Lucas 9:49 - La'qaatqa ñi qota'olec Qota'olec & Qota'olec Novita Na Qomyipi

⁴⁹ Ca' so Juan 'naaco': —Qami' napaxaguinataxanaq, 'uo' so seuanaxa ỹale ỹo'deetapeguec na ne'ec lecmaxaic, ro'goxontapega da qadeenaxachi', qam se sa'maxarenaq, ma' se liỹareta'pe qomi'.

Lucas 9:49 Iomraidhean Croise

Mateo 3:14

Qam na' ñaqai 'aueta, se ỹa'maxaren quiyim nachilaxan. Ca 'naaco' queso Jesús: —Aỹim souen quiyim qami' yachilaxañi', qam ¿qami' naquirepegue' aỹim?

Lucas 5:5

Ca' so Simón 'naaco': —Qami' napaxaguinataxanaq, qomi' sá'ogue so pe soqoinaxanqatac, qam sqaica ca qaroqoinecsec. Qalaxam qami' mashic qarelachi', ca' nagui aỹim senaxañi na ỹaleguec.

Lucas 9:33

Ca' queco'na' saua ỹale' sham ỹore'ogalo nqo'neesauec queso Jesús, ca retaqa so Pedro, 'naaco': —Qami' napaxaguinataxanaq, ¡chalego la'maxa quiyim quenajo seuqate'e! So'ueetaxai' caua tres ni'ỹaxaqui', 'óna caqami', chaqai ca liỹa queda Moisés, chaqai ca liỹa queda Elías. Qam so Pedro se ỹa'den ca 'neeta da la'qaatec.

Hechos 5:28

—Qomi' sqaica ma' sa'maxarenaq quet quiyim paxaguinataxañita'pegue da leenaxat so Jesús. Qam ¿negue' dá'maq 'viichitac? Mashic no'xataxachiigui ná'ogue na Jerusalén quedá'maq rapaxaguinataxanaxaguii qamiri, chaqai viitaque pataxailgoto qomi' quiyim qarasauaxaset da lelauaxa so ỹale.

1 Tesalonicenses 2:16

Ma' quena' sahoqotaque quiyim sa'xataq da la'qaatec ñi qota'a quená'maq sqai judioipi, qaiyi ỹovira'oga da nca'laxa qai'neeta, ca lotqai se ỹa'maxaren quiyim sa'xataq da'maxare. Ca' quedajo, ca paguec noquigaxatec na lasauaxaset. Qam nagui, ca' ỹovita quiyim taalec dá'maq chalego lecaic nouaxanaxaset chicqo'ot ñi qota'a.