Marcos 1:10 - La'qaatqa ñi qota'olec Qota'olec & Qota'olec Novita Na Qomyipi

¹⁰ Ca co'na' nenoxonshiguim queso huaxaỹaq, ca' so Jesús iuana quiyim nauachigui na piguim, chaqai so Espíritu Santo naỹa'ña so'maxare, 'ec na co'toco'.

Marcos 1:10 Iomraidhean Croise

Isaías 42:1

'Ena hueete'e na ilaatec, na'maxare ñolliitañi, ñi'maxare ica'acsec, ỹaatqajam yqo'ta. Sellaagui ñi'maxare so ñi'espíritu, qaiyi noviraxat ca na'maxa quená'ogue na ỹoreta'oguit qomyipi.

Isaías 64:1

Saxanchi' cona'gue nqai'ñi' na piguim, ca' renochirec, ca' quiyim novichiriñi, ca i'loxol nqai'ñi' ana qa' ladocaipi,

Ezequiel 1:1

Ỹim netaxaỹaxanqajnec, ỹeenaxat Ezequiel, ỹim llaalec so Buzi, 'ue so na'xa'a seueto'ot na lahi aso lachiugue Quebar, quiyi Babilonia. Salequetaugui na'le ná'maq ỹoqa'a da qai'xategue 'laua. Ca' quiyi, ca 'eco' huachigui na piguim, ca' 'ue so iuanaxanaxac, seuane'ta ñi qota'olec na' ime' saua veintinueve ñaxari, tres shiriguiri chaqai cinco na'xata', na' ỹovite' saua cinco ñaxari quiyim qai'xategue da ỹoqa'a 'laua so nashi Joaquín. Ca' ñi qara'gaxala' qota'olec ỹashil-lec aỹim.

Mateo 3:16

Ca co'na' qanachilaxan so Jesús, ca na' nenoxonshiguim quiyi huaxaỹaq, ca 'eco' huachigui na piguim. Ca' so Jesús iuañi'chiguit so ne'Espíritu ñi qota'a naỹa'ña so'maxare 'ec na coviguiñic.

Marcos 1:11

Ca' qara'xaỹaque so na'qaatec 'maqot na piguim, 'naaco': —Qami' ná'maq qami' ỹaalec ỹoqo'itaxat, ỹim ỹaatqajam ñitoonta'pegue qami'.

Marcos 1:9

Ca' quesaua na'xata', ca' novi' so Jesús, chicqotau'a yi na'a' leenaxat Nazaret, yi'maxare huaugui yi 'laua Galilea. Ca' so Juan nachilaxan caso lachiugue Jordán.

Lucas 3:22

Ca' so Espíritu Santo naỹa'ña so'maxare, 'nejem na co'toco' ỹaatqajam re'qoota. Ime, ca 'maqot na piguim so na'qaatec, 'ne'tegue: —Qami' maq ỹaatqajam qami' ỹalamaxat ỹaalec, qami' ỹauochaxat, aỹim ỹaatqajam ñitoonta'pegue qami'.