Lucas 9:56 - La'qaatqa ñi qota'olec Qota'olec & Qota'olec Novita Na Qomyipi

⁵⁶ Ma' najo ỹale llaalec mesqa naque quiyim na'laxatañi na nachaalataxac na qomyipi. Chaqaidaata quiyim ỹahotaque nca'laxatec. Ime, ca' que', querepegue' ca liỹa na'a'.

Lucas 9:56 Iomraidhean Croise

Mateo 18:10

Mesqaica ca liỹoxoỹa'piguit quená'maq 'ec sqaica ca lemaqachic. Ma' ỹim shinac caqamiri queda piguim ná'maq neloxoỹaripi quena'maxare ỹoviretacot naua'que naua na'xata' ñi ita'a qota'olec neeta'gue da piguim.

Mateo 18:11

Ma' najo ỹale llaalec naque ná'maq na'laaxaic qomyipi, ma' ỹahotaque quiyim nca'laxatec.

Mateo 20:28

Ma' chaqaida dá'maq 'neeta najo ỹale llaalec se novi' quiyim ỹahotaque qaiquelola. Ta'ta'a quiyim ná'ogue quelola, chaqai quiyim da nachaalataxac ỹaanec, ca' 'ec lishiuetenaxanaxat, qaiyi 'xoic ca nca'leuec.

Mateo 5:39

Qam ỹim shinac caqamiri, se cotenachiỹa cá'maq ỹo'uet ca se no'uen caqamiri. Ta'ta'a no'm 'ue ca ỹouaxañigui na rashiigui lahi, ca' lotqai 'ỹaañim da liỹa lahi.

Lucas 19:10

Ma' najo ỹale llaalec, na'maxare anac quiyim idaantaque chaqai quiyim nca'laxatec ná'maq ỹo'meetac qomyipi.

Lucas 22:51

Qam so Jesús 'naaco': —'Xañaac, yí, nalootañi. Ca' so Jesús ipootau'a so lque'la so nelaatec, ca ỹomatec.

Lucas 23:34

Ca co'na' ñaq qaipatentapego, ca' so Jesús 'naaco': —Qami' qota'olec, 'xoriñi' na qomyipi, ma' se ỹa'den da ỹo'ueetetac. Ca' so nouaataxanyipi nallitetapiguilo saua loho so Jesús quiyim negue' ca taalgoto saua'maxare.

Lucas 9:55

Ca' so Jesús ra'ỹauguilo saua'maxare, ca retaxaỹalo, ca 'naapegalo': —Qamiri sqa 'yiiñii negue' ca se re'xogui chicqo'ot dajo se no'uen ra'deenataxanaxaguii.

Lucas 9:57

Ca co'na' queesa'gue so nayic, ca 'uo' so ỹale 'naac queso Jesús: —Qami' ỹa'gaxala', aỹim sahotaque shiguegue qami' quecanchaqa 'itegue.

Juan 10:10

Ca cuataxai chaqaidaata naga'a da locuataxac, lalauataxanaxac, chaqai da leuacqataxanaxac; qam ỹim ñanac, qaiyi 'ue da lca'laxa na'maxare, chaqai 'xoic ma'le da lca'laxa.

Juan 12:47

Qam no'm 'ue ca 'xaỹalo naua ỹa'qaatqa, qam se na'xaỹaxan, mesqaỹim ná'maq sa'ue ca nouaxanaxaset ca'maxare; ma' ỹim se ñovita na 'laua quiyim so'uet ca nouaxanaxaset na qomyipi; qaidaata quiyim ñovi', qam nca'leuec nqaishin na qomyipi.

Juan 3:17

Ñi qota'olec se nelata na llaalec na 'laua quiyim ỹa'ue ca nouaxanaxaset na qomyipi. Ta'ta'a quiyim ỹahotaque nca'laxatec na'maxare.

Romanos 12:21

'Neeto' lotqai nañaañichichiguit quiyim sham qami' loxonec na se no'uen, ta'ta'a quiyim qadoxonqui' na se no'uen, qam do'isa'a ná'maq no'uen.

1 Timoteo 1:15

Ca' dajo dá'maq ỹaatqajam lliquetam, chaqai qaica quet cá'maq sqai huelec quiyim so Cristo Jesús naỹa na 'laua, ma' ỹahotaque quiyim nca'laxatec na qomyipi hualoxonyipi, qam quena'maxare, ca' ỹim ná'maq ỹapacauec da iualoxonqaishic.