Lucas 9:52 - La'qaatqa ñi qota'olec Qota'olec & Qota'olec Novita Na Qomyipi

⁵² Ca ỹa'auaxante' saua lelaatqa, ca saua'maxare querepegue' na hua'ñi na sqailligueme' na qom quiyi 'laua Samaria, qaiyi ỹa'maqatañi 'ue ca lanatqa'.

Lucas 9:52 Iomraidhean Croise

Malaquías 3:1

Ñi qara'gaxala' sqaica lqalanec 'naac: Ỹim sela' ma'le ca ilaatec quiyim ỹa'maxajñi ca ñayicyaxac. Ñí'maq na'gaxala', ñí'maq daañitaque, ñi'maxare nquipitaugui inoxonougui ma'le ñi lo'ueenaxanaxaqui. Chaqai mashic novi' ná'maq ỹa'xateta'guit ca 'deenaxac ná'maq repaguitaque qamiri!

Mateo 10:5

So Jesús ilate' saua doce lapaxaguinatqa, ca 'uo' da laqataxac, 'neetasa': —'Neeto' quiipegueto naua 'lauari sqai neetalgoto na judioipi. Chaqai sqai viriu'a na na'aateripi huaugui yi 'laua Samaria.

Lucas 10:1

Ca co'na' ime dajo, ca' so qara'gaxala' nca'au'alo saua liỹa' setenta, ca ilate', qam dooseta'pe nqai'en, 'aueta'gue da taata'gue so'maxare quiyim queetagui ná'ogue na na'aateripi chaqai ná'maq hua'ñi quiyim que'tegue ma'le so'maxare.

Lucas 10:33

Qam naco' so ỹale na'ñi yi Samaria, qai'neeta queeta'gue so nayic. Qam co'na' iuane'ta so ỹale, ca ỹaatqajam 'xoic da le'xorenataxanaxa.

Lucas 17:11

Ca co'na' mashic eec so Jesús taigue da Jerusalén, quiichiguilo' yaua 'lauari huauguilo yi Samaria chaqai yi Galilea.

Lucas 17:16

Ca ỹa'yi'iñi naua le'cootal queca reloqota'ñi so Jesús, ỹaatqajam ỹoviraqta'guit na latap na 'laua, ca' ỹaantacot da na'aachic so'maxare. Qam sojo ỹale, so'maxare le'ec yi Samaria.

Lucas 7:27

So Juan chaqaiso so qaỹa'xat quenaua nerecse' la'qaatqa ñi qota'a co'na' 'naac: Sela' ma'le ca ỹa'qaataxanqajnec quiyim sa'auaxanta'gue da 'i'sa'gue, qaiyi ỹa'maxatetañi ca nayiqui'.

Juan 4:4

Qam na' pil so'maxare, ca' quejlec yi 'laua Samaria.

Juan 4:5

Ca co'na' ỹovira'a yi na'a' quiyi Samaria leenaxat Sicar. Yi'maxare sqoỹoqaque yi na'laua so Jacob yí'maq ỹaanemo' na'le so llaalec José.

Juan 4:9

Ca' aso 'aalo Samaria lase 'naaco': —¡'A! ¿Chi'neco' ma' qami' judío le'ec, qam yashiila'e' queca raquipi', ma' ỹim Samaria lase? (Ma' na judío laseripi se retaxaỹa'pegue' na Samaria laseripi.)

Juan 8:48

Co'na'le, ca so judioipi 'naaco' queso'maxare: —Qomi' ỹaatqajam llic da sa'xataq na' shinqac quiyim qami' chaqai Samaria le'ec, chaqai 'ue ñi neetagui qami' chicqo'ot so na'ỹaapec.