Lucas 9:60 - La'qaatqa ñi qota'olec Qota'olec & Qota'olec Novita Na Qomyipi

⁶⁰ Ca' so Jesús 'naaco': —Ñaqa 'xañirac ná'maq 'ec leuaxaiquipi ñaq ishinñi na lasouaxanqaipi. Qam qami' qui', 'xachi' quiyim ñi qota'olec ỹoiquentac ná'ogue najo.

Lucas 9:60 Iomraidhean Croise

Mateo 4:23

Ca' so Jesús ỹouoxontac yá'ogue yi 'laua Galilea quecanchi ỹoviri'ñi, ca lotqai rapaxaguinataxantapougui ana lapoxoqui na judioipi, ỹa'xatetac dá'maq no'uen na'xaỹaxac queda lo'ueenataxanaxac ñi qota'olec ma' ỹoiquentac ná'ogue najo, chaqai ỹomatec ná'maq ỹoreta'oguit ne'ne' hueetaugui na qom.

Mateo 8:22

Ca so Jesús 'naaco' queso'maxare: —Naquitegue aỹim, 'xañirac ná'maq 'ec leuaxaiquipi ñaq ishinñi na lasauaxanqaipi.

Lucas 15:24

Ma' dajo ỹaalcolec mashic tot qaica, qam liỹa nca'leuec. Da'maxare mashic na'laañi, qam mashic sanataxa.” Ca' qaỹo'uet sojo nemaqachic.

Lucas 15:32

Qalaxam nagui 'maxaraic quiyim so'ueetaq ca qarqui'ỹaxac quiyim ñitoonqatac. Ma' ñi rqaỹa'e', ñi'maxare mashic tot qaica, qam lot liỹa nca'leuec; ñi'maxare mashic na'laañi, qam mashic sanataxa.”

1 Corintios 9:16

Caỹim mesqai 'ec ñimaqajan quiyim sa'xatetac da na'qaatec chicqaugui da nca'laxa, ma' chaqai qaỹamaxailec quiyim so'uet. Ma' ¡'xoraicolec aỹim no'm se sa'xat da'maxare!

Efesios 2:1

Ñi qota'a ỹaanema qamiri quiyim rca'laxauahi so Cristo, 'eno'm ñaqai viitaugui na'le da nelauaxa sauaxat na se no'uen chaqai na nasauaxaset

Efesios 2:5

ca' ỹaanema qomi' quiyim qarca'laxaua so Cristo, ma' 'eno'm ñaqai seuqataugui yi nelauaxa sauaxat na qarasauaxaseteripi. Qam chaqaida dá'maq chi lqouagaxa ñi qota'a, ca' nca'laxaterec qamiri.

1 Timoteo 5:6

Qam aca pa'ỹe quelec quiyim se netelalta', 'nesa ma' ñaq nca'leetauec, qam mashic 'eco' shi'gue ileu.

2 Timoteo 4:2

quiyim ỹaatqajam 'xachi' da na'qaatec, nquipichira'pegue' quiyim 'ue ca redaaqachi' chaqai 'eno'm qaica ca redaaqachi'. Vire'ta quiyim shichi' ca qom, chaxañi' ca lo'maxac, qachita, chaqai ỹaatqajam neualaxaviñire'e' quiyim paxaguiñi'.

2 Timoteo 4:5

Qam qami' ỹaatqajam na'maxachite', chaqai na'ñaxachichiguit da re'xoriqui', quirelec 'xachisac da na'qaatec chicqaugui da nca'laxa, repaquiterelco' da ro'ueenataxanaxaqui'.

Apocalipsis 3:1

Qai'neeta lachita aca lere ñi nelaatec reloqota'a yí'maq mashic icoñiguit da na'qaatec na'ñi yi Sardis. 'Ñiraco': “'Eda 'neeta da la'qaatec ñí'maq no'qoota'alo daua siete no'ueenataxanaxaco se re'xoguilo chicqoro'ot ñi qota'a chaqai yaua siete huaqajñi: Ỹim sa'den ná'ogue ná'maq 'viichi'sac, chaqai quiyim mashic qami' leuaxaic, 'eno'm 'ue da lichoxoric aqami' quiyim qohinac rca'lli'sauec.