Lucas 9:51 - La'qaatqa ñi qota'olec Qota'olec & Qota'olec Novita Na Qomyipi

⁵¹ Ca co'na' tot qoỹoqaque quiyim so Jesús taigue da piguim, ca ỹa'ñaxachigui na lauel quiyim taigue da Jerusalén.

Lucas 9:51 Iomraidhean Croise

2 Reyes 2:11

Ca saua'maxare ñaqai queete', retaqatecta'. Ca' chi re'laqataxanta quiyim qaiuañi'chiguit aso nahoglena ỹaviquetaugui, ca' saua lo'ol shipga' qai'neeta ỹaviquetauguilo, ca iuagaxachiguilo saua ỹale'. Ca' so Elías taashiguim queda piguim, queetougui aso la'taxanaxa.

Marcos 16:19

Ca co'na' ime ỹa'xatema dajo saua'maxare, ca' so qara'gaxala' Jesús naỹoxonshiguim nqohin, ca' taigue da piguim, ca' nqa'xanñi queda loic ñi qota'olec.

Lucas 12:50

Aỹim sai'a quiyim 'xoic ca i'xoric, 'nejem ca nocoraxanaxac, chaqai ¡chalego na ỹachicoxo quiyim chaqa'ma' sahotaque quiyim ỹovirelec!

Lucas 13:22

So Jesús ñaqai taata'gue da Jerusalén, ca' taỹalec so na'aateripi chaqai naua na'aaterolqai', ca' rapaxaguinataxantac.

Lucas 17:11

Ca co'na' mashic eec so Jesús taigue da Jerusalén, quiichiguilo' yaua 'lauari huauguilo yi Samaria chaqai yi Galilea.

Lucas 18:31

Ca' so Jesús roỹaxana so doce lapaxaguinatqaipi, ca ỹoỹoota'ogalo, ca' 'naapegalo': —Nagui qomi' saxague da Jerusalén, ca hua'ñiyi ma'le quiyim ipaquichigui ná'ogue na na'qaatec quenajo ỹale llaalec dá'maq ỹiriñi só'maq la'qaataxanqajanqaipi ñi qota'a.

Lucas 19:11

Ca co'na' so qomyipi ñaq na'xaỹaxantapega so Jesús queda ỹa'xatetac, ca so'maxare ỹa'uo' ca raloqojnaxana, ma' mashic tot qoỹoqaque yi Jerusalén. Ma' so qomyipi pe'taxantaque quiyim mashic ỹovita ca laloqo' quiyim ñi qota'a ỹoiquentac ná'ogue najo.

Lucas 19:28

Ca co'na' ime ỹa'xat dajo so Jesús, ca' eec taỹa'gue da Jerusalén.

Lucas 24:51

Ca co'na' mashic ỹaanema da lqouagaxa saua'maxare, ca' ca'ahi, ca qaỹaueguegue da piguim.

Lucas 9:57

Ca co'na' queesa'gue so nayic, ca 'uo' so ỹale 'naac queso Jesús: —Qami' ỹa'gaxala', aỹim sahotaque shiguegue qami' quecanchaqa 'itegue.

Juan 13:1

Ca quesó'maq liỹa na'xa'a, ca noviro so lapoxoc quiyim qaỹo'leente na' qoyique'e yi Egipto, ca' so Jesús ỹa'den quiyim ỹovita ca laloqo' quiyim ca'e na 'laua, ca quepegue' ñi leta'a. Qam so'maxare chaqai 'neetari' da lauochaxa queso lalamqateripi no'ueenalec na 'laua, ca' nagui ỹachaxanalo saua'maxare dá'maq paguec lecaic lauochaxa.

Juan 16:28

Chaqai ỹaatqajam sachicqo'tot ñi qota'a na' ñanacpegue' na 'laua, qam nagui shique'e na 'laua, ma' sopila ñi qota'a.

Juan 16:5

Ma' nagui shicpegue' yí'maq neeta'ñi ñí'maq yila'; chaqai qaica cá'maq yinat caqamiri negue' cá'maq saigue.

