Jesús ỹouoxontac yá'ogue yi 'laua Galilea quecanchi ỹoviri'ñi, ca lotqai rapaxaguinataxantapougui ana lapoxoqui na judioipi, ỹa'xatetac dá'maq no'uen na'xaỹaxac queda lo'ueenataxanaxac ñi qota'olec ma' ỹoiquentac ná'ogue najo, chaqai ỹomatec ná'maq ỹoreta'oguit ne'ne' hueetaugui na qom.

Marcos 1:20

Ca roỹaxanalo', ca saua'maxare no'ueenaqchichiriñi so leta'a' Zebedeo caso neesañigui, chaqai saua lelaatqa. Ca' quetegue so Jesús.

Marcos 1:29

Ca co'na' inoxondec caso lapoxoqui na judioipi, ca' so Jesús nauequetecto saua Jacobo chaqai so Juan, querepegue' yi la'a' so Simón chaqai so Andrés.

Marcos 1:33

Chaqai sá'ogue só'maq qomyipi na'ñi yi na'a' lapoỹau'a ñi lasom.

Marcos 1:39

Ca' so Jesús ỹouoxontac yá'ogue yi Galilea, rapaxaguinataxantac cana lapoxoqui na judioipi, chaqai ỹo'daauec qai'neeta na ne'ec lecmaxaic quena qomyipi.

Marcos 10:1

Ca' so Jesús ca'e yi Capernaum, ca' quepegue' yi 'laua leenaxat Judea chaqai yi 'laua pa'ỹa'gue da lqodoigue caso lachiugue Jordán. Ca' quiyi, ca' so qomyipi lotqai lapoỹau'a yí'maq hueeta'ñi so'maxare. Ma' chi no'ueenataxac, ca lotqai rapaxaguinataxantac.

Marcos 2:1

Ca co'na' ỹore'ueguelo saua na'xata', ca' so Jesús liỹa inoxonougui yi na'a' Capernaum, ca qara'xaiguelec so'maxare quiyim hueete'e ca la'a'.

Marcos 3:1

Ca' so Jesús lotqai liỹa inoxonougui aso lapoxoqui na judioipi, ca hueeta'ño'yi so ỹale ỹaatqajam rashivita da lqai'laxat.

Marcos 6:2

Ca co'na' ỹovire'oga so co'mataxaqui na'xa'a, ca rapaxaguinataxan caso lapoxoqui na judioipi. Ca' ỹaatqajam 'xoic so qomyipi quesó'maq na'xaỹaxantac 'xoic da le'laxa. Ca 'naaco' quen: —¿Negue' cá'maq ỹachigoxota'gue dá'ogue dá'maq la'deenaxanaxa da ỹale? ¿Nega'ỹo' dá'maq na'deenaxanaxa qoỹaanem, chaqai ná'maq ỹo'ueetetac se qaiuanapega?

Lucas 10:15

Qam qamiri ma' ñiita'ñi yi na'a' Capernaum, ¿'ñiitapega quiyim qananojshiguim qamiri, qaroviraqchi'ot na piguim? 'E', qamiri qaropilaxachiñi ma'le, ca viriỹa'ña ca lapooqo' na lqui'i na leuaxaiquipi.

Lucas 13:10

Ca 'uo' so na'xa'a co'mataxaqui, ca' so Jesús rapaxaguinataxantac, hueetaugui aso lapoxoqui na judioipi.

Lucas 4:16

Ca' so Jesús quepegue' yi Nazaret yí'maq na'a' chaqai ỹa'ñi. Ca co'na' ỹovire'oga so na'xa'a co'mataxaqui. Ca inoxonougui aso lapoxoqui na judioipi, ma' chi no'ueenataxac so'maxare. Ime, ca nachajñi, ca retaqalec yi la'qaatec ñi qota'a.

Lucas 4:23

Ca' so Jesús 'naaco': —Qamiri re'qoota quiyim dohilec aỹim ma'le da na'qaatec quen 'neeta: “Qami' natarenataxanaq, chi natariñiralta'.” Chaqai 'ñiỹac ma'le caỹim: “Ná'maq sa'xaiqateguelec quiyim 'viichi'sac quiyi Capernaum, 'viichi'o' nagui quiyim hua'ñi na ralamaxarichi' na'laua'e'.”

Hechos 17:2

Ca' so Pablo dá'maq chi no'ueenataxac, ca quepegue' aca lapoxoqui na judioipi quena' ỹovire'oga yi na'xa'a co'mataxaqui. Ca' co'na' ỹovi' tres ỹovire'oga yi na'xa'a co'mataxaqui, ca rapaxaguinataxantac.

Hechos 18:4

Qam so Pablo co'quena' ỹovire'oga yi na'xa'a co'mataxaqui, lotqai eec, quepegue' aca lapoxoqui na judioipi. Ca hua'ñi, ca ra'qaataxantapeguem na judioipi chaqai na sqai judío, ca' icoñiguit nqai'en da na'qaatec.