Lucas 9:59 - La'qaatqa ñi qota'olec Qota'olec & Qota'olec Novita Na Qomyipi

⁵⁹ So Jesús ca lotqai 'naapega so liỹa: —Quitegue aỹim. Qam so'maxare 'naaco': —Qami' ỹa'gaxala', ñaq yayaxañirac ñaqa 'au seshinñi yi ita'a.

Lucas 9:59 Iomraidhean Croise

1 Reyes 19:20

Ca' so Eliseo chaqa'ma' ỹaxanec so ñii'lolaipi, ca' ne'guenta, co'uaategue so Elías. Ca co'na' ỹovi', ca 'naaco': —Qouaquiric, ñaqai cocho'qui' ñqo'goxe' yaua ita'al, ca spoyiguine'. Ca ma' ime, ca' shiguegue qami'. Ca' so Elías 'naaco': —Ajá'a, mo'e', qui'. Qam ma'le, ca' cocho'qui' ñaqai o'lliinchira'a dá'maq shi'ntegue caqami'.

Hageo 1:2

Ca ñi qara'gaxala' sqaica lqalanec na' retaqaugui so letaxaỹaxaqui Hageo, 'neetasa' da la'qaatec: —Najo qomyipi 'naac quiyim saqa' ỹovita ca laloqo' quiyim liỹa qano'xonshiguim ñi nqouagaxainaxaqui caỹim.

Mateo 16:24

Co'na'le, ca' so Jesús 'naaco' quesaua lapaxaguinatqa: —No'm 'ue ca ỹahotaque quegue aỹim, ca' ncouaalta', ca' quegue aỹim, 'eno'm na'laxatañi dá'maq chi nachaalataxac.

Mateo 6:33

Ca' vichiguiño' 'maxachi'tegue da na'xaỹaxanaxaguii queda lo'ueenataxanaxac ñi qota'olec quiyim ỹoiquentac ná'ogue najo, chaqai 'viichii cá'maq ỹahotaque ñi'maxare, ca' coñiguit ma'le qai'neeta ná'ogue najo.

Mateo 9:9

Ca so Jesús co'na' eec, ca iuane'ta so ỹale leenaxat Mateo nqa'xantañi, neetaugui so lo'ueenataxanaxaqui quiyim icona'piguit ana nishiuete so nashi quiyi Roma. Ca 'naaco': —Quitegue aỹim. Ca' so Mateo ne'laxashiguim, ca' quegue so Jesús.

Lucas 9:60

Ca' so Jesús 'naaco': —Ñaqa 'xañirac ná'maq 'ec leuaxaiquipi ñaq ishinñi na lasouaxanqaipi. Qam qami' qui', 'xachi' quiyim ñi qota'olec ỹoiquentac ná'ogue najo.