Juan 17:11

Ỹim totqa senalec na 'laua, qam naua'maxare no'ueendalec na 'laua. Ma' ỹim shic saiquena, qaiyi qoma'que quecá'maq senqata'ñi. Qami' ita'a, ma' qami' co'teeta, vise'e da rquesaxanaxa'e' quiyim quepaqataxañiseguelec ná'maq nañaañi', qaiyi ná'ogue neconta'ta', 'neesari' maỹim caqami'.

Juan 6:62

¿Negue' quet ca 'ñiita queta' huañishi'megue najo ỹale llaalec pilshiguim quedá'maq shi'gue neeta'gue?

Hechos 1:2

chi ỹovireta'a so na'xa'a taigue da piguim. Ca na' saqa' eec queda piguim, ca ỹa'vio' saua lca'acse' lelaatqa, chaqai ỹapaxaguinque cá'maq lo'ueenataxanaxague' chicqo'ot nqai'en so Espíritu Santo.

Hechos 1:9

Ca co'na' ime ỹa'xat dajo so Jesús, ca qananojshiguim, ca qai'xategue da piguim. Ca' saua reloqota'guita, ca chi ra'iishire'megue. Ca naco' so naueguelec, ca 'eco' homougui, ca tot qaiuanegue.

Efesios 1:20

na' liỹa nca'laxatec so Cristo queso lelauaxa, ca nqa'xanaxanñi quena loic queda piguim,

Filipenses 3:14

qaiyi sovirau'a cá'maq naloqojnec chaqai quiyim ỹaueguec cá'maq ỹachaxantac ñi qota'a quiyim roỹaxanta'lo qomi' queda piguim quiyim seconaxaguit, ma' ña'daqatau'a so Cristo Jesús.

1 Timoteo 3:16

Ca' sqaica ỹoqolliguit dá'maq se re'xogui leloxoỹaxac dá'maq seuaxalec ỹaatqajam chalego lecaic: Ñi qota'a na' nachaxan, qam ỹaatqajam chaqaida dá'maq re'qoochigui no'ueenataxac na qom; dá'maq shi'gue ỹa'xat so Espíritu Santo quiyim só'maq ỹaatqajam no'uen ỹale, chaqai qaiuanchigui quená'ogue na chicqashiguim qota'a lelaatqaipi. Chaqai qaỹa'xatem ná'ogue na ỹoreta'oguit qomyipi, chaqai 'ue na huelec quená'ogue na 'laua, chaqai qaicoñi'chiguit queda piguim.

Hebreos 12:2

Ỹaatqajam ya'ỹoqotagui so Jesús só'maq chicqo'ot da qarpi'ỹaxac chaqai nachinñi nqai'en. So Jesús ỹaatqajam na'ñaxachiguit da qohine'tegue na' qaipateno, chaqai se na'xaỹaxana dá'maq 'neeta quiyim nayiloxo lahi' dá'maq 'nejem dajo nelauaxa. Ma' ỹa'deenta quiyim ma' ime'uegue da le'xoric, ca 'ue ca netoonaxac chaqai ỹa'maqachiguiñi. Chaqai nqa'xanñi queda loic quiyi nqa'xanqa' ñi qota'a.

Hebreos 6:20

só'maq inoxonouguio' na'le so Jesús, ca' ỹauategue ca qoyic. Ca' chaqaida 'neeto' na'le so Jesús, ca' ỹovira'a quiyim qaisoota qaretaxaỹaxanqajnec quiyim retaxaỹa'pegue' ñi qota'a, 'nejem da no'ueenataxac na'le so Melquisedec.

1 Pedro 3:22

na' taashiguim queda piguim, ca' nqa'xantañi queda loic ñi qota'a. Ca' ila' ná'ogue na lelaatqaipi ñi'maxare, chaqai na relaataxanaquipi, chaqai ná'maq nquesaxanaxaipi ỹoiquentac.